“Nire azken hitza jarri nahi izan diot bertsoaren indarrari”
Etxetik hurbil kantatu zuen Maddalenek ibiakoitzean, gai intimo eta sozietalen artean jauzi eginez.
Saio bat etxe ondoan zuretzat. Nola sentitu zinen oholtza gainean?
Hendaian bizi naiz muga ondoan. Niretzat polita zen. Hurbil sentitu nuen saioa. Hala ere, barne gora beherak izan nituen, fisikoki ez nintzen arras ongi. Horrek eraman ninduen psikologikoki presioa sentitzera. Nire maila onena ez erakustearen beldur nintzen. Ez zen pertsonalki ene saiorik atseginena izan oholtzan. Ganbarako lanean arnasa hartuta hobeto sentitu nintzen.
Mugari kantatu zenioten. Garrantzitsua da gaia jorratzea mugako herrietan?
Mugan bertan izan zen saioa, garrantzitsua zen sinbolikoki. Ezinbestekoa zen gaia azaleratzea. Bertsozaleei gaia gertu sentiarazi nahi nien. Miren Artetxerekin gaia tokatu zitzaigun. Bizi izan dudan errealitatea da jendea pasa beharra eta pasatzeko nahia. Sustrai Colinaren agurra entzutean, pentsatu nuen nik ere ezagutu nituela mugako etxolak. Bai ala bai geldituak ginen eta isilik egon behar genuen. Oso barnean ditudan momentuak dira, ia normal bizitzera arte.
Bost emakume, hiru lapurtar… Saio berezia izan da?
Banekien bost emakumerekin saioa berezia izango zela. Egia erran, hiru lapurtar ginela egunean berean ohartu nintzen. Gainera, denak Hendaiako bertso eskolakoak. Nahi nuen niretzat ere saio berezia izatea, pertsonalki begiratuta nire saioarekin gustura egoteko. Bertsoan kolektiboki badira gauza garrantzitsuak, baina pertsonalki pentsatuta ere badira beste helburu batzuk. Nik bereziki hori nuen buruan.
Ganbarako pertsonala egin zenuen, zendutako amari. Nola bizi izan zenuen momentua?
Argi nuen hasi aitzin burura etorriko zitzaidan lehen gaia hartzea, Donostian denbora galdu nuelako bat aukeratzen. Amarena bururatu zitzaidan. Dudatu nuen, ez delako bereziki nire gustukoa bizitza pertsonala aipatzea edo sentsazionalismoan erortzea. Ez da sinple horrelako gai bati heltzea. Nik barnean nuenari kantatu nion. Askotan saiatzen gara ustez nehork pentsatuko ez dituzten ideiak botatzen. Ordea, gauzarik sinpleenetan dira egiazko altxorrak, barnean ditugunetan. Saiatu nintzen hotzean kantatzen barnean nuen gai bero bati.
“Isilarazi nahi dutenean kantatzen du libre”. Berriki jasan duzun zentsura ere salatu duzu.
Esango nuke zerbaiten salaketa egitea baino bertsoaren goraipamen bat egitea zela nire lehen premisa. Bertsoen ondotik izandako egunak ez ziren goxoak izan. Erabaki kontzientez nahiago izan dut ez nahastu, isilik egon eta olatua pasatzen utzi. Banekien noizbait zerbait esan beharko nuela. Nire azken hitza jarri nahi izan diot bertsoaren indarrari eta askatasunari.
GANBARAKO GALDERA:
Zure saioarekiko, zer zaporerekin gelditu zara?
Aho zapore onarekin. Helburua saioari eustea izan da. Uste dut lortu dudala. Jendeari zerbait gogoangarria utzi nahi nion. Hori da bertsoaren helburua txapelketan zein plazan. Hori lortu badut pozik naiz. Beste bertso saio bat kantatuko dut txapelketan. Orain ez dut ezer jokoan izanen. Presiorik gabe gozatzera noa.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]