“Nola da posible maskara gabe erditzeko aukera ez ematea?”
“Fisikoki, emozionalki zein mentalki horren garrantzitsua den” eta “arnasketak izugarrizko inportantzia duen” erditzeko unean maskara erabili beharra, kontsulta eta ekografietan lagunduta ezin joatea, erditze aurreko laguntza taldeak eta erditze osteko edoskitze taldeak bertan behera gelditzea… Pandemia garaian haurdun egotea nola bizi duen kontatu du Haurrak Ere Bai plataformako emakume batek.
Plataformatik salatu dutenez, haurdunaldia epe berezia da, guztiz emozionala, eta ez da bidezkoa amari, berak aukeratutako pertsona bere ondoan izateko eskubidea ukatzea “eta gainera ardura hori osasun langileek hartu behar izatea, horrek suposatzen duen guztiarekin”. Bere testigantza eman duen emakumearen esanetan, kontsulta nahiz ekografietan, “beharrezko neurriak hartuta, zergatik ezin du amak aukeratutako pertsona batek prozesua gertutik jarraitu eta parte hartu? Zergatik ezin du haurduna emozionalki lagundu?”. Gainera, klinika pribatu askotan ahalbidetzen dutela gaineratu du.
Erditze aurreko laguntza taldeak eta erditze osteko edoskitze taldeak leku ugaritan bertan behera utzi dituztela-eta, neurriak hartuta talde murriztuak antolatzearen aldekoa da plataformako kidea, eta edoskitze taldeak osasun zentroan ezin badira egin, bestelako espazioetan antolatzea proposatu du. “Edoskitzea finkatzen laguntzeko, emakumeok behar dugun sostengu sarea ezinbestekoa da”.
Ospitalean erditzen diren emakumeek maskara jantzita egin behar izatea ere zentzugabea iruditzen zaio: “Nola da posible fisikoki, emozionalki zein mentalki horren garrantzitsua den bizitzako momentu horretan emakumeari maskara gabe erditzeko aukera ez ematea? Nola da posible arnasketak izugarrizko garrantzia duen prozesu natural batean? Ez litzateke nahikoa izango laguntzen duten profesionalek FPP2 edo FPP3 maskara eramango balute?”.
Emakumearen hitzetan, “berriz ere proportzionaltasunik gabeko neurriak ezarri direla sentitzen dut, eta berriz ere talde zaurgarrienen aurka egiten duten bitartean, osasunaren izenean ari direla entzun behar”.
Haurdunaldiaren zazpigarren hilabetean hil zen Aduna, Amets Etxeberriaren alaba. Halakoetan, erru sentimendua da bizkar gainean emakume askok hartzen duen zama, dolua ere oztopatzen duena. Profesionalengandik jasotzen duzun tratua funtsezkoa dela dio Etxeberriak, horri aurre... [+]
Familiaz, azalpenak eman beharraz, topikoez, askatasunaz, kontziliazioaz, sareaz eta komunitateaz, erru sentimenduaz, ekonomiaz, traba legal eta administratiboez, haurraren eskubide urraketez... solastatu gara, hautuz gurasobakar diren Argider, Junkal, Koldo eta Maitanerekin... [+]
Udako oporrak gainean, non dagoen uneoro jakiteko erloju adimenduna erosi diozu seme-alabari? Ez duzu bakarrik uzten, arduraz jokatuko ez duen beldurrez? Egungo belaunaldi gaztea inoizko kontrolatuena dela diote The Guardianen, eta dagoeneko adinez nagusi diren heldu... [+]
Nazio Batuen Erakundeak Espainiako Estatua zigortu du Nahia Alkortak bere lehen erditzean jaso zuen biolentziagatik, baina gobernuek ez dute ebazpena onartu. 'Mi parto robado' liburua idatzi du bizitakoa gizarteratzeko, eta arazo sistemikoa dela azaltzeko.
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Toledo, 1272-1280. Alfontso X.a Gaztelakoak Ama Birjinari eskainitako 427 kanta monodiko bildu zituen. Santa Mariaren Kantigek Erdi Aroko musika eta literatura bildumarik garrantzitsuenetakoa osatzen dute, baina, kantiga miniaturaz apainduta daudenez, ilustrazio horiek beste... [+]
Gurean ere agerikoa den errealitatea islatzen dute Kataluniako datuek: guraso elkarteetan, eskolako bilera eta zereginetan, gurasoei zuzendutako tailerretan… emakumeak dira gehiengoa. “Haurrak heztearen funtzioa amek hartzen dute eta sentsazioa dute gainezka... [+]
Antzutasuna tabu eta estigma den gizarte honetan, zenbat galdera erantzun bila: haurdun geratu nahi eta ezin lortu, noiz arte luzatzen dira saiakerak, eta bide horretan zenbaterainokoa da nekea, bakardadea, erruduntasuna, lotsa, beldurra, obsesioa? Nola eragiten die etxeko eta... [+]
Bertzeen artean, Odol mamituak, X hil da , Bi aldiz erditu zinen nitaz ama, eta Kamisoi zuri zetazkoa eleberrien eta Txoriak etortzen ez diren lekua poema liburuaren idazlea da Alaine Agirre (Bermeo, 1990). Isildutakoak ekartzen ditu paperera. 2021eko irailean argitaratu zuen... [+]
Gizarte Segurantzak baimendutako hamasei asteen laguntza osagarri gisa planteatu du Eusko Jaurlaritzak bi asteko luzapena. 2019tik sektore publikoko langileek baimena eskuratzeko aukera dute.
Garazi Abrisketa (Arrankudiaga-Zollo, 1988) ama izan zen maiatzean, baina bere alaba hilik jaio zen. Esperientzia horrek amatasunari, heriotzari eta tabuari buruz luze eta sakon hausnartzera eraman du. Aiaraldea Hemen aldizkarian elkarrizketaren zati bat argitaratu ondoren,... [+]
Ama izan ondoren emakume askok akademia uzten dutela eta, amaz osatutako ikertzaile-talde batek hori ez gertatzeko hamar neurri proposatu ditu, eta PLOS Computational Biology aldizkarian argitaratu ditu.
“Oinarrizko eskubideak aitortzeko egiten dut. Niri ez dit inork nire erditzea itzuliko, ezta bizitutako trauma hori sendatuko ere. Beraz, ondorengoei halakorik ez gertatzeko ari naiz lanean”. Hitz gordinak dira, minetik eginak, eta min horretatik abiaturik,... [+]
