Nekazari gazteen biltzarra: lanerako baliabide eta jakintza premia
Nekazari gazteen nazioarteko laugarren asanblada izan da La Via Campesinaren VII. Nazioarteko Biltzarraren lehen urratsa. Egun eta erdiko bilkurak emandakoa azaldu digu Paula Gioiak, La Via Campesinaren koordinazio batzordean Europak dituen ordezkarietako batek.
Jatorriz brasildarra da Gioia, baina Alemanian bizi da, eta hango ABL laborari elkarteko kidea da. “ABLk badu gazte sail indartsua, autogestioan oinarrituta”, esan digu.
“Bilkura oso garrantzitsua izan da eskualde guztietako gazteak elkartu eta erresistentzia eta borroka moldeak trukatzeko”, azaldu du; “halaber, formazioan eragin beharraz jardun dugu, ez formazio teknikoa bakarrik, baita politikoa ere”. Zehazki, agroekologian oinarritutako formazioaren garrantzia azpimarratu du Gioiak, “teknika multzo bat baino gehiago baita; dimentsio politikoa du”.
Komunikazioa ere izan dute hizpide gazteek: “Hedabideek askotan eskuin muturreko gobernu eta elkarteen doinuaren arabera egiten dute dantza, mezu xenofoboak emanez eta nekazari gazteak kriminalizatuz”. Ildo horretan, Gioiak dio migrazioa dela gaur egun munduko laborari gazteei gehien eragiten dien gaietako bat. “Mundu osoan gertatzen ari da, baita Europan ere”.
Nekazari gazteek aitortza nahi dute
Gioiak ez du uste Europako nekazari gazteen arazoak eta munduko beste eskualde batzuetan bizi direnenak oso desberdinak direnik. “Nazioarteko testuingurua bera da: kriminalizazioa, gazte nekazariei trabak, gure aurkako sistemaren bortxa estrukturala… Sistema patriarkal eta kapitalista batean bizi gara, non nekazari gazteak ez diren aitortuak subjektu gisa”.
.JPG)
Gazteek lurrak eskuratu eta lanean hasteko zailtasunak dituzte mundu osoan. Eta ez lurra bakarrik: ekoizpenerako bitartekoak, baliabide naturalak, ezagupideak… ez dituzte erraz lortzen laborari hasiberriek, Gioiaren esanetan. Erreleboa zailtzen du horrek. “Kontuan izan behar da Europan, esaterako, nekazarien batez besteko adina 60 urtekoa dela, eta hiru minuturo baserri bat ixten dela”.
Horren aurrean, gazteentzako hezkuntza indartu beharra nabarmendu du ABLko kideak: “Garrantzitsua da jakintza tradizionaletan eta agroekologian oinarritutako lan moldeak ikasteko aukera izatea, industriak sustatu nahi duen sistemakoen aurrean”.
Gazteen batzarraren lekukoa hartu du emakumeenak Derioko apaiztegian, astearte arratsaldera arte.
Larunbatean Derioko Nazioarteko Konferentziari amaiera eman eta gero, manifestazioa egin da igandean Bilbon, La Via Campesinak deituta. Moyua plazatik Zazpi Kaleetako Plaza Barrira arteko ibilbidea egin dute ia 2.000 lagunek, eta ondoren bazkaria izan da. Horren aurretik... [+]
Euskal Herriko Deia zabalduz amaitu da La Via Campesinaren VII. Nazioarteko Biltzarra Derion. Lau egunez eztabaidan aritu eta gero, biltzarraren ondorioak biltzen dituen adierazpena aurkeztu dute bi ordu inguruko ekitaldi hunkigarri batean. Mundu osoko 200 milioitik gora... [+]
Argentina iparraldeko Santiago del Estero probintziatik etorri da Deolinda Deo Carrizo La Via Campesinaren Nazioarteko Biltzarrera. Nekazari indigenen eskubideen alde borrokan diharduen MNCI (Nekazari Indigenen Mugimendu Nazionala) taldeko kidea da, baita mugimendu... [+]
La Via Campesinaren Nazioarteko Biltzarraren egitarau osagarriaren barruan, nekazarien eskubideen urraketari buruzko txostena aurkeztu zuten asteazkenean. EAEri dagokion atalaren egileak, Leticia Urretabizkaia EHUko ikerlari eta hezitzaileak, gurekin hitz egin zuen aurkezpena... [+]
“Elkarte txikia gara eta guretzat erronka handia da nazioarteko konferentzia hau antolatzea, baina gure errealitatea ikusarazteko aukera bikaina ere bada”, esan digu Alazne Intxauspe EHNE Bizkaia sindikatuko kideak, La Via Campesinaren VII. Nazioarteko Biltzarra... [+]
Jendez mukuru izan da Derioko apaiztegi zaharreko eliza zena, Biltzarraren inaugurazio ekitaldian. Dantzak, kantuak eta musikak hartu dute lehenbiziko ordua, mezu politikoek bigarrena. Amaieran, azken urteetan La Via Campesinarekin bat egindako elkarte berrien aurkezpena egin... [+]
Pertsonak elikatzeko nekazarien beharra du munduak. Eta modu egoki eta jasangarrian egiteko, edozein ereduk ez du balio. Hala aldarrikatu du Miguel Blancok, Espainiako Estatuko nekazari elkarteen COAG federazioko idazkari nagusi eta hizlari kementsuak, La Via Campesinaren VII... [+]
Derion egin berri den La Via Campesinako V. Emakumeen Biltzarra historikotzat jo du Sandra Moreno Cadena antolatzaileetako batek. Moreno kolonbiarra da jatorriz, baina Espainian bizi da. Andaluziako Langileen Sindikatuko kidea da, eta zehazkiago Landa-eremuko Langileen... [+]
Arafat Jaradat, Palestinako UAWC nekazari-antolakundeko kidea, La Via Campesinaren VII. Nazioarteko Biltzarrean parte hartzen ari den 500 inguru pertsonetako bat da. Hebronen bizi da, Zisjordanian. Israelen erasoak direla-eta palestinar nekazariek eguneroko lana egiteko dituzten... [+]
La Via Campesina nekazarien nazioarteko mugimendua Euskal Herrian egiten ari da VII. Nazioarteko Biltzarra, uztailaren 16tik 24ra bitartean. ARGIAk egunero emango du haren berri.
Gaur, hilak 16, "Txikizioa borrokatu, bertako elikadura bultzatu!" goiburu duen Bergara-Derio martxaren hirugarren eta azken etapa burutu da, Larrabetzu eta Derio artean.
La Via Campesina bederatzi eskualde handitan banatuta dago, eta horietako bakoitzak bi ordezkari ditu antolakundearen Nazioarteko Koordinazio Batzordean. Lau urteko honetan Unai Aranguren (Galdakao, 1971) EHNE Bizkaiako kidea da organo horretan Europak dituen ordezkarietako bat... [+]
La Via Campesinak, munduko laborari elkarterik handienak, Euskal Herrian egingo du VII. Nazioarteko Biltzarra. Globalizazioari modu bateratuan aurre egiteko jaio zen antolakundea duela 24 urte; ordutik asko hazi eta sendotu da, politika neoliberalak areagotu diren hein bertsuan... [+]