Agifugi, Gipuzkoaren Etorkizunerako Ijito Elkarteak “Ijito Oroimena, Gerra Zibila eta diktadura Euskal Herrian” izeneko dokumentala ekoitzi du; urriaren 15ean arratsaldeko 19:00etan aurkeztuko da Donostiako Antzoki Zaharrean.
Jesus Maria Palaciok zuzendutako dokumental honek ijito euskaldunek 1936ko gerra eta ondorengo errepresio urteetan bizitakoak biltzen ditu haien adierazpenen bidez.
2002. urtean otu zen dokumentala egiteko ideia. Urte hartan, gazteei zuzenduta, ijitoek II. Mundu Gerran jasandako zapalkuntza jasotzen zuen komikia sortu zuten. Liburua ekoizteko informazio bila ari zirela ijitoez dokumentazio instituzional gutxi zegoela ohartu ziren. Frankismo garaian erbesteratutako ijito askoren lekukotzak jasotzera eraman zituen horrek. Elkarrizketa horietan material ugari lortu zen eta horietako asko dira dokumentalean ikus daitezkeenak.
Kultur topikoei eta “biktimismoari” muzin eginez, guda garaiko irudiak orduko bizipenen adierazpenekin uztartzen dira 30 minututako kronika honetan. Gutxiengoaren istorioak urritan erakusten dira ikastetxe eta unibertsitateetan, eta horri buelta eman nahian erabaki zuen elkarteak proiektuari ekitea; ijitoen historiako pasarte ilun hari argi izpi bat eman nahian.
Donostiako Udalak eta Gipuzkoako Diputazioak diruz lagundu dute proiektua. Hiriko kultur etxe eta liburutegietan eskuragai egongo da eta sarean eskegiko dute nahi duenak doan ikus dezan. Gainera, Agifugi elkarteko ordezkari Rafael Jimenezek adierazi duenez dokumentala Giza Eskubideen zinemaldira aurkeztea pentsatzen ari dira.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
Madrilgo Cañada Real auzoan bizi da Houda Akrikez (Tanger, 1982) Tabadol elkarteko presidentea, Puerta del Sol plazatik hamasei kilometrora. Hiru urte daramatzate auzoan argindarrik gabe 4.000 lagunek, tartean 2.000 haurrek, Naturgy enpresak hornidura elektrikoa eten... [+]
LCI telebista kateko Parc Brunet, Hammett & Cie saioan jitoak lapurrei konparatzeagatik jarri du salaketa du Euskal Herriko Ijito Komunitatearen Zentro Sozio-kulturalak. Audiobisualaren eta numerikoaren sektoreaz arduratzen den ARCOM autoritatearengana ere jo du gertatutakoa... [+]
Estereotipoak apurtzen dituen emakumea da Palmira Dual Jiménez. 26 urteko neska gazte irundarra da, euskalduna eta ijitoa. Hamazazpi urteko kazetaritza ibilbidean, kazetari honek elkarrizketatu duen lehen ijitoa; aitortzeak ere lotsa ematen du. Ez dezagun uka, denok gara... [+]
Neska gazte talde bat jarraitu eta inguratu dute lurrin denda batean, eta langileetako batek ijito izateagatik jarraitu izana onartu die, grabaketa batean jasota dagoenez. Arropa denda batean, aldiz, polizia talde batek bi emakume ijito aldageletara eraman eta inolako azalpenik... [+]
Abenduaren 5ean, Greziako Tesalonika hirian, Poliziak buruan tiroa jo zion 16 urteko mutiko bati, ustez 20 euro ordaindu gabe joatearren gasolindegi batetik. Zortzi egunen buruan, asteartean hil egin da gaztea. Azken astean ez dute etenik izan protestek, eta hilketaren berri... [+]
Agente batek bi tiro eman dizkio gasolindegi batetik 20 euro ordaindu gabe ihesi zihoan Kostas Fragoulis gazteari, Tesalonikan. Baliteke Greziako autoritateak haren heriotza estaltzen aritzea.
Emakume ijitoek pairatzen duten arrazakeria edo diskriminazio espezifikoari egiten dio erreferentzia genero antitziganismo kontzeptuak. Halere, gizarteak oro har ezagutzen ez duen eta emakume ijitoak oraindik eraikitzen ari diren kontzeptua da, AMUGE eta Romi Berriak elkarteen... [+]
Genero Antigitanismoaren Nazioarteko I. Kongresua egingo da Bilbon urriaren 3tik 5era. AMUGE Euskadiko Emakume Ijitoen Elkarteak eta Romi Berriak elkarteak antolatu dute, genero antigitanismoa kontzeptuaren definizio bateratua adosteko, eta esperientziak, ezagutzak eta... [+]
Primor lurrindendaren aurrean elkarretaratzea egin zuten ostegunean, Gaz Kalo Nafarroako ijito elkarteak eta SOS Arrazakeriak deituta, salatzeko denda horretan hiru emakumek eta adin txikiko batek jasan zuten tratua.
Emakumeen Nazioarteko Egunean ere, ijito feministok ikusgai izan nahi dugu eta mugimendu feministan arrazakeriaren kontrako borroka txertatzen lagundu nahi dugu. Horretarako, ezinbestekoa dugu emakume arrazializatuen eta, zehazki, ijitoen errealitateak ezagutzera ematea... [+]
Bi txano zeramatzala argudiatuta (jertsearen txanoa eta zamarrarena, irudian ikus daitekeen moduan), tiketa erakusteko eskatu dio neska gazte bati Iruñeko Zarako segurtasun arduradunak, dendatik ateratzean. Ez hanka ez buru ez duen argudioa aitzakia hutsa dela eta... [+]