14 urte dituztenetik 25 betetzen dituzten arte, 4.000 bat gazteren bizi-ohiturak, estres egoerak eta euren buruarekiko duten irudia aztertuko ditu programa batek lehen aldiz. Arabak eta Nafarroak hartuko dute parte, hobeto ulertzeko antsietatean, depresioan edota elikadura nahasmenduetan zein faktorek eta nola eragiten duten.
Gazteen elikadura, ariketa fisikoa, alkohol eta droga kontsumoa, bideo-joko eta interneten erabilera, bizi dituzten estres egoerak, norbere buruarekiko irudia… aztertuko ditu proiektuak. Ikastetxeetan bertan erantzungo dituzte galdetegiak DBHko ikasle boluntarioek eta profesional ugarik hartuko du parte informazioa ebaluatzen: pediatrak, lehen arretako medikuak, psikiatrak, psikologoak, espezialistak…
Helburua da lortutako informazio eta ondorioekin ohitura ez osasuntsuetan eragiteko eta osasun fisiko eta mentala hobetzeko prebentzio ekintzak diseinatu eta martxan jartzea.
"Inork ez nau ulertzen"
Programako kideek azpimarratu dutenez, garapen fisiko eta mental betean aurkitzen dira nerabeak eta arrisku handiagoa dute buruko edo pertsonalitate nahasmenduak jasateko, baita beren buruaz beste egiten saiatzeko ere. Azken finean, “nerabezaroa etapa oso delikatua eta gogorra da, erreferentetzat genituen gurasoekiko harremana aldatzen da, lagunekikoak, emozioak kontrolez kanpo ditugu... eta helduontzat arazoak beste batzuk dira, lanari lotuta eta abar, baina ulertu behar dugu gazteak sentitu daitezkeela baztertuta, sentitu dezaketela inork ez dituela ulertzen ez kontuan hartzen, eta gainera norberarentzat norberaren arazoa inportantea dela beti”, azpimarratu zigun Leire Pinedo psikologoak. “Badago halako aurreiritzi bat, haurtzaroa eta gaztaroa gatazkarik gabeko garai zoriontsuak bailiran, eta uste dut helduok egiten dugun tranpa dela, helduok bakarrik sufrituko bagenu bezala”, gehitu zuen Idoia Agirre psikiatrak, solasaldi berean.
"Helduentzat gara kristalezko eta ahul, belaunaldi gisa onartzeagatik ez gaudela ondo, salatzeagatik nola sentitzen garen"
Sare sozialetan ez da tristezia existitzen?
Bai elikaduran, bai ariketa fisikoan, ohitura osasuntsuak galtzen ari direla antzemana du programak. Eta sare sozialen gehiegizko erabilera orokortzen ari dela ere ohartarazi dute proiektuko profesionalek. Hain justu, sare sozialen erabilera desegokiak osasun mental eta fisikoan duten eraginaz behin baino gehiagotan hitz egin da. Hala zioten aipatu solasaldian: “Dena perfektua dela irudikatu ohi dugu sare sozialetan, tristezia existituko ez balitz bezala, eta emozio negatiboak ikusezin bihurtzea arazo handia da. Egunerokoa ez delako izaten muturrekoa: ez oso triste egotea, ez sare sozialetako poztasun eta perfekzio hori. Egunerokoa da gosaltzea, lanera joatea, autobusa hartzea, aspertzea... eta sare sozialetako irudiekin konparatuta sentitu dezaket nire bizitza ez dela hain ona”.
Errealitatea da buruko osasunak plaza publikoa hartu duela eta gero eta askatasun handiagoz hitz egiten dela gaiaz –tabu izateari utzi ez dion arren– eta lorpen hori gazteena eurena da hein handi batean. Honela kontatu zigun depresioa jasan zuen Elena gazteak: “Kristalezko belaunaldia deitzen digute, helduek begiratzen gaituztelako gazte zirenean eurek zituzten beharrekin, eta egoera ez da berdina. Haientzat gara kristalezko eta ahul, belaunaldi gisa onartzeagatik ez gaudela ondo, salatzeagatik nola sentitzen garen. Niri iruditzen zait oso lan ona egiten ari garela, hori guztia salatzen, gure gurasoen belaunaldiak salatu ez izanak ez duelako esan nahi existitzen ez zenik. Gu kapazak gara esateko ‘begira, hau gertatzen zait, hau errealitate bat da eta arazo bat da, sistema ez dago prest honi aurre egiteko’”.
Buruko osasuna izango da osasun publikoko arazo nagusia munduan 2030. urterako, Osasunaren Mundu Erakundearen arabera. Mila milioi lagunek buruko nahasmenduren bat dute munduan. Bost haur eta nerabetik batek buruko nahasmendua du diagnostikatua.
Bilboko magistratuak adierazi du ez dagoela froga nahikorik langileak delitu hori egin zuela egiaztatzeko eta ez dagoela “lekukorik” hori frogatu duenik. Horrelako 300 sabotaje salatu ditu anbulantzien zerbitzua esleitua duen enpresak.
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Aktibista intersexa* eta DJa da Marikarmen Free (Baena, Espainia,1984). 2003. urtean sistema psikiatrikoaren kontrako borrokan hasi zen, eta gaur egun bide beretik doa Insania kolektibokoekin. Martxoan, Iruñeko Katakraken egindako “Zapalkuntza psikiatrikoa eta... [+]
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Mallorca, 1968. Joana Maria Escartin historialaria jaio zen. 1989an esklerosi anizkoitza diagnostikatu zioten eta joan den maiatzaren 30ean hil zen jaioterrian, 56 urte zituela, hain zuzen, esklerosi anizkoitzaren nazioarteko egunean.
Ikasketak UIBn (Universitat de les Illes... [+]
Istripu eta larrialdiei erantzutea eta gaitz kronikoak dituzten ikasleak artatzea lirateke, besteak beste, erizainak eskolan lituzkeen funtzioak, gaur egun gehienbat irakasleen bizkar geratzen dena. Eskoletan erizain batek egon behar duela aldarrikatzen urteak daramatza SATSE... [+]
Carmen Junyent hizkuntzalaria izan zen katalanez hil ahal izatea bere azken hatseraino aldarrikatu zuena. Hil hurren zela, osasun-langileekin izandako bizipenak idatzi, eta bera hil ondoren argitara zitzatela eskatu zuen. Hizkuntza pertsona batek beste batekiko duen trataeraren... [+]
Ginekologia zerbitzuarekin gertatu den moduan, Lekeition pediatria zerbitzua kolokan ikusi du herritar talde batek, eta berandu baino lehen, osasun zerbitzu duinak izateko aldarria atera dute kalera. Sortu berria den Lekeitioko SOS mugimenduaren sustatzaile dira Marina Entziondo... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Duela bi urte, Edgard Camarós arkeologo katalanak bi giza garezur eta "Minbizia?" zioen txartel bat topatu zituen kartoizko kaxa baten barruan, Cambridgeko Unibertsitatean. Garezurrak Gizatik zetozten, Egiptotik eta berriki Frontiers in Medicine aldizkarian... [+]
Batzuentzat ikusezina eta sinesgaitza bada ere, fibromialgia existitzen da, eta berrehun sintoma baino gehiago daude gaitzari lotuta. Horietako batzuk jasaten ditu Edurne Iribarrenek (Otsagabia, Nafarroa, 1954) eta nabarmendu du eragin “handia” dutela egunerokoan:... [+]
Hemezortzi mediku beharrean hamabi daude eta sei erizainek hamabiren lana egiten dute. “Lan gainkarga eta agenda neurrigabea handitu” egin dira, sindikatuak ohartarazi duenez, eta murrizketa gehiago etor daitezke etorkizunean.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]