Nicola Sturgeon Eskoziako lehen ministro ohia atxilotuta izan dute zazpi orduz
Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.
Igande iluntzean kargurik gabe aske utzi dute Nicola Sturgeon SNP Eskoziako Alderdi Nazionalaren buru ohi eta Eskoziako lehen ministro ohia. 10:00etatik 17:30 aldera arte eduki dute atxilotuta, eta ordu luzez egin diote galdeketa.
SNPko finantza batzuei lotutako auzibide bateko susmagarri gisa atxilotu dute, zehazki, Eskoziako beste independentzia erreferendum bat egiteko jasotako 761.000 euro inguruko dohaintzari lotuta.
Iluntzean Sturgeonek ohar bat zabaldu du sare sozialetan, eta segurtasunez gogorarazi du errugabea dela. Nabarmendu du ez lukeela ezer egingo “ez SNP ez herrialdea mintzeko”. Ikerketak zabalik jarraitzen du, eta Sturgeon kolaboratzeko prest dagoela jakinarazi du bere bozeramaileak. Hain zuzen, azpimarratu dute lehen ministro ohiak bazekiela igandean atxilotuko zutela, baina ikerketa irekita dagoenez, ez dute informazio gehiagorik eman, konfidentziala delako.
Hirugarren atxiloketa
Auzi honengatik atxilotutako hirugarren kargua izan da Sturgeon. Aurrez, haren senarra den Peter Murrell SNPko zuzendari ohia atxilotu zuten apirilean, etxean zegoela. SNPri bere dirua ematea egotzita hartu zuten atxilo. Ia hamabi orduz galdekatu zuten, harik eta kargurik gabe aske utzi zuten arte. Berbera gertatu zen alderdiko diruzain Colin Beattie-ekin.
Nicola Sturgeonek otsailean aurkeztu zuen dimisioa, eta ordutik Eskoziako lehen ministro kargua Humza Yousaf-en eskuetan dago. Dena dela, Holyrood hedabideari ukatu egin zion apiril amaieran bere dimisioak auzi honekin zerikusirik duenik, The Guardianek jasotzen duenez.
Sturgeonek aitortu du azken asteak “zailak” izaten ari direla, eta jasotako babesa eskertu du. Pare bat egun hartuko ditu atxiloketatik osatzeko, baina berehala itzuliko da parlamentuko besaulkira.
Segurtasun energetikoa hobetzeko “diktadore kanpotarren” menpe ez egotea dela "onena" azaldu du lehen ministroak. Oposizioko alderdiek eta talde ekologistek erabakia arbuiatu dute.
SNP alderdi independentistako buru eta Eskoziako lehen ministro Nicola Sturgeonek otsailean dimititu zuen, eta horrek gertukoen zuen Yousaf hautatu dute haren ordezko gisa SNPko militanteen %52k; botoen %48 lortu du Kate Forbes ebanjelistak.
Jacinda Ardernek duela aste batzuk Zeelanda Berriko lehen ministro kargua utzi zuenean, Nicola Sturgeonek boto-emaileei esan zien oraindik asko zuela egiteko. Baina, dirudienez, Eskoziako lehen ministroa bere etorkizunaz hausnartua zen. Hala aditzera eman zuen Eskoziaren zati... [+]
SNP Eskoziako Alderdi Nazionaleko burua 2014ko azarotik da Eskoziako gobernuburu. Eskozian erreferenduma egitearen alde egin du lan, besteak beste. Asteazkenean eman du erabakiaren berri, prentsaurrekoan.
Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.
Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]
Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak
Eskoziako Parlamentuan egindako hitz hartzean eman du horren berri Nicola Sturgeon Eskoziako Lehen ministroak. Aurkezpenean, kritikatu egin du Erresuma Batuko Gobernuak orain arte ukandako "blokeo jarrera".
3TimesRebelPress (3TR) argitaletxe independente eskoziarra jaio da, euskaraz, katalanez, galizieraz, gaelikoz, galesez… eta oro har hizkuntza gutxituetan idazten duten autore emakumeen literatura ingelesera itzultzea helburu duena, “mundu osoan sustatzeko”.
Sturgeon presidenteak erreferendum “legezkoa” agindu du, Erresuma Batuaren baimenik gabe balitz ere. 2023rako aurreikusten du gobernuak erreferenduma.
Bi astez klima larrialdiari aurre egiteko akordioak adosten aritu dira munduko agintariak. Gehien kutsatzen duten estatuek presionatuta, azken zirriborroan jasotako erabakiak hasierakoetatik moldatu egin dituzte: adibidez, ez dute ikatza baztertzeko eskaria egin, baizik eta... [+]
Astelehenean filtratu zen informazioaren arabera, Glasgowko Gailurreko bukaerako txostenak ez zion egin behar aipamenik energia fosilak desagertzeko beharrari. Testu berri batean, ordea, ikatza, gasa eta petrolioa finantzatzeari utzi beharra aipatzen da.
Glasgowko klima gailurrean herrialdeek sinatuko duten akordioaren lehen zirriborroa filtratu da, eta konpromiso maila zein txikia den jarri du mahai gainean Greenpeace talde ekologistak: CO2 isuriak murrizteko eta erregai fosilak mugatzeko neurririk ez da aipatzen.