Euskarazko bertsioak streaming plataformetan ez estrenaitzea, EITBren estrategia berria
Netflix Euskaraz ekimenaren sustatzaileek kezka handia erakutsi dute eta EITB komunikazio taldeak era horretako "ezohiko klausulak" ezartzea hizkuntzaren kaltetan "onartezina" dela azpimarratu dute. EITBko buruei ekoiztetxeekin sinatu dituzten akordioak publiko egiteko eta azalpenak egiteko eskatu dute.
Netflix Euskaraz-ek jakitera eman du euskal ekoiztetxe baten eskutik jakin dutela EITB klausulak ezartzen hasi dela euskal ekoizpenen euskarazko bertsioei. Horren ondorioz, litekeena da euskarazko bertsioa gainerako hizkuntzetako bertsioekin batera ez estreinatzea. Ekimenaren sustatzaileek kezka handia erakutsi dute: "Erronkari urgentziaz erantzuteko gai ez bagara, konponezina izan daiteke hizkuntzari denbora gutxian eragindako kaltea".
EITBko buruek asmo horiek "EITB 2030 estrategia" txostenaren aurkezpenean publiko egin izan dituzten arren, egitateen zain daudela esan dute Netflix Euskaraz ekimenaren sustatzaileek. Andoni Aldekoa EITBko zuzendariak publikoki adierazi zuen, aurrerantzean, euskal zinema-ekoizpenen finantziazio eskemetan hizkuntzaren gaineko baldintza ezartzeko asmoa zutela, euskarazko emanaldiak Primeran plataforman lehentasunez estreinatzeko, eta ekoiztetxeekin lehen hitzarmenak gauzatzen ari zirela.
Ekimenaren kideek prentsaurrekoan jakitera eman dutenez, otsailaren 10ean izan zuten klausula horien lehen ebidentzia, Unicorn Wars euskal ekoizpena euskarazko bertsiorik gabe estreinatu zenean Movistar Plus plataforman. Bilboko Uniko ekoiztetxearen eskutik jakin zuten euskarazko bertsioa ez jartzearen arrazoia zela EITBn lehentasunez estreinatuko zela.
Netflix Euskaraz-ek EITB komunikazio taldeak era horretako "ezohiko klausulak" ezartzea hizkuntzaren kaltetan "onartezina" dela azpimarratu du. "EITB sustatzen ari den neurri horrek herritarren hizkuntza eskubideak urratzen ditu, bete-betean jotzen du euskararen eta euskarazko bertsioen sustapen eta zabalkundearen aurka, eta kaltea baino ez diote eragiten euskararen normalizazioari", gehitu dute sustatzaileek. Herritarren eskubideak urratzen dituztela adierazi dute, eta "itzelezko kaltea" eragiten diotela euskarari.
EITBko buruei ekoiztetxeekin sinatu dituzten akordioak publiko egiteko eta azalpenak egiteko eskatu dute:"Argi dezatela zer gertatu den Disney Plus-en jarri zuten Irabazi Arte! telesailaren lehen denboraldiarekin, Irati filmarekin ere berdina gertatuko ote den, eta aurrerantzean plataformetan estreinatzen diren euskal ekoizpenekin".
Eusko Jaurlaritzaren Kultura eta Hizkuntza Politika Sailaren eta EITBren "arduragabekeria" ere salatu dute, eta Jaurlaritzak ikus-entzunezkoek "guztion bizitzetan eta hizkuntza ohituretan" duten eraginari arreta jarri behar diola azpimarratu dute, estrategiak kontsumo ohitura berrietara egokituz.
Uztailean onartu zen Ikus-entzunezkoen Lege Orokorra Espainiako Kongresuan. Netflix Euskaraz-ek bezala, Pantailak Euskaraz, euskarazko hedabideen Hekimen Elkartea eta Euskalgintzaren Kontseiluak hizkuntza guxtituekiko hainbat xedapenek bete gabe jarraitzen zutela salatu zuten. Are gehiago, Espainiako Gobernuari, RTVEri, Eusko Jaurlaritzari, EITBri eta streaming plataformei legea betetzeko eskatu die Kontseiluak.
Filipe Bidart Iparretarrak taldeko kide ohiak Kazetari azaldu dioenez, "borrokan erori diren militanteak oroitarazteko" xedea du margolanak. Xabi Tapia Xabxab artista urruñarra da haren egilea, eta Baigorriko Lagundu elkarteak antolatuta egin dute aurkezpen... [+]
Udalerri Euskaldunen Mankomunitateak abizenen grafia euskaratzeko kanpaina abiatu du. Adin txikiko seme-alabak dituzten gurasoei egiten zaie deia bereziki, gurasoek deitura euskatuz gero, automatikoki 18 urtez beherako seme-alaba horiei ere euskaratuko baitzaie.
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Ekintza sorta ugariko bi eguneko egitaraua eduki dute bertaratu diren irakurleek: besteak beste, liburu azoka, ikuskizunak, tailerrak eta mahai-inguruak izan dituzte. Maider Elcano koordinatzailearen ustez, Biltzarraren indarra idazleei eta sortzaileei lekua ematen dien... [+]
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Gora Aiaraldeko Jai Euskaldunak dinamika jarri du martxan aurten ere Aiaraldeko Euskalgintzaren Kontseiluak, Udal eta elkarteekin elkarlanean. Jaien testuinguruan euskararen presentzia eta erabilera sustatzea dute helburu. Iaz abiatutako bidetik jarraitu nahi dute aurten ere,... [+]
Antton Kurutxarri, Euskararen Erakunde Publikoko presidente ordearen hitzetan, Jean Marc Huart Bordeleko Akademiako errektore berriak euskararen gaia "ondo menderatzen du"
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
Euskaraldiaren laugarren edizioaren bezperatan egon gara Goiatz Urkijorekin. Hirugarrenean apalaldia sumatu zuten; bigarrena pandemia betean egin izanak ez zuen askorik lagundu. Aurtengoa herrikoiagoa eta ilusionagarriagoa izatea dute helburu. Oraingoz pozik daude tokian tokiko... [+]