New Yorkeko gobernadoreak dimisioa aurkeztu du sexu erasoen eskandaluaren aurrean
11 emakumek salatu dute Andrew Cuomok sexu erasoak egin dizkietela. Fiskaltzak duela bost hilabete hasi zuen politikariaren aurkako ikerketa. Gobernadore ohiak bere errugabetasuna defendatu du: interpretatzen jakin ez duen “belaunaldi edo kultura aldaketa bati” egotzi dio gertatua, eta maniobra politikotzat hartu ditu salaketak.
Andrew Cuomo New Yorkeko gobernadoreak dimisioa aurkeztu du asteartean, Fiskaltzak bere aurkako hamaika sexu eraso salaketa aurkeztu eta gero. “Egoeragatik, egin dezakedan onena atzera pauso bat eman eta gobernuak berriz agindu dezan uztea da. Eta hori da egingo dudana”, adierazi du Cuomok kargua utzi baino lehen.
Fiskaltzak duela bost hilabete hasi zuen politikariaren aurkako akusazioak aztertzeko ikerketa, eta asteartean bertan egin dituzte publiko lehen datuak. Letitia James fiskalak prentsaurrekoan azaldu du 179 pertsona elkarrizketatu dituztela, eta 74.000 proba —dokumentuak, mezuak eta argazkiak— bildu dituztela gobernadore ohiaren aurka. Guztiek “irudi asaldatzailea baina argia” erakusten dutela adierazi du fiskalak.
2013 eta 2020 urteen artean, berarekin lan egiten zuten hainbat emakumeri ukituak egin, musuak eta besarkadak eman eta komentario desegokiak egitea egozten diote Cuomori. Gobernadore ohiak hasieratik defendatu izan du bere errugabetasuna, eta salaketak faltsuak direla adierazi du. “Bizi osoan zehar besarkadak eta musuak eman dizkiot jendeari. Emakumezkoei eta gizonezkoei. Inoiz ez zait burutik pasatu norbaitekin muga gainditu dudanik, baina konturatu naiz zein puntutaraino aldatu den muga hori”.
Onartu duen bakarra “desegokiak” izan zitezkeen komentario batzuk egin izana da. “Jolasteko” asmoarekin egin zituela azaldu du agintariak, baina gaizki ulertuak egon direla adierazi du: interpretatzen jakin ez duen “belaunaldi edo kultura aldaketa bati” egozten dio gertatua. Halere, gainontzeko salaketek “motibazio politikoa” dutela eta jazotakoa “bidegabea eta gezurrezkoa” dela esan du.
Lehen salaketak
Otsaila amaieran hasi ziren bere aurkako lehen salaketak: andrazko batek azaldu zuen politikariak ‘strip poker’ deritzonera jolasteko proposamena egin ziola lan bidaia batean hegazkin pribatuan bidaiatzen zihoazela, eta geroago, gobernadore ohiak bere bulegoan musukatu egin zuela. Lehen akusaziotik denbora gutxira, beste emakume batek salatu zuen Cuomok eskua alkandora azpitik sartu eta bularrak ukitu zizkiola.
Kathy Hochul, gobernadore
Cuomoren dimisioa bi aste barru sartuko da indarrean, eta bere postua Kathy Hochul demokratak hartuko du. Bufaloko kongresugile ohia da Hochul, eta New Yorkeko gobernadore izango den lehen emakumea izango da.
Zur eta lur hartu dituzte Nafarroako Berdintasun teknikariek festa girorako enpresa zenbaitek egindako proposamenak. Edalontzia estaltzeko tapak edo eta edarian drogarik dagoen ikusteko eskumuturrekoak.
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Taldeak berak adierazi du Instagram bidezko ohar batean astelehenean izan dutela Ivan Carmonaren aurkako akusazioaren berri. Neska gazte bat taberna batean ukitzeagatik da salaketa, eta taldeak “sexu-eraso arintzat” jo du.
Nafarroako Iparraldeko herri batean jazo zen dena, biktima erasotzailearekin eta emaztearekin bizi zela. Neskak 17 urte zituenean bortxatu zuen lehen aldiz akusatuak, eta urtebetez luzatu ziren sexu erasoak. Biktimak 23 urterekin salatu du dena.
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
Ertzaintza gertaera ikertzen ari da, eta oraingoz ez dago atxiloturik. Bestalde, Erandion gizon bat atxilotu dute bere bikotekidea nasatik trenbidera botatzeagatik. Nafarroako Probintzia Auzitegian berriz, astelehenez hasiko da bikotekide ohiari sexu erasoak egiteaz akusatutako... [+]
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.