Netanyahuk dio Rafah inbadituko dutela su-eten akordioa "egon zein ez egon”
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen Israelgo Armadak, eta NBEak gosete arriskua areagotzen jarraitzen duela adierazi du.
Israelgo eta Gazako gobernuen ordezkarien arteko elkarrizketak Egipton burutu dira, herrialde horren, AEBen eta Qatarren bitartekaritzarekin. Berria-k argitaratu duenez, Israeleko hedabide batzuen arabera Israelen proposamena da 40 egun horietan “milaka” preso palestinar eta Hamasek urriaren 7tik gatibu dituen 130 presoak askatzea; beste hedabide batzuek diote, aldiz, Israelek 900 preso askatuko lituzke, eta Hamasek 33.
Eskuzabaltasuna
Israelen proposamena “oso eskuzabala” dela adierazi dute AEBetako Estatu idazkari Antony Blinkenek eta David Cameron Erresuma Batuko Atzerri ministroak. Blinkenek esan du su-etenerako “oztopo bakarra” Hamas dela, eta dei egin dio Israelen baldintzak “azkar” onartzera. “Mundu osoak haiei begira egon beharko luke, eta esan: 'Akordioa onar ezazue'”, bota du Cameronek.
Osama Hamdan Hamaseko bozeramaleak, aldiz, ukatu egin du Israelgo Gobernuaren proposamena eskuzabala denik: “Herritar zibilen kontrako erasoak gelditzea ez da eskuzabala. Krimen bat egiteari uzten zaionean, ezin da esan hori eskuzabala denik”.
Inbasioa su-etenarekin edo gabe
Testuinguru horren erdian, “akordioa egon zein ez egon” Israelgo Armadak Rafahko inbasioa burutuko duela adierazi du Netanyahuk asteartean, “Hamaseko batailoiekin amaitzeko”. Lehen ministroaren esanetan, Hamasen lau batailoi daude Rafahn. Hiri horretan milioi eta erdi palestinar daude, erabat pilatuta eta beharrizan larrian. “Tokiz kanpo dago pentsatzea gerra etengo dugula helburu guztiak bete aurretik”, idatzi du sare sozialetan lehen ministroak. Igandean, kontrakoa adierazi zuen Israel Katz Israelgo Atzerri ministroak Channel 12 telebistan: "Bahituak askatzea oso garrantzitsua da guretzat; beraz, bai: akordioa lortzen badugu, operazioa bertan behera geratuko da".
Bitartean, Israelen erasoek ez dute etenik: astelehenean beste 47 palestinar hil zituen Israelgo Armadak. Asteartean, Nazio Batuen Erakundeak jakinarazi du Israelek apirilean iragan hilabetetan baino laguntza gehiago sartzen utzi badu ere, ez dela nahikoa gosetea sortzeko joera aldatzeko.
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]
Asteburua baino lehen lau gatiburen gorpuak itzuliko ditu Hamasek. Horrela, Gazarako su-etenaren lehen faserako adostutako preso truke guztiak gauzatuko dituzte Israelek eta talde palestinarrak.
Yala Nafarroak deitutako manifestazioan 2.000 pertsona inguruk hartu dute parte eta Iruñeko hainbat kale zeharkatu ditu Gaztelu plazan amaitzeko. Azken irakurketan adierazi dutenez, "erokeria distopiko hori geldiarazi daiteke, askoz gehiago garelako kapital handiak... [+]
Jenin hiriaren aurkako oldarraldia duela hilabete bat baino gehiago abiatu zuen Israelek, geroztik 26 palestinar hil ditu gutxienez, eta milaka beren etxeetatik kanporatu. Israelgo armada Zisjordania iparraldean pasabideak eraiki nahian ari dela salatu dute, kanporatutako... [+]