Komite Internazionalistek, Bilbo Zaharreko Jai Batzordeak eta Goizalde Kultur elkarteak antolatu dute Newroz jaia. Herri kurduaren egun nazionala ospatzeko bi ekimen egingo dira: Mahai-ingurua 19:30ean Zirikan, eta Bilbo Zaharreko plazan sua, janaria eta musika zein dantza kurduak.
Komite Internazionalisten oharra:
Udaberria dator, eta berekin bat datorkigu ospakizun berezi bat. Munduko estatu gabeko herri handienaren jai nazionala. Newroz da, Kurdistango herriaren sinboloa eta askatasun egun berria dakarren jaia. Bere kondaira propioak dituen jai magikoa da, dantza, kolore eta suz beterikoa.
Lehengo urtean bezalaxe, Bilbo Zaharreko Jai Batzordea, Goizalde Kultur elkartea eta Komite Internazionalistak herri kurduaren errealitatera hurbilduko gara berriro, ospakizun hau aitzakia hartuta. Jai debekatua, eta borroka eta aldarrikapen eguna den Newroza ospatuko dugu. Lau estatuk zapaldu eta jazartutako 40 milioi pertsonak osaturiko herriaren eguna, kantatzen eta borrokatzen duen herria inoiz hiltzen ez denaren seinale.
Horretarako hurrengo ostiralean, martxoaren 21, bi ekimen burutuko ditugu Bilbon. Lehenik, 19.30ean mahai ingurua edukiko dugu Zirika!
Herri gunean (Ronda, 12). Kurdistango errealitatea eta egoera ondo ezagutzen duten bi hizlari izango ditugu: Urtzi Urrutikoetxea kazetari eta idazlea, eta Sechu Sende galiziarra, “Viagem ao Curdistám para apanhar estrelas” liburuaren egilea.
Ostean, jarduera Bilbo Zaharreko plazara eramango dugu. Bertan Newroz jai kurdua ospatuko dugu, sua eta janariaz, musikari kurduek eta dantzak lagun hartuta.
Animatu, bertan ikusiko dugu elkar!
Newroz pîroz be!
Kurdistani buruzkoak ezagutzeko
Komite Internazionalistetako brigada bat bere esperientzia kontatzen ari da egunotan Kurdistandik zuzenean. Beren esperientzia irakurgai duzue Komite Internazionalisten blogean.
Ostegun arratsaldean hasiko dira baraualdiak, eta bost gune antolatu dituzte ekimenari lotuta: Bilbon, Altsasun, Donostian, Gasteizen eta Iruñean. Larunbat eguerdian, berriz, manifestazio handi bat egingo dute Bilbon, palestinar erresistentziarekin elkartasunez eta... [+]
Su etenaren aldeko kolektiboek, osasun langileek, suhiltzaileek, kirolariek…bat egin dute Golem zinemetatik irtengo den protestaren deialdian. Duela urtebete gogortu zen sarraskia salatu eta 76 urtez luzatu den Palestinarren borrokari elkartasuna adierazteko manifestazioa... [+]
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Herritarrok kalera irten gara behin eta berriro Palestinarekin elkartasuna adierazteko. Herriaren nahia argi utzi dugu. Hala ere, instituzioek gor eta tinko jarraitzen dute sionismoari arnasa ematen. Palestinar herriak sufritzen duen genozidioaren inguruko berriak (zaharregiak... [+]
Abenduaren 22an Azpeitiko herriko plazan egingo dute Gazako sarraskia salatzeko ekimena. Herritarrek bata bestearen atzetik irakurriko dituzte ahoz goran Israelek hil dituen dozenaka milaka palestinarren izenak.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
10 urte bete ditu historia modernoko lan hilketa handienetako batek. Bangladeshko bost mila langilek arropa-fabrika batean lan egitera behartu zituzten egoera penagarrian zegoen eraikin batean. Eta hala, apirilaren 24an Rana Plazako eraikin hori bertan behera erori eta 1.132... [+]