Israelgo lehen ministroak Ben Gvir eskuin muturreko ministroarekin akordatu du erreforma judiziala maiatzera atzeratzea. Urtarriletik ari dira protestan herritarrak, gobernuak Auzitegi Gorenari eskumena mugatuko liokeen erreformaren aurka. Igandean gutxienez 650.000 manifestarik hartu zituzten hirietako kaleak, eta istilu gogorrak izan dira Poliziarekin.
Hamabi astez luzatzen ari dira protestak Israelen, eta azken egunetan gogortu egin dira kaleetako aldarriak. Manifestariak sutu zituen igandean Benjamin Netanyahu lehen ministroak kargugabetu izana Yoav Galant Defentsa ministroa. Azken horrek larunbatean adierazi zuen erreforma gelditu beharko litzatekeela, eta gobernuburuak erantzun zion “gobernuaren konfiantza galdu” zuela eta ministro kargutik kenduko zuela.
Ondorioz, gutxienez 650.000 lagun irten ziren protestara, batik bat Knesset-en aurrean, Israelgo Parlamentuaren aurrean, eta Netanyahuri desadostasuna adierazi zioten. Polizia eta manifestarien artean liskarrak izan dira, eta dozenaka lagun atxilotu dituzte, The Guardian egunkariak jakinarazi duenez. Inoizko protestarik handienak izaten ari dira Israelen, eta langileek greba orokorrera deitu dute.
Astelehenean jakinarazi dute erreforma judizialaren prozesua atzeratu egingo dutela, akordio batera iritsi direlako Itamar Ben Gvir Israelgo Segurtasun Nazionaleko eskuin muturreko ministroa eta Netanyahu lehen ministroa. Gobernuburuak adierazi du ez dagoela prest “nazioa erdibitzeko”, eta “gerra zibila saihesteko” eztabaidarako tartea utzi nahi duela.
Apirilean etenda egongo dira negoziazioak, juduen pazko ospakizunengatik, eta maiatzean berrekingo diote eztabaidari, uztailera arteko epea jarrita. Otsailaren 20an parlamentuan onartu zuten erreforma judizialaren lehen bozketa, aldeko 63 botorekin (61 behar zituen gainditzeko); beste bi bozketa gainditu beharko ditu erreformak, oposizioaren babesa lortuta.
Negoziazioak atzeratzearen truke, Netanyahuk baimendu du Ben Gvir Segurtasun Nazionaleko ministroak gidatuko duen guardia nazional bat sortzea; kezka piztu du horrek, kontuan izanda Ben Gvirren eskuin muturreko ideologia. Azaroko hauteskundeez geroztik historiako gobernurik eskuindarrena du Israelek, The Guardianek gogorarazi duenez.
Netanyahuren gobernuaren esanetan Auzitegi Gorenak gehiegizko boterea du, eta hori aldatzeko ezarri nahi du erreforma. Eskumenak kendu nahi dizkio, Knesseten eskuetan uzteko, alegia, gobernuari botere handiagoa emateko.
Parlamentuko gehiengo sinplearen bidez (120 parlamentaritik 61en babesa izanda) Auzitegi Gorenaren epaiak indargabetzea ahalbidetuko luke erreformak, eta eskumen gehiago emango lizkioke botere politikoari auzitegiko epaileak izendatzeko. Israelgo herritarren eta oposizioaren kritikak jasotzeaz gain, nazioarteko agintari zenbaitek ere desadostasuna adierazi dute. Adituek ohartarazi dute Auzitegi Gorenak “ezinbesteko papera” betetzen duela Israelgo kontrolerako eta orekarako, izan ere, Israelek ez dauka konstituzio formalik, ezta beste ganbera judizialik ere.
Erreforma judiziala lehen ministroaren mesedetarako egin nahi dutela salatu dute beste batzuek, Netanyahu ustelkeriagatik epaitzen ari baitira. Auzibide horren ondorioz lau urteko krisi politikoa dago Israelen, zalantzan jartzen baitute ea estatua gobernatzeko baldintzetan dagoen. 2019tik bost hauteskunde izan dira, eta ez dute lortu gobernu egonkorrik eratzea. Azaroan hauteskundeak irabazi zituen eskuin muturreko alderdi erlijiosoen blokeak, Netanyahuren Likud alderdia buru duenak, eta historiako gobernurik eskuindarrenak agintzen du ordutik.
Israelgo egunkari Haaretz-ek hilabeteetako ikerketa egin du Israelgo Armadak iragan urriaren 7an Hamaseko erasoari nola erantzun zion aztertzeko. Armadako soldadu eta ofizial ugarirekin hitz egin du eta ondorioa argia da: Israelek Anibal direktiba indarrean jarri zuen, aurretik... [+]
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Bost errefuxiatu kanpalekuri egin diete eraso sionistek 48 orduan, eta dozenaka lagun hil. NBEk ohartarazi du Israel nahita ari dela muturreko gosea sortzen Gazan, eta gerra krimena dela adierazi du.
Erasoa baino hiru aste lehenago inteligentzia zerbitzuek banatutako txostenean agertzen da Hamasek “200 eta 250” pertsona artean bahitzeko asmoa zuela. Aldi baterako bertan behera utzi du urriaren 7ko segurtasun akatsei buruzko ikerketa Israelgo Auzitegi Gorenak.
UNRWAk salatu du erasoek jarraitzen dutela Rafah-n eta ez direla aldatu operazio militarrak. Netanyahuk gerra kabinetea desegin du, dimisioen ondorioz.
Hamasek akordio proposamenari egindako aldaketa batzuk “ez dira egingarriak”, AEBetako Estatu idazkariaren arabera. Israelek ere ez du ofizialki onartu proposamena, baina AEBek Hamas aurkezten dute oztopo bakar gisa.