Noaingo Batailaren 500. urteurreneko omenaldia bertan behera utzi dute VOXen erruz
VOXek ekitaldi politiko bat egin nahi izan du urteurrena antolatu behar zen leku eta egun berean.
VOX alderdiak ekitaldi bat antolatu nahi izan du batailaren 500. urteurrenaren egunean, gudaren oroitarria kokatuta dagoen leku berean. Noaingo Bataila elkarteak urtero antolatzen du borroka gogoratzeko ekitaldia, baina aurten, Getzeko udalbatzak gunea erabiltzeko baimena ezeztatu die elkarteari zein alderdi politikoari. Azaldu dute bietako baten eskaria onartzeak arazoak sortuko lituzkeela.
Noaingo Bataila elkarteak ekainaren 26an antolatu nahi izan du guduaren mende erdiaren urteurreneko ekitaldia. Getzeko udalbatzak lekua erabiltzen uzten die urtero, eta 2021ean ere, hori egiteko izpideak prestatzen aritu dira. Halere, asteburu honetan jakin dute, hedabideen bitartez, VOXek ekitaldi politikoa antolatu nahi duela bertan. Azkenean, erabaki dute eremua bietako inori ez esleitzea.
Udalbatzak komunikatu batean azaldu du gunea VOXi edo elkarteari utziko balio, edota bi ekitaldiak batera antolatuko balira, arazoak egongo liratekeela. Batetik, sare sozialetan eta hedabideetan izango lukeen hedaduragatik; bestetik, jende mordoa pilatuko litzatekeelako ekitaldia antolatzen den gunean, eta horrek osasun neurriak betetzea eragotziko lukeelako.
Azaldu dute lurraren titulartasuna haiek dutela, ez dela jabego publikoko lurra. Horregatik, Espainiako Gobernuak Nafarroan duen ordezkaritzari eta Foru Exekutiboari titulartasun hori errespeta erazteko eskatu die, konfrontazioak ekiditeko.
Manifestazioak
Joan den asteburuan, Nafarroa Berriz Altxa elkarteak manifestazioa antolatu zuen Iruñean, Noaingo Batailan gertatua –1512ko konkistaren ondoren, Nafarroako Erresuma Gaztelako Koroaren barne gelditu zen 1521eko guda galtzean– egungo subiranotasun aldarrikapenarekin lotzeko.
Duela 500 urte Nafarroaren etorkizuna betirako baldintzatu zuen borrokaldia gertatu zen Noainen, Henrike II.a nafar monarkaren aldeko tropen eta Gaztelako nobleek gidaturiko armadaren artean. Historia isildua eta ahantzia izan da, baina gaur egun gero eta datu gehiago dauzkagu... [+]
Duela 500 urte Nafarroaren etorkizuna betirako baldintzatu zuen borrokaldia gertatu zen Noainen, Henrike II.a nafar monarkaren aldeko tropen eta Gaztelako nobleek gidaturiko armadaren artean. Historia isildua eta ahantzia izan da, baina gaur egun gero eta datu gehiago dauzkagu... [+]
Noaingo Batailaren 500. urteurrena ospatzeko plataformak (1521-2021) sare sozialetan argitaratu duenez, Getze Kontzejuarekin eta Galarreko Udalarekin akordioa lortu dute eta ekitaldia uztailaren 4an egingo da. Ekainaren 26rako aurreikusitako programari eutsiko diote. Plataformak... [+]
Noaingo Bataila elkarteak ekainaren 26an zuen antolatuta oroimen ekitaldia, 500. urteurrena oroitzeko. Baina VOXek deitutako ekintza paraleloa dela-eta atzeratu egin dute. Data berria ez dute publiko egin.
Nafarroa berriz Altxa ekimenak manifestazioa egin zuen joan den larunbat arratsaldean Iruñean, duela 500 urteko Noaingo gudua eta herritarrek Gaztelako konkistatzaileen aurrean egindako altxamenduak gogoan. 4.500 pertsonatik gora izan ziren bertan antolatzaileen arabera,... [+]
Iruñeko herritarrak hiria okupatzen zuen Gaztelako Armadaren aurka matxinatu zirenetik 500 urte beteko dira aste honetan. Nafarroa berriz altxa ekimenak omenaldia egingo die herritar horiei, maiatzaren 22an.
Iruñean aurkeztu dute Nafarroa Berriz Altxa herri ekimena. Burujabetza berreskuratzeko beharra eta erabakiak bertan hartu ahal izateko premia azpimarratu dituzte Iruñeko gotorlekuan egindako aurkezpen ekitaldian.
