“Nire burua duela 20 urte bezain indartsu ikusten dut”
'Azken heriotza' biraren eskutik, Anestesia taldeak kontzertua emanen du larunbatean Atarrabiako Totem aretoan.
Biarritzetik, Donostiatik eta Azpeititik igaro ondoren, Anestesia taldearen ‘Azken heriotza’ kontzertu bira Atarrabiako Totem aretora iritsiko da, larunbat honetan. Ez dira garai errazak izan taldearentzat, osasun arazoak, pandemia eta taldekide aldaketak tartean. Baina oholtzan daude berriro basurdeak, betiko indarrarekin eta egurra emateko gogoz.
Taldeko buru eta bihotz Mikel Kazalisek nabarmendu bezala, "garai iluna" igarotzea egokitu zaio azken urteotan, 2019an diagnostikatutako minbizi bat tartean. Gaitzaren lehen kolpea gailendu ondoren pandemiak eszena osoa geldiarazi zuen eta tunel luze hartatik ateratzekotan zeudela zirudienean, bigarren osasun kolpea jasan zuen. Anestesiaren itzulera zekarren Fenix bira behin baino gehiagotan bertan behera utzi behar izan zuen taldeak. Ondoren, Kazalisekin batera taldearen sortzaile izandako Imanol Belokik taldea utziko zuela iragarri zuen, Kazalisentzat kolpe gogorrenetarikoa izan zena. "Hala ere, burugogor jarri nintzen beste bateria baten bila. Erraza ez bazen ere, azkenean aurkitu genuen, eta oholtzara itzultzeko taldea berriro osatu".
Hartara, inoiz baino biziberrituago itzuli da taldea oholtzetara. "Birako kontzertu guztietarako sarrerak agortu dira, Totemerakoa ezik oraindik gutxi batzuk badituena, eta harrera ezin hobea izaten ari da". Hunkituta agertu da Kazalis jarraitzaileen erantzunarekin. "Kontzertuak oso bereziak izaten ari gara, energia desberdin bat sortzen da publikoaren eta gure artean, zaila da hitzekin deskribatzen". Unean unekoa bizitzen ari dela azpimarratu du, jakin gabe hau Anestesiaren azken bira izango ote den edo ez. "Ez nabil horretan pentsatzen, datorrena datorrela, oraingoaz gozatzen ari gara".
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Asteazkenean izan behar zuen epaiketa dataz aldatu dute Lizarrako alkateak azken momentuan jarritako helegite baten ondorioz. Orain taldeari "gorrotoa sustatzea" ere egozten zaio eta lau urterainoko kartzela-zigor arriskua dute kideek.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Aurretik bistaz ezagutzen banuen ere, musikaren munduak hurbildu gaitu Julen Goldarazena eta biok. Segituan ezagutu nuen Flako Chill Mafiak erakusten zuen irudi horretatik harago eta horrek baldintzatu dizkit, hein handi batean, proiektuarekiko harremana eta iritzia. Lauzpabost... [+]
'Tristan und Isolde' opera
Bilbao Orkestra Sinfonikoa. Zuzendaria: Erik Nielsen.
Bilboko Operaren Abesbatza. Zuzendaria: Boris Dujin.
Eszena zuzendaria: Allex Aguilera.
Bakarlariak: R. Nicholls, G. Hughes Jones, M. Mimika, E. Silins, C. Daza, D. Barcellona, J... [+]
Fiesta y rebeldía. Historia oral del Rock Radical Vasco
Javier 'Jerry' Corral
Liburuak, 2025
------------------------------------------------
Javier Corral ‘Jerry’ EHUko Kazetaritzako lehen promozioko ikaslea izan zen, Euskal Herriko rock... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Lizarrako Udalaren jarrera autoritarioa salatzeko sortu zuten Beef D'Alda abestia, eta horren harira auzipetu dituzte. Adierazpen askatasuna aldarrikatzeaz gain, otsailaren 8rako egitarau bat antolatzen ari dela jakinarazi du musika taldeak.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Nafarroa Arenan Mitoaroa ikusten izandako lagun batek “telurikotzat” jo zuen entzun-ikusi-sentitutakoa. Niri ere hala iruditu zitzaidan telebista medio etxetik hauteman nuena.
Pentsa daiteke Mitoaroak piztutako grinak eta atxikimenduak proiektuaren ikusgarritasuna... [+]