“Neurri zentzugabea da, zinema aretoek ez dute bizirik iraungo”
%60tik %35era jaitsi du zinema aretoen edukiera-muga Eusko Jaurlaritzak, eta Euskadiko Zine Aretoen Elkarteak neurria “ulertezina” dela salatu ostean, hainbat aktore eta herritarrek ere euren haserrea adierazi dute sare sozialetan. “Neurri hau da kultur sektoreari buruan tiro egitea".
Eneko Sagardoy aktoreak kritikatu du neurria zentzugabea dela, “estatistikek eta esperientziak erakutsi dutelako aretoetan ez garela kutsatzen”; eta segidan, Iñiko Urkullu eta Gotzone Sagarduiri zuzendu zaie: “Zinema aretoek ez dute bizirik iraungo”. Hala, areto asko muturreko egoeran daudela argudiatuta, neurriak birpentsatzeko eskatu die Jaurlaritzako agintariei.
Hitz gogorrak izan ditu baita ere Josean Bengoetxea aktoreak: “Baina zer da hau, Iñigo Urkullu eta Josu Erkoreka? Berdin zaizue edo zinemarekin behingoz bukatu nahi duzue? Hasieratik demostratu da inor ez dela zine eta antzerki aretoetan kutsatzen. Parez pare izango gaituzue! Nazka!”.
Segurtasun neurriak zuzentasun osoz eraman direla gogoratu du Maitane Illarretak: “Zergatik ordaindu behar dute beti berdinek?”.
"Nazkatuta eta nekatuta gaude"
Eta Lander Otaola ere haserre irakurri dugu Twitterren: “Neurri hau da kultur sektoreari buruan tiro egitea. Estreinaldi batera etortzea aktoreekin argazkia ateratzea ez da kultura babestea. Nazkatuta eta nekatuta gaude”.
Euskadiko Zine Aretoen Elkartearen arabera, pandemia dela-eta hamar milioi euro galdu dituzte 2020an, eta azken aste hauetan martxa berreskuratzeko aretoek “ahalegin handia” egin dutelarik, orain murrizketa berriak jasango dituzte.
Hainbat aretok ateak itxiko ditu, protesta gisa.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.
Pantailak Euskarazek eta Hizkuntz Eskubideen Behatokiak aurkeztu dituzte datu "kezkagarriak". Euskaraz eskaini diren estreinaldi kopurua ez dela %1,6ra iritsi ondorioztatu dute. Erakunde publikoei eskatu diete "herritar guztien hizkuntza eskubideak" zinemetan ere... [+]
Geroz eta ekoizpen gehiagok baliatzen dituzte teknologia berriak, izan plano orokor eta jendetsuak figurante bidez egitea aurrezteko, izan efektu bereziak are azkarrago egiteko. Azken urtean, dena den, Euskal Herriko zine-aretoak gehien bete dituztenetako bi pelikulek adimen... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]
Makroproiektu "berriztagarriek" sortzen dituzten ondorioak filmatu ditu Vidas irrenovables (Bizitza ez-berriztagarriak. Euskarazko eta frantsesezko azpitituluak prestatzen ari dira) dokumentalean Extremadurako (Cabeza del buey, Espainia, 1985) landagunean hazitako... [+]
Euskal herritar ugari saritu ditu Espainiako zine akademiak pasa den asteburuan banatu diren Goya sarietan. Artikuluaren bigarren partean, zeresana eman duten hainbat kontu aletuko ditugu.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
