Nobela beltz bat kometitzeko prest dagoen idazlearen bila ari dira Baztanen
Baztango Udalak hirugarrenez jarri du martxan (H)ilbeltza beka, urtero euskal nobela beltzaren astea antolatzen duen izen bereko elkartearekin eta Txalaparta argitaletxearekin elkarlanean. 6.000 euroko laguntza izango du bekaren irabazleak, asteazken honetan iragarri dutenez.
2017an Miel A. Elustondok irabazi zuen eta argitaratu berri du Kezko bola batek itoak birikak; iaz berriz, Josu Baranbonesek –Patricia Highsmithen The Blunderer itzultzen ari da–. Nor izango da aurtengo irabazlea? Euskarazko nobela beltza sustatzeko asmoz Baztango Udalak, (H)ilbeltza elkarteak eta Txalaparta argitaletxeak martxan jarri duten (H)ilbeltza beka hirugarren ediziora iritsi da.
6.000 euroko diru-laguntza da, beka eskuratzen duen idazleak urtebetean euskarazko eleberri beltz bat osatu dezan. Diru horren erdia bekaren irabazlea ezagutarazi bezain pronto emango zaio irabazleari eta beste erdia berriz testua amaitzen duenean.
Bekara aurkeztu nahi dutenek narratiba-lanen proiektuak aurkeztu beharko dituzte (nobelak edo ipuin-bildumak) bi gutun-azaletan: lehenbizikoan landu nahi den kontakizunaren azalpena egin beharko da 2-4 orrialdetan, baita idazlanaren lagin bat entregatu ere, 30.000 karaktere ingurukoa. Bigarren gutun-azalean berriz, egilearen nortasun-agiriaren kopia eta banku-datuak sartu beharko dira –xehetasunak Baztango Udalaren webgunean kontsultatu daitezke–.
Aurkeztutako egitasmo guztien artean, hiru lagunek osatutako epaimahai batek erabakiko du proiektu irabazlea zein den –Joseba Otondo Baztango Udalaren izenean; Jon Jimenez Txalapartaren izenean; eta Castillo Suarez, (H)ilbeltza elkartearen izenean–, proiektua genero beltzekoa izango dela ziurtatuz eta lanaren originaltasun eta kalitatea aintzat hartuz.
Ekimenaren bidez, azken urteetan Baztanen indarra hartzen ari den nobela beltzarekiko zaletasunari bultzada eman nahi zaio, baita generoak euskal literaturan daukan tokia aldarrikatu ere. Aurten bosgarren ediziora iritsi den (H)ilbeltza euskal nobela beltzaren astea eta euskal letren panoraman ezinbesteko zita bihurtu da jada.
Anjel Lertxundi, Joseba Sarrionandia, Garazi Arrula, Garazi Ugalde eta Ruper Ordorika izango dira besteak beste gonbidatu, urtarrilaren 23an hasi eta 29ra bitarte ospatuko den euskal nobela beltzaren astean, Baztanen.
Hilaren 24tik 30era bitartean egingo dute aurtengo (H)ilbeltza, Baztango nobela beltzaren astea. Aurtengo programazioa aurkezteko spota argitaratu dute asteazken honetan.
Aurten ez dute nobela beltzaren asterik izan Baztanen, (H)ilbeltzaren antolatzaileek urtean zehar sakabanatu baitituzte jarduerak. Asteartean jakinarazi dutenez, baina, 2022an berriz egingo dute astebeteko (H)ilbeltza jaialdia.
Beste urte batez, Plentziako Udalak eta Calibre 38 aldizkari digitalak Lanbro Beltza topaketak antolatu dituzte Plentzian. Eleberri beltzaren inguruko IX. jardunaldi hauetan hainbat idazle eta adituk parte hartuko dute eguenetik zapatura, urriaren 14tik 16ra, egingo dituzte... [+]
Erretiroa hartzeko prest da Amaia Ezpeldoi landaguneko detektibea, emakume baten desagerpena ikertzeko eskatu diote baina. Itxaro Bordarekin bildu gara Euri zitalari esker (Susa, 2021) eleberriaz hitz egiteko.
Aste osoan hainbat ekitaldi antolatu dituzte eta igandean eginen diren bi errezitaldirekin borobilduko dute.
Idazle zornotzarrarekin (Durango, 1969) bildu gara Durangon. Ezohiko idazlea da. Industriako langilea da, metalgintzan ari da. Eleberri eta ipuin beltz andana idatzi ditu. Bere liburuen generoa nola, halaxe ditu eskuak: ilunkarak. Zorioneko familia (Elkar) ipuin liburua da bere... [+]
Bosgarren ediziora iritsi da (H)ilbeltza, Baztango euskal nobela beltzaren astea. Urtarrilaren 14tik 20ra bitartean egingo da aurten, asteazken honetan aurkeztu dute aurtengo egitaraua eta urtetik urtera sona handiagoa hartzen ari den ekimenaren filosofian sakontzeko ere balio... [+]
Fikziozko liburu bati buruz solasean aritu ziren Nafarroako Parlamentuko Hezkuntza Batzordean otsailaren 6an, ordu eta hogei minutuz, tarteka tentsio handiz. Egoera bitxia eragin du UPNk, Lekarozko institutuko DBH4ko ikasleek irakurri duten eleberri bat jo-puntuan jarriz... [+]
(H)Ilbeltza Euskal Nobela Beltzaren Asteak aurtengo edizioa iragartzeko spot-a argitaratu du urteko bigarren egunean. Beltz kutsukoa da iragarkia eta, noski, krimen baten berri ematen digu.
Ernesto Prat Urzainik Telleria eta gero, zer? aurkeztu du maiatzaren 17an Elkar argitaletxearen eskutik, bere hirugarren eleberria.
Nobela beltzaren inguruan askotariko ekitaldiak antolatu ohi dituzte urtarrilarekin zazpi egunez, webgune ondo betea dute urte osoan, eta orain berriz, (H)Ilbeltza beka aurkeztu dute. Aste izatetik urte izatera bidean da Baztango (H)Ilbeltza.
Baztango Udalak eta Txalaparta argitaletxeak euskarazko literatura beltza sustatzeko beka jarri dute martxan. 6.000 euroko laguntza dago mahai gainean, zeina kutsu beltzeko euskal nobela-proiektu onenaren egileak poltsikoratuko duen. “Nik idatziko nuke, baina ez dakit zer... [+]
(H)ilbeltza elkarteak, Baztango Udalak eta Txalaparta argitaletxeak aurkeztu dute deialdia, eta lanak ekainaren 23ra arte bidal daitezke.
Hiru urtez jarraian egiten den zerbaitek merezia omen du tradizio izena eta beraz, Baztango Euskal Nobela Beltzaren Astea, Ilbeltza, jada ezinbesteko zita bihurtu dela esan liteke: asteartean aurkeztu zuten aurtengo egitaraua eta edukiz beteta dator.