Traktoreak Gasteizko, Baionako eta Tafallako kaleetan, azken protesten urtemugan
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Arabako nekazariek Gasteizen egin dituzte protestak. Trebiñu eta Araba elkarteek deitu dituzte traktore biltzeak otsailaren 10erako eta 11rako. Astelehenean, 10:00etan egin dute protesta-bilkura hiri erdigunean, Buesa Arena aparkalekuetatik abiatuta. Otsailaren 11n Jundizen elkartu eta protesta Mercadonaren logistika-plataformara eramango dute.
EITBk azaldu duenez, hainbat gairi buruzko desadostasunak azpimarratu nahi dituzte antolatzaileek. Iazko protestaldietan bezala, nekazariek, aurten ere, Mercosur merkataritza akordioa kritikatu dute, horren ondorioz bertako nekazarien diru sarrerak murrizten direla argudiatuta. Elikagai katearen legea betetzea eskatu dute, kostuak adinako prezioak bermatzeko. Salneurri justuak ere eskatu dituzte. Ohartarazi dute Arabarako diseinatu diren makroproiektu fotovoltaikoek nekazaritza lur emankorrak bereganatzeko arriskua dagoela. Otsoa babesteari uztea ere eskatu dute, eta hidrokarburoen zergaren aurka daudela ere azpimarratu dute.
Baionan erregaien zergak gaitzetsi dituzte
‘Pirinio mendikateko laborariak’ izena hartuta antolatu dira Hego Euskal Herriko eta Ipar Euskal Herriko hainbat laborari protesta egiteko. Beskoitzen traktoreak biltzeko deia egina zuten, eta adierazi dutenez, 24 orduz luzatu nahi dute protesta. Traktoreek Baionarantz hartu dute autopista. Sud Ouest hedabideak Jean-Francois Lasserre Bidaxuneko alkate eta laborariaren hitzak jaso ditu. Hiru aldarrikapen dituztela azaldu du. Bata, arabarrek eskatu bezala, Mercosurren lehia desleiala bukatzea. Bigarrenik, Europako herrialde guztietan araudi bera ez dagoela kritikatu du eta homogeneizazioa eskatu du. Hirugarrena, erregaien gaineko zergak hamar urtez bikoiztu egin direla esan du eta zergak murriztea eskatu.
Kazeta.eus hedabideak jaso duenez, oraingo protestetan gai berri bat ere bada. Behi-tuberkulosiaren ondorioz arazoak dituzten laborariek protesta baliatu dute gaitz horren inguruko protokoloa salatzeko.
Tafallan Espainiako mugimenduei begira
Nafarroan, Semilla y Belarra elkarteak egin du traktoreak elkartzeko deialdia Tafallarako. Espainiako Estatuan Unaspik (Lehen Sektoreko Elkarte Independenteen Batasuna) egindako deialdiarekin bat egin du Semilla y Belarrak.
Unaspik adierazi du protesta hau aukera bat dela gizartea eta autoritateak Mercosurren arriskuaz ohartarazteko. Sektorea "bizirik mantentzea" jokoan dagoela esan du. Presazko neurriak eskatu ditu Espainiako nekazaritzaren eta abeltzaintzaren etorkizuna bermatzeko, eta atzerritik datozen produktuei egin die aipamena. Europako elikagaien kalitate neurriak errespetatzea eskatu dute, eta salatu dute, neurri horiek ez badira errespetatzen, lehia desleiala eragiten duela eta osasun arauak ez direla betetzen. Unaspiren ustez, elikadura burujabetza arriskuan dago "atzerriko produktuen gorakadaren ondorioz". Bestalde, Unaspi kexatu da Europako ingurumen politikengatik. Ingurumen neurriak bete beharrak eraginda, "kostuak igotzen ari direla" salatu du.
Protestek “beharrak entzun arte eta erabaki presazkoak hartu arte” jarraituko dutela adierazi du.
Mikro eta makro kontzeptuen arteko muga lausoa da, eta elkarren arteko eragina lausoa izan arren, eragiten du. Baita gugan ere. Arazoa dator lainopeko itsutasunean asmatzen ez dugunean gu geu non gauden, herria non dagoen.
Sanmartinak gure baserrietan oso ezagunak dira, txerria hiltzeko garaia baita. Jende askok, ordea, ez du jakingo antzina San Martin egunak nekazaritza urtearen amaiera ezartzen zuela. Eta hori ez zen ahuntzaren gauerdiko eztula. Izan ere, urte amaierarekin etxeko ugazabari... [+]
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
Baserritarrek badute oporrik? Galdetu dute eskolan. Ezezkoa erantzun dute ikasleek. Orduan, egunero lanean, baserritar izan nahiko zenukete etorkizunean? Eta inork baserritarra izan nahi ez badu, nork egingo du guretzako janaria? Airean gelditu da galdera.
Pertsonaren osasun... [+]
Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]
Titulu handia iruditzen zaio “nekazari”. Bera “mahastizain” omen. Baina, izan, da nekazari mahastizaina. Eta da, izan, emakume nekazari mahastizaina. Eta mahatsaren orpotik mama goxoa nola, halaxe aletu ditu Ana Iriarte Bañezek lanbidearen... ez... [+]
Asteleheneko goizeko 10:00etatik hasita 24 orduz itxi nahi dute muga. Nekazariek salatu dute martxotik ez dela aurrerapausurik eman beren eskaeren inguruan.
Ikusi ditugu alimaleko traktoredun nekazariak, bideak, zubiak, mugak blokeatzen, eta bihotzak “krak!” egin zigun elkartasunez, geu ere laborari haurrak garelako eta anaiak, oraino, etxaldeak aitzina eramaten tematzen direlako. Manifestariak entzun ditugu normak... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Ostegun goizean, traktoreekin elkarretaratzea egin dute kanpoaldean, eta saioa hasi denean hainbat nekazari ateraino hurbildu dira. Tirabirak izan ondoren, Foruzaingoak atea ixtea lortu eta manifestariek ezin izan dute barrura sartu.
Indiako Poliziak bonba negar-eragileak jaurti dizkiete New Delhira bidean diren milaka nekazariei, gobernuak egin dien eskaintzari uko egin ondoren.
Arto zelaietan aise eta trebeki mugitzen den traktorea hiriko pasealekuetan agertzeak irudi-txoke bat ekartzen du, lekuz kanpo dagoen gailuak bere dotorezia eta indarra galtzen du hirian, orpo altuko zapatek mendialdean paseoan ikustean galtzen duten bezalaxe. Traktorearen... [+]