Nicolás Madurok irabazi ditu Venezuelako hauteskundeak
Maduroren hautagaitzak botoen %51,2 eskuratu du, eta %44,2 oposizioko hautagai nagusi Edmundo Gonzálezek, Venezuelako Hauteskunde Kontseilu Nazionalak emandako datuen arabera. Oposizioak iruzurra salatu du, eta chavismoak emaitzak errespetatzera deitu du. Madurok jarraian irabazten dituen hirugarren hauteskunde presidentzialak dira.
Botoen %80 zenbatuta zituela eman ditu datuak Hauteskunde Kontseilu Nazionalak, Euskal Herriko astelehen goizaldean. Horien arabera, hauteskundeak irabazteko aukera zuten bi hautagaitza nagusien artean chavismoa nagusitu da beste behin, oposizioari zazpi puntuko aldea aterata. Nicolás Maduro GPP Polo Patriotiko Handiko hautagaiak botoen %51,2 lortu du, eta Edmundo González buru zuen PUD Plataforma Unitario Demokratikoak %44,2. Parte hartzea %59koa izan da. Hirugarren agintaldia da Madurorentzat, 1999an heldu zen gobernura lehen aldiz chavismoa, Hugo Chávezen eskutik.
Kolpismo eta hauteskunde-iruzur salaketak
“Venezuelak presidente hautatu berria du, Edmundo Gonzalez Urrutia. Irabazi dugu eta jende guztiak daki hori”. Maria Corina Machadoren adierazpenak dira, ondoan Edmundo Gonzalez hautagaia zuela eginak. Machado da oposizioaren buru nagusia, baina bere hautagaitza inhabilitatu zuten Venezuelako epaitegiek. Machadok ziurtatu du Gonzalezek botoen %70 jaso duela, eta Madurok, aldiz, %30. Hurrengo egunetan "egia defendatzeko ekintzak” iragarriko direla adierazi du oposizioaren buruak.
Chavismoak hauteskundeen aurretik salatu du eskuineko oposizioa kolpismoa elikatzen ari zela, emaitzen sinesgarritasuna aurretik zalantzan jarrita. Esaterako, asteburuan Espainiako PPren ordezkaritza bat Madriletik Venezuelara bidaiatu zen, hauteskundeetan "behatzaile" aritzeko asmoarekin baina horretarako beharrezko baimenak izan gabe. Aireportuan sarrera ukatu zietenean, horrek hauteskundeen emaitzaren inguruko zalantzak areagotzen zituela salatu zuen PPk.
Herrialdeen posizionamendua
Venezuelako hauteskundeen emaitza ofizialak onartu eta Maduro zoriondu dute kontinenteko gobernu ezkertiar edo aurrerakoiek oro har, eta, alderantziz, emaitzak zalantzan jarri edo zuzenean ukatu dituzte eskuinekoek.
“Gaur Venezuelako herriaren duintasunak eta ausardiak irabazi du presioen eta manipulazioen gainetik”, adierazi du Miguel Díaz-Canel Kubako presidenteak. Maduroren “garaipena” Hugo Chávez omentzeko modu ezin hobea dela esan du Luis Arce Boliviako presidenteak. Maduro zoriondu dute, halaber, Xiomara Castro edo Daniel Ortega Honduras eta Nikaraguako presidenteek.
“Maduro diktadorea kanpora!” idatzi du sare sozialetan Javier Milei Argentinako presidenteak emaitzak ezagutu aurretik. Maduro presidente izendatzea “iruzurra” dela adierazi du Costa Ricako presidente Rodrigo Chavesek; “Ezin da garaipen bat onartu, bera eskuratzeko bitarteko eta moduen inguruan konfiantzarik ez badago”, Uruguaiko presidente Luis Lacallek; emaitzak “sinesten zailak” direla Txileko Gabriel Boricek. AEBetako diplomaziaburu Antony Blinkenek bere “kezka sakona” adierazi du hauteskundeen emaitza ofizialen egiazkotasunaren inguruan.
Europako Alderdi Popularrak ultrakontserbadoreekin eta eskuin muturrarekin landuriko ebazpenak aldeko 309 boto, kontrako 201 eta hamabi abstentzio jaso ditu. Ekaineko Europako hauteskundeez geroztik, lehen aldia da eskuina eta eskuin muturra baturik agertzen direla Estrasburgon.
Espainiako Gobernuak gezurtatu egin du Espainiako Inteligentzia Zerbitzuekin zerikusirik zutenik. Venezuelaren eta Kolonbiaren arteko mugan atxiki zituzten, baita atzerritar gehiago ere. Haien familiek esan dute turismoa egiten ari zirela.
PP, Vox, EAJ, UPN eta Coalición Canariako ordezkarien 177 aldeko botorekin onartu du ebazpena Espainiako Kongresuak, gobernuari eskatzen diona oposizioko buru Edmundo González presidente gisa onartu dezala. EAJk gobernua sustengatzen duen gehiengoarekin apurtu du... [+]
Igandean heldu da Edmundo González Urrutia Madrilera, Espainiako Armadako hegazkin batean. Venezuelako Gobernuak adierazi du gertatua “bi gobernuen arteko akordioaren” ondorioa dela. Espainiako Gobernuak azpimarratu du Gonzálezek egin duela asilo... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
“Herriaren eta beren familien alde” jartzeko eskatu diete Edmundo Gonzálezek eta María Corina Machadok adierazpen bateratu baten bitartez. Maduroren gobernuak erantzun egin die, eta erabaki dute dokumentuaren sinatzaile biei “ikerketa penala... [+]
Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Martxoaren 29an gose greba hasi du Asier Guridi Zaloña errefuxiatu politikoak Venezuelako Espainiako Kontsulatuaren aurrean "nortasun judirikoa" eskatzeko: izan ere, Espainiako Estatuak ukatu egin dio nortasun juridikoa eta ondorioz, oinarrizko eskubideetara... [+]