No Somos Delito plataformari isuna jarri diote Mozal Legea kalean salatzeagatik
Espainiako Estatuan PPren Mozal Legeari aurre egiteko sortutako No Somos Delito (Ez Gara Delitu) plataformako kide bati 700 euroko isuna ezarri dio Espainiako Gobernuko Delegaritzak. 2014ko abenduan “A20 denok kalera Mozal Legearen kontra” lelopean Madrilen egin zen “Poliziari jakinarazi gabeko” manifestazioa antolatzea leporatzen diote. Plataformak auzitara eraman du isuna.
“Erabateko normaltasunez, gatazkarik gabe, egin zen ekitaldi publiko batean mikrofonoa hartzeagatik eta aurpegia emateagatik pertsona bat zigortzen ari dira”, baieztatu du Alejandro Gamezek, No Somos Delito-ko abokatuak. Plataformak ez du ukatu kideak manifestazioan parte hartu izana, izan ere, manifestazioa bera egin izana ikusten dute zigortzeko arrazoia. Manifestazioa Mozal Legea indarrean sartu aurretik egin zenez, Poliziak aurreko legedia erabili du No Somos Delitoko kidea zigortzeko. "Corcuera" deritzon legeak ere jakinarazi gabeko manifestazioak zigortzen zituen; Mozal Legearen "berritasuna" hori bide administratibotik egitea izan da, epailerik tartean izan gabe.
"Manifestazioa ez genion jakinarazi Madrilgo Gobernu Delegaritzari bide ofizialetatik, horrelako tramite administratiboz mozorrotutako Gobernuaren oniritzia salatzea baitzen helarazi nahi genuen mezuetako bat", adierazi du No Somos Delitok komunikatu baten bitartez. Aurkeztu duten helegitean adierazi dute manifestazioa bestelako bideetatik oso argi jakinarazi zutela egun horietan: 30 hiriburutan elkarretaratzeak egin ziren, 22 orduz Trending Topic izan zen Twitterren, komunikabideetan bolo-bolo ibili zen, Facebooken 550.000 bistaratze izan zituen deialdiaren albisteak. “Manifestazioaren deialdia guztiz publikoa izan zen, ahalik eta jende gehienengana heltzea baitzen helburua, gure eskubide eta askatasunak praktikara eramateko beldurra gainditzeko”, diote. Espainiako Polizia Nazionala manifestazioaren aurretik, bitartean eta ondoren presente egon izanak, Gobernua jakinaren gainean zegoela agerian uzten du.
Isuna jaso duen plataformako kideak azaldu duenez, manifestazioa amaitzean, lagun batzuekin joan zen inguruko taberna batera, eta orduan Polizia Nazionaleko zortzi kide agertu ziren. Beren mahaia inguratu eta han zeuden guztiak identifikatu zituzten. “Segurtasun indarrek gure eskubideak libreki gauzatzeko lan egin beharko lukete, egiazko demokraziaren alde kalera atera direnak jazartu beharrean”, adierazi du isunduak.
No Somos Delito plataforma osatzen dute talde, mugimendu sozial eta erakundeek berretsi dute, "askatasuna eta eskubide guztien alde, Mozal Legeen aurka lanean jarraituko dutela, beldurrik eta zentsurarik gabe".
Gipuzkoa Zutikeko bi kideren aurkako isunen arrazoi berbera
Urriaren 14an jakinarazi zuen ARGIAk, Gipuzkoa Zutikeko bi kideri 602na euroko isunak iritsi zaizkiela. No Somos Delitoko kidea zigortzeko Espainiako Polizia Nazionalaren argudio bera erabili du Ertzaintzak: "elkarretaratze ez komunikatuaren erantzule" egoztea. Horretarako, Mozal Legearen artikulu kritikatuenetako bat baliatu du Ertzaintzak.
Elkartzeko eskubideari oztopoak
Europako Giza Eskubideen Epaitegiak ebatzi zuen manifestazio baketsutako parte-hartzaileak bide administratibotik zigortzea, aurretik agintariei jakinarazi gabekoa izanik ere, Giza Eskubideen Europako Hitzarmenaren 11. artikuluaren urraketa dela.
"Manifestariak babestu baino zigortzeko asmoa duten legeen ankerkeria baino ez du erakusten isun honek", dio plataformako prentsa-oharrak. Manifestazio bat galarazteko pisuzko arrazoirik ez badago, ezta hurrengo egunetan antolatzaileak zigortzeko ere, Oinarrizko Eskubideen defentsa beti gailendu behar dela gogorarazi dute, "hori ezinbestekoa baita egiazko estatu demokratiko batean publikoki iritziak libre adierazteko”.
No Somos Delito: 100 talderen babesa
No Somos Delito plataforma arlo askotako 100 talderen babesean sortu zen 2013ko urtarrilean oso helburu zehatzekin: Espainiako Zigor Kodearen erreforma eta Mozal Legearen inguruko informazioa emateko. Gaur egunera arte Mozal Legearen aurkako erreferentzia nagusietako bat izan da Estatuan eta bere ekimenek gizarteko babes zabala lortu dute.
2024ko urriaren 29an epaiketa izan zuen Arabako Mendiak Aske taldeko kide batek, 2022ko otsailean jaso zuen isunaren harira. Isuna ordaintzera zigortu du epaileak Mozal Legea aplikatuta. Iturrietako mendietan oinez zihoazen, lehen mendi martxa antolatzeko prestaketa lanetan,... [+]
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
Urriak 29 goizean egin da Gasteizen, Arabako Mendiak Askeko ordezkari moduan identifikatu eta Mozal Legearen bidez jarri zioten isunari buruzko epaiketa. Lurraren defentsan ari diren kideak atarian batu dira elkartasuna adierazteko eta zera adierazi dute: "Nahikoa da esan... [+]
Harreman bertikal eta asimetrikoen adibideak asko dira, eta beti ez zaigu rol bera egokitzen. Horrela, zenbaitetan, batzuek erabakitzen dute eta erabakitakoa gauza dadin lan egingo dute; gainontzekoen funtzioa da “goian” hartutako erabakiak gauzatzea edota onartzea... [+]
Asteartean EH sareko partaide batek Mozal Legearen bidez jasotako isun baten harira epaiketa izango du. Mendian, sarraskitu nahi dituzten mendi horietan ibiltzearren eta lurraldearen, lurraren, zaintzan eta defentsan aritzearren ertzaintzaren jazarpena jasan zuen. Beste behin... [+]
Iturrietako Mendietako lehen mendi martxa antolatzen ari zirela, 2021ean, kide bat identifikatu zuen ordezkari gisa ertzaintzak eta Mozal Legearen bidez isuna ezarri zion. "Muntai poliziala" salatu du Arabako Mendiak Askek eta zera aldarrikatu du: "Lurraren eta... [+]
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Amaiur Egurrola Ernairen bozeramaileak azaldu du Ernairen aurkako operazioari erantzuteko bildu direla, “baina batez ere gazteria independentista kalean dagoela esateko”. Eusko Jaurlaritzak ia 300.000 euroko isuna ezarri die Ernaiko 133 kideri, Aitor Zelaia eta... [+]
Astearte goizean iragarri du Díazek Mozal Legearen “indargabetzea”, baina eguerdian Pilar Alegría Espainiako Gobernuko bozeramaileak eta Enrique Santiago Sumarreko bozeramaile laguntzaileak adierazi dute 36. artikuluko arau-hauste batzuetara mugatuko... [+]
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]