Nelson Mandela hil da
Hegoafrikako lehenengo presidente beltza izan zen Mandela eta apartheidaren aurkako ikur nagusia. Atzo hil zen 95 urte zituela, Johannesburgoko bere etxean senideek inguratuta. Estatu hileta abenduaren 15ean egingo dute.
Jacob Zuma Hegoafrikako presidenteak atzo hitzaldia eskaini zien hegoafrikarrei Mandelaren heriotzaren berri emateko. Hala esan zuen: “Hegoafrikar maiteok, gure Nelson Rohlihla Mandela maitea, gure nazio demokratikoaren fundatzailea, hil da”. Bakean eta familiak inguratuta, 20:50 aldean hil zela adierazi zuen presidenteak.
Mandelak sistema politiko arrazistaren aurka egin zuen bizitza guztian zehar eta militantzia horregatik 27 urte igaro zituen espetxean. Biriketako infekzioa zuen kartzelako urteengatik. Aske geratu eta lau urtera Hegoafrikako presidente izendatu zuten, bera izan zen herrialde horretako lehenengo presidente beltza. 1993an, Frederik De Klerk orduko presidentearekin batera, Bakearen Nobel saria eman zioten, apartheida modu baketsuan bukatzeko egindako lanagatik.
Lurmutur Hiria (Hegoafrika), 1990eko otsailaren 11. Nelson Mandela aske utzi zuten, 27 urtez giltzapean egon ondoren.
Gaur, abenduak 5, munduko agintariak Nelson Rolihlahla Mandelaren izaera goraipatzen ari dira, heriotzaren laugarren urteurrenarekin bat. Hegoafrikako Apartheidaren aurkako borrokan “terrorista” izandakoa, bakearen aldeko ikur dugu egun, baita gerra eta biolentzia... [+]
Abenduaren 5ean bi urte bete dira Nelson Rolihlahla Mandela hil zela. Hego Afrikako apartheidaren aurkako borrokaren –baita armatua ere– aurpegi ezagunena da Madiba. Robben Uharteko kartzelan 27 urte gatibu izan zuten “terrorista” bakearen aldeko... [+]
Ehortzi dute Nelson Mandela, Hegoafrikako lehen presidente demokratikoa. Qunu jaioterrian izan da, estatu hileta baten ostean.
Sinbolo guztiak dira manipulagarriak, baina batzuk gehiago besteak baino. Che Guevarak gazte matxinatuen ikurra izaten jarraitzen du, halaber, modako arropen apaingarri. Mandelaren laudorioak goiko zeruraino iritsi diren unean Leninen estatua lurreratu eta txikitu dute... [+]
Nelson Mandelaren osasun egoera makurrak mundu mailako kezka eta ikusmina sortu du. Herrialdeko presidentetzak iragarri du igande arratsaldean Mandelaren egoera kritikoa dela eta medikuak beren eskuetan den guztia egiten ari direla.
Nelson Mandela ospitalean dago beste behin, biriketako infekzioa dela eta. Azken urtean hainbat aldiz ospitalizatu badute ere, 94 urteko liderraren gertukoen erreakzioek oso egoera larrian dagoela iradokitzen dute.
Nelson Rolihlahla Mandela hegoafrikarraren heriotzak bost kontinenteetako herritarren arreta bereganatu du. Apartheidaren aurka borrokatzeagatik 27 urte kartzelan egin ostean, herrialdeko lehen presidente beltz eta demokratikoa izatera heldu zen. XX. mendeko ikono... [+]