Noain eta Amaiur oroimenean, Nafarroaren burujabetza aldarrikatu dute Iruñean
Nafarroa berriz Altxa ekimenak manifestazioa egin zuen joan den larunbat arratsaldean Iruñean, duela 500 urteko Noaingo gudua eta herritarrek Gaztelako konkistatzaileen aurrean egindako altxamenduak gogoan. 4.500 pertsonatik gora izan ziren bertan antolatzaileen arabera, eta Nafarroako atzoko eta biharko burujabetzak aldarrikatu zituzten.
Antoniutti plazatik abiatu zen manifestazioa, Altxa Nafarroa. Soberania es libertad (burujabetza askatasuna da) goiburupean, eta Armadako etorbidea eta Yanguas y Miranda kalea zeharkatu ondoren Foruen plazan bukatu zuen.
Han hitz egin zuten Joseba Compains eta Amagoia Susperregi ekimeneko kideek. Compainsen esanetan, egungo Nafarroa intsumiso eta gorria bizi-bizi dago, bere etorkizuna erabakiko du eta “gero eta gehiago gara berdinen arteko errepublika eraikiko dugun herritarrak”. Gakoa erabakitzeko eskubidean dagoela azpimarratu zuen eta 78ko erregimenekoek horri diotela beldurra, badakitelako “nekaezinak garela”.
Amaia Susperregik gogoan izan zuen udan beteko dela Amaiurko Gazteluaren erorketaren bosgarren mendeurrena, eta hura “inbasioaren eta okupazioaren aurrean egondako erresistentziaren” sinbolo bilakatu dela. Manifestazioarekin ez dela ezer amaitzen ere gogora ekarri zuen, eta hura Nafarroak burujabetza lortzeko borrokaren etapa berri baten hasiera besterik ez dela”. Duela 500 urte borrokan aritu zirenei egin dakiekeen omenaldirik onena borroka harekin jarraitzea dela zehaztu zuen.
Ahotsa.info-ren ondorengo bideoan ikus daiteke mobilizazioaren laburpena:
Vox ere Getzen
Datorren larunbatean, ekainaren 26an, Noaingo Gudua oroitzeko ekitaldia egingo da Getzen, Noain 500 urte plataformak deituta. Larunbateko manifestazioaren ondoren, Voxek jakinarazi zuen egun eta ordu berean alderdia Getzen izango dela, baina Gaztelaren garaipenari omen eginez. Ondoren ekitaldi bat egingo dute Iruñean.
1999an sortu zuten Udalbiltzaren sortzaileetako bat izan zen, eta erakundeko lehen presidente izendatu zuten urte berean. Ondarroako alkate izan zen hiru agintalditan, eta hango udalak eman du albistearen berri.
Topatu eta topa! Tipi-tapa, elkarrekin ekin eta, bidea, eginean egin aurrera. Mahaiak, aulkiak, koadernoak eta boligrafoak, platerak, konfidentziak, tragoak eta ahotsak, eskuak, ideiak eta barreak, borrokarako besarkada gozoak. Txistulariak bileran, erraldoiak lasterka eta... [+]
Independentziaren aldeko ekimenak aurrera eramateko baliabide faltagatik "itzaliko" da. Aurretik, Euskal Herri osoko 101 udaletan independentzia mozioak erregistratuko dituztela iragarri dute, euskal errepublikaren aldeko prozesuan urratsak egiteko. Baliabide faltaz... [+]
Euskal Herriko bi muturretatik datoz Itziar (Bilbo, 1982) eta Ekaitz (Erriberri, 2002), sortzen ari den Burujabetzaren Aldeko Mugimenduaren berri ematera. Euskal Herrian diren burujabetza prozesu ugariak arloz arlo bultzatu eta indartu nahi ditu BAMek. Lan horretan hasteko,... [+]
Bizi garen gizartea erabat oinarrituta dago menpekotasunean. Mendeetan zehar gure bizitza horren arabera eratu da, eta poliki-poliki erabakitzeko eskumena, askatasuna eta burujabe izatea murriztuz joan dira. Batzuetan bortizki kendu dizkigute; besteetan, ordea, geuk eman ditugu... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Udalbiltzak 2021etik antolatzen du Geuretik Sortuak sormen beka. Oraingoan, literaturaren alorrari dagokion Hamarreko bitxia ipuin liburua aurkeztu dute Donostian.
Herritarrei eta Hernaniko enpresei energia aholkularitza eskainiko die.
Abenduaren 6an Konstituzioaren Eguna ospatzen da Espainiako Estatuan. ARGIAn aspaldi egin genuen hautua gure egutegi propioa landu eta jai inposatzaile eta arrotzak ez onartzeko; horregatik, asteazken honetan normaltasunez ari gara lanean, ez dugulako ezer ospatzeko.
Ostiral honetan ekonomialari euskaldunek zita garrantzitsua dute Gasteizko Euskaltzaindiaren egoitzan. Ekonomialarien Euskal Elkargoak eta Udako Euskal Unibertsitateak antolatuta, biltzarra egingo dute hirugarrenez. Euskal Herrian estrategikoak izan daitezkeen hainbat gairen... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]
