Nola eragingo die pentsioei PPren erreformak?
Pentsioak urtero doitzeko formula aldatuko du PPk sustatutako erreformak. Espainiako Lan Ministerioak azaldu duenez, bederatzi urtean 33.000 euroko murrizketa eragingo du neurriak. Inflazioaren arabera, Espainiako Gobernuak gehiago ere aurrez lezake, baina pentsiodunek egungo sistemarekin jarraituko balitz baino diru gutxiago jasoko dute horretarako.
1998tik, Espainiako Gobernuak espero den inflazio-tasaren araberako igoera ezartzen die pentsioei urte hasieran.. Azken urtean, %2 igo da 1000 euro baino gutxiago jasotzen dituzten pentsiodunentzat, eta %1 hori baino gehiago irabazten dutenentzat.
Formula berria
Erreformak pentsioak urtero zehazteko irizpide berria dakar. Hemendik aurrera, kotizatzaile eta pentsiodun kopuruaren erlazioan oinarritutako indizea ezarriko da urtero, eta horren araberakoa izango da ordainsarien igoera. Haatik, bi muga ezarri dizkio Gobernuak indize horri. Gutxienez, %0,25 igoko dira pentsioak, eta gehienez, inflazioa-tasa baino %0,25 gehiago.
Gobernuaren kalkuluen arabera, langabezia-tasa ez da %25etik jaitsiko 2018 arte, eta pentsiodun kopuruak aldiz, goranzko joeran jarraituko du. Hori dela eta, datozen sei urteetan %0,25eko gutxieneko indizea erabiliko dela aurreikusten du Lan Ministerioak.
33.000 euro edo gehiago
Formula berriarekin 2014 eta 2022 bitartean 33.000 euro aurreztuko dituela iragarri du Lan Ministerioak. Datu horiek lortzeko, datozen urteetako aurreikuspena aurreko sistemarekin jarraituz gero ordaindu beharko litzatekeen diru kopuruarekin alderatu dute. Baina orain arteko irizpideen araberako gastuak neurtzeko, 2022 bitartean urteroko inflazioa %1 izango dela eman dute jakintzat, eta baliteke ez hala izatea.
Izan ere, azken 15 urteotan, urte hasieratik azarora bitarteko inflazioa bataz-beste %2,9 izan da Espainian, eta Europan aldiz, %2,1. Datu horiek datozen urteetan errepikatuko balira, murrizketa 70.000 euro ingurukoa izango litzateke.
El Paísen arabera, urtean 13.746 eurokoa da bataz-besteko pentsioa. Zenbateko hori oinarri hartuta, inflazioa %1 bada, orain arteko formularekin jarraituta baino 638 euro gutxiago jasoko dituzte pentsiodunek 2019an; inflazioa %2 bada, 1.527 euro gutxiago; eta inflazioa %3 bada, 2.460 gutxiago.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.
Erretretarako adina 62 urtetik 64 urtera atzeratzen duen erreforma pasa arren, aurkako mobilizazioek segitzen dute. Ondoko bideetatik dabiltza testu horren kontrakoak: greba eta manifestazioak; Konstituzio Kontseiluaren ezeztapenaren esperantza mehea; gobernuaren parean postura... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
23.000 lagun batu dira Baionan sindikatuen arabera, eta orokorki, manifestazio guzietan batu da jendetza esanguratsua –Parisen 800.000 dira une honetan, CGTren arabera–. Tonua gogortuz doa manifestarien partetik eta blokeoak eta barrikadak biderkatuz doaz azken... [+]