Netflix Euskaraz taldearen kanpaina babestu du euskalgintzak
Kanpainaren bultzatzaileek apirilaren 15erako 10.000 sinadura lortzea erronka jarri zuten eta 10.500 sinadura inguru dituzte jada. Abenduaren 3rako 20.000 sinadura lortzea espero dute. Euskalgintzako eragileen babesa jaso du Netflix Euskaraz taldeak.
Netflix Euskaraz herritar taldeak agerraldia egin du Durangoko Landako gunean. Euskalgintzaren, ikus-entzunezko sektorearen eta euskal komunikazio esparruko eragile askoren babesa jaso du taldeak. Euskarak ere streaming bidezko plataformetan bere lekua izan behar duela azpimarratu dute.
Ondoko eragileek babestu dute Netflix Euskarazen kanpaina: Euskaltzaleen Topagunea, Euskalgintzaren Kontseilua, UEMA, Tinko Euskara Elkartea, Disney + Euskaraz taldea, Bieuse, Ibaia Ikus-entzunezko Elkartea, Napar Ikus-entzunezkoen Ekoizpen Elkartea, Euskal Hedabideen Behategia, Hekimen, UEU, Euskal Herrian Euskaraz, AEK, Tokikom, Game Erauntsia eta Euskal Encodings.
Netflix Euskaraz taldearen egitasmoaren helburua euskaldunok Netflixeko edukiak euskaraz ikusteko aukera izatea da eta horretarako sinadura bilketa egiten ari dira. 10.000 sinaduren langa gaindituta eta euskal herritarrek emandako erantzuna ikusita, abenduaren 3ra arte luzatu da sinadura bilketa eta egun horretarako 20.000 sinadura lortzea espero dute.
Euskal Herriko erakundeei dagokiela euskaldunon eskubideak bermatzea salatu dute ekimeneko kideek. Datozen asteetan, Espainiako Kongresuan, Espainiako Ikus-entzunezko Komunikazioaren Lege Orokor berriaren gaineko eztabaidan, alderdi politikoek euskal hiztunen eskubideak defendatzea eskatu diote alderdi politikoei.
Euskararen aldeko apustua
Durangon egindako agerraldian, pantaila digitaletan euskararen presentziaren aldeko beste bi ekimen ekarri dituzte gogora: Disney + Euskaraz eta 3.000 Twitz. Disney Euskaraz taldekoek ia 6.000 sinadura bildu dituzte eta 3.000 Twitz egitasmoak 4.000 inguru. Azken honek gaur egun modan dagoen Twitch plataforma euskaraz egotea eskatzen du.
EH Bai koalizioak babesturiko Ahetzen zerrenda gailendu da bozen bigarren itzulian, joan den igandean, botoen %44 erdietsirik.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
.jpg)
Hazparneko Armand David laborantza lizeo pribatuko ikasleek Agro-ekipamendua, Zientzia sozial eta ekonomikoak, eta Enpresa ekonomia irakasgaiak euskaraz ikasteko aukera izango dute. Horrek formakuntzaren ia erdia hartuko duela azaldu du Bertrand Gaufryau ikastetxeko zuzendariak.
Urtarrilaren 4an hil zen Robert Hirigoien euskaltzalea (Larresoro, Lapurdi, 1944). Ostegunean eskainiko diote azken agurra, jaioterrian (10:00etan). Herri Urrats festaren sortzaileetako bat izan zen, baita Lapurtarren Biltzarrarena, Kanboko ikastolarena eta euskara eta euskal... [+]
WordPress-en formularioak sortzeko Ninja Forms pluginaren euskaratzea utzita zegoela ikusita, Iametzak bere gain hartu du itzulpena eguneratzeko lana.
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
Euskaltzale eta militante gasteiztarra abenduaren 30ean hil da. Gontzal Fontaneda Orille (1943-2024) 1960ko hamarkadan euskarak Gasteizen egin zuen bidearen lekuko eta bidelagun izan zen. 15 urterekin hasi zen euskara ikasten. Euskara ikasteko metodo bat asmatu zuen eta euskara... [+]
Nazioarteko ordainpeko streaming plataformetan, Amazon Prime Video eta Netflix izan ziren lehenak euskarazko edukiak eskaintzen, eta orain Max gehitu zaie (2024 arte HBO edo HBO Max izan dena). Pantailak Euskaraz-ek azpidatziak moldatu ditu, eta EITBk bikoizketak eskaini, eta... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
1974ko abenduan sortu zuten Bagare kanta Gontzal Mendibil zeanuriarrak eta Bittor Kapanagak, haren Olaetako (Aramaio) baserrian. Euskararen eta euskal nortasunaren aldeko ereserki bilakatu zen gerora.
EuskarAbentura 2025 espedizioak aukera emango die 127 gazteri zazpi lurraldeak oinez zeharkatzeko kulturan, historian eta paisaietan murgilduta. EuskarAbenturako parte-hartzaileen hautaketa ez da proiektuen kalitatean bakarrik oinarritzen, baita generoa,... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Herriko elkarte eta eragileek antolatzen dute Olentzero eta Mari Domingiren etorrera Irunen, sorreratik. Goizetik gauera jakin dute udalak hartu duela ekitaldiaren jabetza eta beraz, ekitaldiaren inguruko azken erabakiak haren gain geratu direla: “Udalari eskatzen diogu... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]