Nola antolatu herria, ikuspegi hezitzaile batetik?
Oinherri Herri Hezitzaileen Sareak antolatuta, “Herri antolamendua herri hezitzailearen ikuspegitik” jardunaldia egin dute Lekarozen, martxoaren 26an. “Herri hezitzailearen filosofian sakontzen jarraitzeko mugarria jarri dugu”, adierazi dute antolatzaileek.
Jardunaldiari hasiera emateko, Euskal Herriko hiru errealitate ezberdinetako esperientziak entzun dituzte: Baztandik Joseba Otondok instituzioek herritarren partaidetza sustatzean parte hartzen dutenen profilaz aritu da; Amaia Gabilondok eta Miren Errastik, Garaion proiektua ardatz harturik, eragile izatetik harago joateko beharraz aritu dira, beraien burua “traktore” gisa izendatuz; eta Xotil Natkek Zaldibiako “Ertzetik erdigunera” egitasmoa azaldu du, nonbaitera iritsi behar bada orain abiatu behar garela azpimarratuz.
Ondoren, Denise Najmanovich eta ARGIAko kolaboratzaile den Ula Iruretagoienaren arteko elkarrizketa mamitsua izan dute. Hari muturrei tiraka zenbait ideia problematizatu dira: erresilientzia, plangintza vs estrategia, zaintza, elkarbizitza, arkitektura parte-hartzailea…
"Hirigintza eraldatzailea: diskurtsotik praktikara” mahai-inguruan, Patxi Galarraga (Proiekta Urbes), Izaskun Soto (Hiritik At) eta Gorka Segurola (Juntura Koop) aritu dira. Hirigintza arloko “tekniko orojakileen rola gainditu eta kolaboratzera eta parte hartzera” animatu dute jendea, aliantzak bilatzera herrietako hezitzaileekin, osasun langileekin, zerbitzu sozialetakoekin... “Erremintak baditugu, baina hausnartu behar dugu nola erabili nahi ditugun. Ematen zaien erabileraren arabera asko aldatzen delako emaitza”. Parte-hartzearen inguruko kezkak ere mahai gainean jarri dituzte: nola jaso denen hitza? Jendarteko kolektibo batzuei ahotsa kentzen ari bagara eta baztertzen ari bagara sistematikoki? Nola nahi dugu guk antolatzen ditugun parte-hartze saioetan haiek parte hartzea?
Azkenik, Ula Iruretagoiena, Miki Lamedica eta Ane Almandozen Espazio-politiken eskuliburua irakurketa antzeztua izan dute entzungai bertaratuek. Feministaldia jaialdiko Kutsatu ediziorako prestatu zuten, arkitekturaren eta generoaren inguruan hitz egiteko.
Behetik gorako hirigintza
Jardunaldien izena daraman liburuxka ere aurkeztu dute. Hiritik At kooperatibako eta Oinherri elkarteko kideek sortu dute, elkarrekin. “Behetik gora eraiki nahi dugun hirigintza eredu berri bat proposatzen dugu liburuxkan. Herriak gertutasunetik, egunerokotasunetik eta haurtzaroak ematen digun txikitasunaren neurri politikotik birpentsatzeko proposamena osatu dugu”.
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]
II. kongresuan aurkeztu duen berritasun esanguratsuenetako bat da. Orain arte Bigarren Hezkuntzara zuen bideratua bere jardun politikoa eta hemendik aurrera unibertsitateetan eta Lanbide Heziketan ere arituko dira. Euskal Hezkuntza Sistema Publiko Komunitarioa aldarrikatu du... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ongi ezagutzen ditu eskola partikularretara doazen ikasleak Aitziber Ibarbiak. 25 urte inguru daramatza matematika, fisika eta kimikako partikularrak ematen, batez ere Batxilerrekoei. Irakasle on eta txarrez, ikasgelan sortzen diren erritmo ezberdinez, azterketak zuzentzeko... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]