Nola landu desirak, aniztasun sexuala edota identitatea 12-18 urteko ikasleekin?
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan itzalpean dauden errealitate sexualak plazara ateratzeko baliabidea” da.
Hiruki Larroxa kooperatibak sortu ditu “Armairutik plazara” unitate didaktikoak, eta Hernaniko Udalak eman ditu argitara. Sei arlo, sei unitate didaktiko; proiektuetan oinarritutako metodologia darabilte denek eta guztietan ageri dira galdera pizgarriak eta gaiari lotuta ikasleen interes eta jakin-min zehatzak jasotzeko atalak, besteak beste. Arlo bakoitza lantzeko eskaintzen diren baliabideen artean daude artikuluak, elkarrizketak, ikus-entzunezkoak eta bideoklipak, bereziki oinarri hartuta LGBT+ pertsonen lekukotzak (Miquel Missé, Empar Pineda, Kattalin Miner, Imanol Alvarez…).
Derrigorrezko Bigarren Hezkuntzako lehen mailan hasi eta Batxilergoko bigarren mailaraino, maila bakoitzean lantzeko arlo bana proposatu dute egileek, sei unitate didaktiko guztira: gorputzak (gorputzari lotutako diskriminazioak, aniztasun morfologiko-sexuala, intersexualitatea, trans errealitateak, lodifobia, arrazakeria, kapazitismoa...), identitateak (genero adierazpen eta rolak, ez-binarismoa, gure genero biografia, lumafobia…), desirak (desiraren orientazioa, familia eta harreman ereduak, gorroto diskurtsoak, erotika, heteroaraua…), justizia soziala (eskubide sexualak, LGBTI+fobia, askatasun sexuala, harrotasun eguna…), ahalduntzea (LGBTI taldeak, mugimendu sozialak, sexu askapenaren aldeko borroka, kolektibotasuna…) eta memoria (erreferenteak, mugarri eta gertakari historikoak, testigantzak, ikusgarritasuna…).
"Ez dugu gure sexualitatea nola garatu aukeratzerik, arautik at etiketatzen gaituztelako hasieratik eta etiketa horretatik abiatuta garatu behar dugulako gure sexualitatea"
“Irainetatik hasten gara desira ulertzen”
Proiektu zabalago baten parte dira unitate didaktikoak. 2021ean Noiz bukatzen da armairua? liburua kaleratu zuten (liburuaren bueltan, “Identitate disidenteak asimilatzen doa sistema, heteroaraura moldatuta" elkarrizketa argitaratu genuen ARGIAn) eta dokumentala prestatzen ari dira orain. Arlo ugariri heldu genien elkarrizketan; ikasleez eta hezkuntzaz ari garelarik adibidez, beren identitate sexuala osatzen ari diren haurrez ere galdetu genien egileei. “Normalean lehenengo datoz muga eta araua, eta ondoren eraikitzen gara gu, eta mugek eta arauek biolentzia dakarte, beraz biolentziatik sortzen gara. Irainetatik hasten gara ulertzen zer den ez bakarrik era bateko edo besteko desira, baita heteroaraua bera ere. Egunero ikusten dugu eskoletan: genero adierazpen jakin bat duen neska-mutilak irain homofoboa jasoko du, jakin aurretik homosexualitatea zer den ere. Ez dugu gure sexualitatea nola garatu aukeratzerik, arautik at etiketatzen gaituztelako hasieratik eta etiketa horretatik abiatuta garatu behar dugulako gure sexualitatea". Garbi dute elkarrizketatuek: "Harreman parekide eta osasuntsuak lantzeak funtsezkoa izan beharko luke hezkuntzan".
Unitate didaktikoak edonoren eskura jarri ditu Hernaniko Udalak, lotura honetan.
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Memoria eta Bizikidetzako, Kanpo Ekintzako eta Euskarako Departamentuko Memoriaren Nafarroako Institutuak "Maistrak eta maisu errepresaliatuak Nafarroan (1936-1976)" hezkuntza-webgunea aurkeztu du.
570.000 familiak euren haurren ikasgeletako hizkuntza nagusia zein izango den bozkatzeko aukera dute martxoaren 4ra arte: gaztelera edo katalana. Garikoitz Knörr filologoaren eta euskara irakaslearen arabera, kontsultak "ezbaian" jartzen du katalanaren zilegitasuna... [+]
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Euskal hezkuntza sistemaren itunpeko eskolen gainkontzertazioa eta zentro pribatuen umeak hartzeko gaitasuna beherakada demografikoari eta biztanleriaren klase osaketari egokitu behar dira.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Nola azaldu 10-12 urteko ikasleei bioaniztasunaren galerak eta klima aldaketaren ondorioek duten larritasuna, “ez dago ezer egiterik” ideia alboratu eta planetaren alde elkarrekin zer egin dezakegun gogoetatzeko? Fernando Valladares biologoak hainbat gako eman dizkie... [+]
Une delikatua igarotzen ari den zure lagun minak Taylor Swiften kontzertura joatea proposatu dizu, baina kide zaren elkarte ekologistak elkarretaratzea deitu du, abeslariak sortuko duen kutsadura salatzeko; nora joango zara? Dilema etiko horri erantzun diote gazteek, baita... [+]
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Araba, Bizkai eta Gipuzkoarako Hezkuntza Lege berria onartu zenetik, aurrerantzean hezkuntza doakoa izango dela behin eta berriro entzuten/irakurtzen ari gara. Eragile desberdinei entzun diegu, baita Hezkuntza Sailari ere, eta hedabideei eskaintzen dizkiegun elkarrizketatan... [+]
Boterea eskuratzeko modu asko dago; denak ez dira politak. Bada boterea eta horrek berarekin dakarren erantzukizuna banatu nahi duenik, agintea bilatzen duenik. Beste batzuek errespetu lar diote eta pauso bakoitza hainbeste neurtuta ez dira gai erabakirik hartzeko. Boterea zer... [+]
Matematika, zientzia, euskara, gaztelania eta ingelesa konpetentzietan EAEko ikasleek duten maila neurtzen duen ebaluazio diagnostikoaren emaitza festan, 13-14 urteko ikasleek zientzia eta gaztelanian izan duten deskalabrua "zuhurtziaz" gogoetatzeko beharra adierazi... [+]
Otsailaren 3an hasi da gure umeak eta gaztetxoak eskoletan aurre-matrikulatzeko garaia, eta urtero bezala gogoratu nahi genizueke zergatik ez zaigun ideia ona iruditzen erlijioan matrikulatzea. Iaz artikula bukatzen genuen esanez “askori idazki hau ezaguna egingo zaizue,... [+]