Nekazari eta ekologisten garaipena: urte berriarekin hustuko dute Frantziako 1.000 behien ukuilu erraldoia
1.000 vaches esatea azken urteotan Frantziako estatuan izan da aipatzea nekazaritza munduko gatazka beroenetako bat, aurrez aurre zeuzkana batetik laborantza industriala sustatzen duten konpainiak eta bestetik Confederation Paysanne sindikatuak biltzen dituen baserritar txikien eta inguruko herritarren koalizioa. Azken hauek irabazi dute: 1.000 behien ukuilu erraldoia kudeatzen duen enpresak adierazi du urtarrilaren 1etik bertan behera uzten duela esne produkzioa eta hasiko dela bertatik behiak ateratzen.
ELB Euskal Herriko Laborarien Batasunak pozez betetako prentsa oharra zabaldu du astearetean, abenduak 8: "1.000 behiko etxaldearen gelditzea: laborantxa industrialaren kontrako garaipena". Laborarien sindikatuak jakinarazi duenez, urtarrilaren 1ean 1.000 behi baino gehiago biltzen dituen etxalde erraldoiak esne ekoiztea bertan behera utziko du, horrela amaituz zazpi urtez luzatu den gatazka.
Bere garaian ARGIAk aipatu zuenez, Frantziako Estatuko iparraldean, Amiens inguruetan, Michel Ramery industrialak eraiki zuen behitegitzar bat eta obra amaitzear zeukatela 2014ko maiatzean hura okupatu eta zenbait tresneriaz hustu zuten. Confederation Paysanneko (horren barruan da ELB euskalduna) laborari militanteek eta inguruko herritar eta ekologistak biltzen dituen Novissem elkartekoak ziren ekintza hura burutu zutenak, aurreko eta ondorengo kanpaina guztia bezala.
Konpainiak auzitara eraman zituen okupatzaileak... baina konpainia bera ere ez zen libratu auzitegietatik, jada 2015ean inspekzio batean behatzaileek ukuiluetan aurkitu zituztela Rameryk aitortutako 1.000 behiak eta 300 gehiago. Enpresak galdu zuen auzia eta hala ere Estatuari 33 milioi euroko kalte-ordainak eskatu zizkion, justiziaren balizko geldotasunagatik.
Frantziako estatuan nekazari txikien kanpaina sendoa egin dute behitegi handion kontra, argudiatuz hobe direla etxalde txiki asko behitegi erraldoi kopuru txiki bat baino eta salatuz ukuilu erraldoiok eragiten dituzten klase guztietako kalteak, bertan dauzkaten azienden bizi baldintzetatik hasita, esnearen kalitate eskasa, ekoizpen eredu industrial horrek eraindako kutsadura ugarietaraino. Espainiako estatuan askoz errazago zabaldu dira granja handiok, gure artean Nafarroako Caparroson ikusi den moduan; Nafarroako kooperatiba bat da Soriako behitegi erraldoi berriaren sustatzailea ere.
"Salatzen eta errefusatzen dugun laborantxa industrialaren modeloa izendatzeko baliatzen ohi dugu '1.000 behiko etxaldea' erranmoldea", idatzi du ELBk bere oharrean. "Garaipen hau, egunerokoan ELB eta Confédération Paysanne sindikatuek laborarien defentsan eta laborantxa herrikoiaren alde eremaiten duten borroka luzean urrats ttipi bat da".
✊✊Arrêt de la ferme-usine des 1000 vaches : une victoire sur l’industrialisation de l’agriculture !
— Conf' Paysanne (@ConfPaysanne) December 7, 2020
✍ Le communiqué de presse de la @ConfPaysanne https://t.co/k5bS9gsbiP pic.twitter.com/IXkdY8B57g
Euskal Herria, Grezia, Herbehereak, Alemania, Espainiako eta Frantziako Estatuak, Italia... Europa mailakoa da laborarien azken aste hauetako protesta. Ongiezak eta kexuak akuilaturik, zabalduz doa mugimendua. Dela kostatu zaiona baino merkeago saldu beharra ekoizpena, dela... [+]
Azterlan zabal batek erakutsi berri duenez, 1980tik 2016a bitartean hegaztien populazioak % 25 gutxitu dira azken 40 urteotan, eta ia % 60 nekazaritza-inguruneetako espezieen kasuan. Hori da, hain zuzen ere, Europako hegaztiei buruz orain arte egindako ikerketa handienaren... [+]
Sainte-Solineko uraska inguruko gertakari lazgarriek galdera bat planteatzen dute: nola da posible 200 pertsona baino gehiago zauritzea (bi aldeetan) eta horietatik bik (manifestarien artekoetatik) hil ala biziko larrialdian jarraitzea zergatik eta segurtatzeagatik zulo bat... [+]
Aditu askok ohartarazi arren abeltzaintza industriala gero eta gaixotasun eta epidemia larriagoak ari dela eragiten –klimari, ingurumenari eta baita milioika abeltzain txikiren enpleguei egindako kalteez gain – agro-industriak ez du norabidea aldatzeko asmorik:... [+]
Lurzoruan, erreketan eta euri uharretan pilaturiko urak laborantza intentsiboko bakar batzuei bideratzeko makroproiektuak dira méga-bassine edo uraska erraldoiak. Horien kontrako mugimendua indartuz doa Frantziako Estatuan eta iragan asteburuan Sainte-Solines... [+]
Bidaxuneko bi etxaldetan eta Amorotzeko batean agertu da H5N8 birusa, baita Zuberoarekin mugan den Lixoze herriko bi etxaldetan. Nahiz eta prefekturak oraindik baieztatu ez, baliteke Bardozen ere zabaldu izana birusa. Frantziako administrazioaren erabakiei segi, birusa... [+]
Danimarkako gobernuak bertako haztegietako bisoi guztiak hiltzea erabaki du, ikerlariak ohartu direlako bisoietatik gizakietara pasatako koronabirus kasuak badirela –orain arte jakina zen gizakiek kutsatu zitzaketela bisoiak– eta bisoi-granja asko dauden Jutland... [+]
Agroindustriaren sektoreaz informatzeko orduan, “benetako omertà” egoeran kausitzen dira kazetari bretoiak. Inork ez du hitz egin nahi eta hitz eginez gero presioak, mehatxuak, auzibideak zein zentsurak dituzte ordainean. Sektore indartsua delako... [+]
Nafarroako Auzitegi Nagusiak atzera bota du lurralde honetan behi ukuilu erraldoiak eragozteko 2019an Nafarroako Gobernuak ezarritako foru dekretua. Nafarroan bertan Caparroson dago horrelako behitegi handi bat, gaur 3.500 behi dituena eta jabeak 7.000taraino zabaldu nahi duena... [+]
Munduko mapa monokultura intentsiboka antolatzen duen laborantza ereduak ezinbestekoak ditu lan indarra ahal bezain merke xurgatuko zaien langileak. Koronabirusak eragin mugen ixtea dela eta, lan-baldintza eta soldata kaskarrak onartzeko prest diren auzo herrietako sasoilariak... [+]