Netflix gainbehera, bai harpidetzatan, bai burtsan: zergatik?
Netflix plataformak aste honetan iragarri du harpidedun asko galdu duela urte hasieran. Hamar urtean lehenbiziko aldia da ikus-entzunezkoen erraldoiak horrelako albiste bat ematen duela eta notiziak eragina izan du enpresaren burtsako prezioan ere.
200.000 harpidedun gutxiago 2022ko lehen hiru hilabeteetan. Azken urtean harpidedunen hazkundea mantsotzen ari zelako sumatzen hasiak ziren problemak orain begi-bistakoak bihurtu dira. Bukatu dira COVID-19aren pandemiari aurre egiteko neurriek Netflixi ekarri zizkioten urrezko urteak?
Momentu batean, 2020ko apirilean, petrolio-enpresen burtsako balioaren pareraino iritsi zen streaming plataforma ezagunena, baina urtea hasi zenez geroztik puxika airea galtzen ari da. Iazko azaroan Netflixek 283.000 milioi euro balio zuen burtsan, orain berriz, 91.800 milioi, ekonomian espezializatutako Bloomberg hedabidean Lucas Shaw kazetariak nabarmendu duenez.
Bezero-galera horrek ondorioak izan ditu aste honetan enpresaren akzioen balioan ere: %35eko galera jasan dute eta horrek gainontzeko streaming plataformen aurkako domino-efektua eragin du: Disney, Warner eta Paramounten akzioen salneurria %5 eta %8 artean erori zen aste honen erdialdean.
Baina beste lehiakide batzuei ez doakie hain gaizki: HBO Max plataformak, adibidez, iragarri du hiru milioi harpidedun gehiago lortu dituela eta notizia horrek Netflixen aste beltza are gehiago ilundu du.
Airean dagoen galdera da: zerk eragin du gainbehera? The Guardian egunkariko Andrew Lawrencen ustez, plataformaren eskaintza bera bihurtu da arazoa: bere burua ikusi du Netflixeko katalogoan barrena, 1990eko hamarkadako kable bidezko telebistaren ikuslea balitz bezala, “helbururik gabe noraezean, zerbait, edozer ikusi nahian”.
Beste arrazoi batzuk aipatu ditu enpresak, Ukrainako gerratik hasi eta erabiltzaileek euren pasahitzak partekatzeko duten joeraraino. Eta horietako batzuen eragina handia izan daitekeen arren –Errusian milaka harpidetza eten dira otsailaren 24az geroztik–, pandemiaren aurkako neurriak lasaitzeak eta, beraz, etxetik kanpoko aisialdi-aukerak ugaritzeak ere eragin handia izan dezake.
Gainera, geroz eta lehia bortitzagoa sumatzen da ikus-entzunezko streaming plataformen artean. Azken bi urteetan hazkunde handia izan dute alor horretako enpresek, pantailen aurrean dauzkagun ohitura berriek eraginda. Baina bezeria berri hori harrapatzeko inbertsio erraldoiak egin behar dituzte etengabe, bai esponentzialki hazi den eskariaren aurrean katalogoa hornitzeko, baita alor teknologikoan ere, hainbeste erabiltzaileri zerbitzu ona eskaini ahal izateko.
Apirileko Netflixen txakalaldia ikusita, bat baino gehiago akordatu da aurtengo otsailean Metak –lehen Facebook– burtsan jasan zuen kolpeaz, antzeko arrazoiengatik –erabiltzaile galera–. Gerrak, inflazioak eta oro har ekonomiaren alorrean nagusitzen ari den segurtasun ezak, beharbada, beste mota bateko negozioetan inbertitzera eraman ditu konpainia erraldoietan dirua sartzeko ahalgoa dutenak.
Martxotik Frantziako Netflix plataforman euskarazko audio eta azpitituluetako filmak ikusgai dira.
Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]
En el nombre de ellas dokumentalean agertzen diren biktimek eta ekoiztetxeak eskerrak eman dizkie plataformari "ausardiagatik" eta beren historia kontatzeagatik. Disney+ 2022ko azaroan zen dokumentala estreinatzekoa, baina atzera egin zuen.
ZerNonIkusi ekimenak Katalunian garatutako plugin baten euskarazko bertsioa kaleratu du Netflixen berez euskarazko azpidatzirik ez dauzkaten filmetan, kasu batzuetan azpidatziak gehitu ahal izateko. Netflix kontu ordaindua eduki behar da erabiltzeko, eta ordenagailuko... [+]
Gertaera nahiko azpimarragarria da, Boterearen Eraztunak telesaila euskaraz ere estreinatu duela munduan Amazon Prime Video plataformak. Streaming plataformen munduan, 2022 honetako fenomenotzat aurkeztu dituzte The Lord of the Rings / Eraztunen Jaunaren prekuela, eta... [+]
Pantailak Euskaraz herri ekimenak adierazi du “aurrerapauso" handia dela Frantziako Estauan ere Netflixek ikus-entzunezkoak euskaraz eskaintzea.
Euskaraz azpititulatutako edo bikoiztutako 70 ikusentzunezko eskainiko ditu 2022 urte bukaerarako plataforma estatubatuarrak. Eusko Jaurlaritzako Kultura eta Hizkuntz Politika sailak hainbat bilera egin ditu Netflixekin, baina plataformaren hitzetan, berak finantzatuko du ekimen... [+]
Gertatuko zitzaizuen: leku guztietan sekulakoa balitz bezala iragarri duten pelikula edo telesaila ikusi ondoren, frustrazio pixka batekin, “ez zen hainbesterako” esaten bukatu duzue. Eta azkenaldian inoiz baino gehiagotan gertatzen zaizue. Lasai, ez zaudete seko... [+]
Netflix, Amazon, Disney Plus eta Apple TV Plusek akordio luze bat sinatu zuten ostegunean Frantziako ikus-entzunezko agintaritzarekin (CSA), euren urteko diru-sarreren %20 Frantziako edukietan inbertitzeko. CSAk espero du inbertsioa 250 milioi € eta 300 milioi... [+]
Kanpainaren bultzatzaileek apirilaren 15erako 10.000 sinadura lortzea erronka jarri zuten eta 10.500 sinadura inguru dituzte jada. Abenduaren 3rako 20.000 sinadura lortzea espero dute. Euskalgintzako eragileen babesa jaso du Netflix Euskaraz taldeak.
Euskal hiztunok Netflixeko eduki denak euskaraz jaso nahi ditugula adierazi dute change.org plataformaren bitartez.
Ikusi duzue goitik dosi txikietan erortzen ari den likido hori? Ah, euria: kasik ahaztu nuen zer zen. Plater bereziki fuerterik gabeko Sail Ofizialeko astelehen honi primeran datozkio zarra-zarra hiriari ukitu gris metalizatua ematen dioten tanta horiek. Umeletan idatzitako... [+]
Internet bidezko streaming zerbitzuak saltzen ditu Netflixek. Telesail eta film katalogo handia eskaintzen die mundu zabalean barreiatutako milioika harpidedunei –2019ko udan 150 milioiko langa gainditu zuen–. Nola lortu du horrelako hazkundea? Zer du atzean negozio... [+]
Eredu produktibo bat da. Historiaren une honetan kapitalismoak jantzi duen azken maskara. Ideologia bat ere bai, etenik gabe errepikatzen dena negozioak nola egin erakusten duten unibertsitateetan, enpresei aholku ematen aritzen diren bulegoetan, ekintzailetza eta... [+]