Yoav Gallant Israelgo Defentsa ministroak publikoki leporatu dio Netanyahuri “gerra” amaitzerako planik ez izateak Israel behartuko duela Gazan kontrol militar eta zibila inposatzera. Palestinako Aginte Nazionalaren egitekoari buruzko eztabaidak talkak sortu ditu sionisten gerra kabinetean.
Gazako genozidioak zazpi hilabete daramatzanean, gobernu sionistan desadostasunak azaleratzen ari dira Gazako erasoaldien ondorenari buruz, indar kolonizatzaileak erabaki nahi duelako nork aginduko duen Gazan “gerra osteko” eszenatokian. Yoav Gallant Israelgo Defentsa ministroak publikoki kritikatu du Netanyahuk planik ez izatea eta, hedabide ugariren arabera, agerian utzi du Israelgo gerra kabinetean dagoen zatiketa Gazaren etorkizunerako estrategiari dagokionez.
Gallant Defentsa ministroak ohartarazi du “bide arriskutsua” zabaltzen duela lehen ministroaren jarrerak, Gazan Israelgo kontrol zibil eta militarra egongo denaren ideia zabaltzen duelako. “Erabakirik eza erabaki bat da bere horretan”, esan du Gallantek. Netanyahuk adierazi du ez duela zentzurik gerra osterako plan bat egiteak Hamas guztiz suntsitu aurretik.
Eztabaida puntu nagusia da, Axios hedabidearen arabera, ea Palestinako Aginte Nazionala Israelen “kidea” izango den ala ez Gazarako norabide berri bat ezartzeko orduan. Gallant ministroaren ikuspegia PANekin “elkarlanean” aritzearen aldekoa da eta, Axiosen esanetan, iritzi berekoa da Israelgo segurtasun eta inteligentzia komunitatearen gehiengoa. Gallantek adierazi du Israelek kontrol militar eta zibila inposatu beharko lukeen edozein eszenatokik kalte egingo liekeela estatu sionistaren botere militarrari eta ekonomiari. Benjamin Netanyahuri dei egin dio publikoki esan dezan Israelek ez duela Gazaren kontrola hartuko eta Hamasen alternatiba izango den beste gobernu bat “berehala” ezarriko dela bertan.
Netanyahuren ezezkoa
Netanyahu eta bere eskuin muturreko aliatuek adierazi dute Palestinako Aginte Nazionalak terrorismoa babesten duela, eta gerra ostean PAN lidergo postuan jartzearen aurka agertu dira. Benjamin Netanyahuk aste honetan argitaratutako bideo ofizial batean erantzun die Yoav Gallanten kritikei, esanez ez dagoela prest “Hamastan Fatahstanen” ordez aldatzeko, erreferentzia eginez Palestinako Aginte Nazionalaren buru den Fatah alderdiari, egun Zisjordaniako gobernu ofiziala dena.
Itamar Ben Gvir eta Bezalel Smotrich Netanyahuren gobernu koalizioko kideak dira, Segurtasun eta Finantza ministroak hurrenez hurren, eta lehen ministroari eskatu diote Gallant postutik bota dezala. Ben Gvir eta Smotrichek azken asteetan adierazpen ugari egin dituzte esanez Gaza osoa hustu eta kolonoen asentamentuak ezarri beharko liratekeela. Lehenago ere askotan egin dituzte adierazpenak palestinar guztiak hil edo kanporatzearen alde.
AEBak Gallanten alde
Axios hedabideak jakinarazi du, Joe Bidenen administrazioko iturriek aitortu diotenez, ados daudela Defentsa ministroak egindako adierazpenekin. Bidenen administrazioak kezka berbera omen du Israelen plan faltaren inguruan, horrek ekar dezakeelako Hamas berrindartzea zonalde horietan. “Gure helburua Hamas suntsituta ikustea da”, esan dute AEBetako gobernuko iturriek. Israeli eskatu diote erasoaldien osteko estrategia landu dezala.
Sionistek eta AEBek Palestinan nork aginduko duen eztabaidatzen duten bitartean, Gazan ez da hauteskunderik izan 2006. urtetik. Hamasek irabazi zituen orduan, eta Fatahrekin koalizio gobernu bat osatu zuen, Ismail Haniyeh Hamaseko ordezkaria izendatuta Palestinako Aginte Nazionalaren buru. Fatah eta Hamasen arteko liskar handien ondorioz, hitzarmena apurtu eta Hamasek hartu zuen Gazako gobernuaren kontrola 2007an. Agintean izan da ordutik. Egungo Gazako biztanleen erdia baino gehiago adin txikikoa da, jaio gabe zeuden azken hauteskundeen urtean.
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.
Hodeidahko portuan gutxienez sei pertsona hil dituzte sionistek larunbatean. Ostiralean, Huthiek Tel Avivi eraso egitea lortu zuten lehen aldiz.