Nikaraguako Gobernuak atzera bota du gizarte segurantzaren erreforma, protestetan 30 hildako egon ostean
Daniel Ortega Nikaraguako presidenteak elkarrizketarako deia egin dio oposizioari gizarte segurantzaren erreforma bertan behera utzi berritan. Joan den asteazkenetik 30 manifestari hil ditu poliziak eta ugariak izan dira denden arpilatzeak. Manifestariek kalean jarraitu dute.
Democracy Now atariak jaso duenez, Ortegak adierazi du bere proposamenak ez duela “bideragarritasunik” eta muturreko egoera eragin duela ikusita, erreforma bertan behera uztea erabaki duela. “Azken egunotan izandako indarkeriazko gertakarien aurrean, barkamena eskatzen diegu biktimen senideei. Dei egiten diogu Nikaraguako herriari indarkeriazko ekintzak buka daitezen”. Elkarrizketarako deia egin eta Eliza Katolikoari eskatu dio moderatzaile lanak egiteko.
Nikaraguako Gobernuak pentsioak %5 murriztuko zituela jakinarazi zuenetik, protestek ez dute etenik izan. Oposizioko alderdiek ezbaian jarri dute Ortegaren agintaldia eta erreforma bertan behera utziko duela iragarri arren, manifestazioek kalean jarraitzen dute. Ikasleak eta pentsiodunak izan dira, batik bat, kalera irten direnak.
Hasiera batean manifestazio baketsuak egiteko asmoa zutela nabarmendu dute hedabideetan baina Poliziaren eta Armadaren errepresioaren aurrean, ezin izan direla geldirik geratu adierazi dute. “Beraiek armak dituzte, guk ahotsa besterik ez. Harriak eta eskura genuena bota behar izan diegu gure burua defendatzeko”, adierazi zuten ikasleen lehen protesten ostean.
AEBren esku hartzea
Nazioarteko hainbat hedabide bat datoz AEBk Nikaraguako protestetan esku hartu duela esaterakoan. Telesurren arabera, Trumpen gobernuak, iraganean Obamaren lan taldeak Venezuelan egin bezala, “kolpe biguna” eman du Nikaraguan, iraultza sandinista gelditu eta herrialdean zuen kontrola berreskuratzeko. Hala adierazi du Adolfo Pastran kazetariak Telesurren eginiko elkarrizketa batean. “Egonkortasuna ezbaian jartzeko ekintzetan parte hartu du AEBk pasa den urtarriletik. Esaterako, manifestazio baketsutan eskuineko alderdietako kideak indarkeriaz sartu dira, kaosa sortu eta gobernuaren dimisioa behartzeko”.
Venezuelan emandako gertakariak Nikaraguakoarekin konparatu ditu latinoamerikako hedabideak. Gauzak horrela, antzekotan nabarmenak detektatu daitezkeela ondorioztatu dute. Protestetan izandako muturreko indarkeria eta suzko arma “berezien” erabilera, sare sozialen bidez zurrumurruak zabaltzea, arpilatzeak jabetza pribatu nahiz publikoetan eta pertsonaia publikoen erabilera bakea mezuak igorriz sare sozialetan, besteak beste.
.jpg)
Nikaraguako egungo presidenteak bosgarren agintaldia izango du, FSLN bere alderdiak lortu baitu babes handiena momentuz. Hauteskunde Auzitegi Gorenaren arabera, %64eko parte hartzea egon da. Hedabide batzuek zabaldu dute hauteslekuak hutsik egon direla.
Ignacio Ellacuría saria jasotzeak Estatu-errepresioaren aurkako borrokari eusteko indarra eta egungo eskubide urraketen berri emateko aukera eman dio Nikaraguako Artikulazio Feministari. 155 preso politikok tortura-baldintzak bizi dituztela salatu dute, baita... [+]
Nikaraguan emakumeen eskubideen alde eta bakegintzan egiten duten jardunagatik saritu dituzte.
Nikaragua iparraldeko Mayagna Sauni As komunitateak sei buruzagi indigenen hilketa eta hamarren bahiketa salatu zuen urtarrilaren amaileran. Komunitateko gainontzeko biztanleek alde egin behar izan dute, erasotzaileek –80 pertsona armatutik gora, komunitateak azaldu... [+]
Aurreko mendeko ziklo neoliberala atzean utzita, Abya Yalako edo Hego eta Ertamerikako politikaren grabitate zentroa ezkerrean egon da 2000. urtetik. Mugimendu eta protesta herritar eraginkorrak, kontinente mailako aliantza berriak, gobernu ezkertiar edo aurrerakoiak herrialde... [+]
Madrilen jaioa da Geni Gómez López, baina 90eko hamarkadan Nikaraguara jo eta han eman ditu 27 urte. Ekintzaile feminista, Articulación Feminista de Nicaragua (Nikaraguako Artikulazio Feminista) eta Red de Mujeres de Matagalpa (Matagalpako Emakumeen Sarea)... [+]
Tantaka eta lerroburuka heltzen dira, Euskal Herrira, Nikaraguan azken hilabeteotan gertatzen ari direnak. Herri-matxinada baketsua defendatzen dute batzuek, eta estatu kolpea egotzi, besteek, eta gatazkaren hiru bertsio daude gutxienez, mahai gainean: Daniel Ortegaren eta... [+]
Poztu ninduen Madrilen Nikaraguarekiko elkartasun ekitaldi bat antolatu zutela jakiteak. Bilbon egindako lehenengo elkarretaratzean, nire neskalaguna eta biok izan ezik, Moyua plazara hurbildutako guztiak Nikaraguako etorkinak ziren. Ekitaldi horretan abestu behar zuen musikari... [+]
Askapena erakunde internazionalistak hiru hamarkada daroatza Euskal Herriaren eta munduko herrien artean elkartasun zubiak eraikitzen. Ezin uka, aldaketa ugari dakartela 30 udaberrik; are gehiago, borrokan murgildurik dauden lurraldeez edo herri zapalduez mintzo bagara. Horretaz... [+]
Bozken %71,3 eskuratu du Daniel Ortegak, mahaien %66,3 zenbatuta. Maximino Rodríguez izan da bigarrena, eta José del Carmen Alvarado hirugarren. Presidenteordea, Asanblea Nazionala eta Erdialdeko Amerikako Parlamentuko ordezkariak ere hautatu dituzte herritarrek.
10.000 lagunetik gora atera dira kalera larunbatean Nikaraguako Juigalpa hirian, gobernuak egin nahi duen kanalaren aurka protesta egiteko. 44 mila milioi euroko kostua izango duen makro proiektuak beren lurretatik bota nahi dituela salatu dute.
Atlantikoa eta Ozeano Barea lotuko dituen kanala egiteko obrak hasi dira Nikaraguan. Kritikak eta zalantzak sortu ditu proiektuak, kanala fenomeno meteorologikoek kaltetutako gune batean egin nahi dutelako.