Ikurra sortu dute Nafarroan nekazari-elikagaiak hurbilekoak direla ziurtatzeko
Gertutasuneko bereizgarria daramaten eta Elikagaiak Merkaturatzeko Bide Laburren Foru Lege berriaren baldintzak errespetatzen ez dituzten enpresek isuna jasoko dute. Gehienez bitartekari bakarra egon beharko da ekoizle eta eroslearen artean.
Bezeroek nekazari-elikagaiak bertakoak direla jakiteko balioko duen logotipo bat sortzeko legea abiarazi du Nafarroako Legebiltzarrak. Asteazkenean egindako Garapeneko eta Ingurumeneko Batzordean alderdi guztiak ekimenaren alde agertu ziren eta, ziurtasun osoz, martxoaren 2ko osoko bilkuran bozkatu eta onartuko da Elikagaiak Merkaturatzeko Bide Laburren Foru Lege berria.
Produkzio-katearen “bide labur” hori ziurtatuko duen etiketa berriak bi elikagai mota desberdinduko ditu: alde batetik, nekazari eta eroslearen arteko salmenta zuzenekoak eta, beste alde batetik, ekoizle eta saltzaile batek osatutako hurbileko salmentako kateak. Hau da, ezingo da garraiolaririk edo bestelako bitartekaririk egon.
Modu horretan, bertako ekoizpen eta kontsumo ekologikoa bultzatu nahi du Foru Parlamentuak. Aldi berean, nekazaritzako elikagaiak merkaturatzeko bide laburren erregistroa berrituko da, Nafarroako Gobernuari tokian tokiko nekazaritza ekologikoa kuantifikatzea ahalbidetuko diona.
Osasunaren eta landa garapenaren arloetan eskumena duten erakundeek, mankomunitateek eta udalek gehien bat, behartuta daude osasuna eta higienea zaintzeko jarraibide egokien gidak egitera legea onartu eta hurrengo hemezortzi hilabeteetan. Araubideetan, elikagaiak ekoizteko, prestatzeko, eraldatzeko eta merkaturatzeko faseetako egokitzapenak zehaztuko dira.
Haren produktuetan bide laburreko bereizgarria daraman baina bitartekarien baldintza edo legeak ezarriko duen beste edozein errespetatzen ez duten enpresek isuna jasoko dute, EH Bilduk aurkeztutako instantzia baten arabera.
PSNk, Geroa Baik, Ahal Duguk eta Izquierda-Ezkerrak baiezko bozka eman diete ezker abertzaleko alderdiak egin dituen hamar ekarpenei. Navarra Sumak, ordea, kontra bozkatu du guztietan eta inork babestu ez dituen beste hamabost instantzia aurkeztu ditu.
Sanmartinak gure baserrietan oso ezagunak dira, txerria hiltzeko garaia baita. Jende askok, ordea, ez du jakingo antzina San Martin egunak nekazaritza urtearen amaiera ezartzen zuela. Eta hori ez zen ahuntzaren gauerdiko eztula. Izan ere, urte amaierarekin etxeko ugazabari... [+]
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
Baserritarrek badute oporrik? Galdetu dute eskolan. Ezezkoa erantzun dute ikasleek. Orduan, egunero lanean, baserritar izan nahiko zenukete etorkizunean? Eta inork baserritarra izan nahi ez badu, nork egingo du guretzako janaria? Airean gelditu da galdera.
Pertsonaren osasun... [+]
Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]
Titulu handia iruditzen zaio “nekazari”. Bera “mahastizain” omen. Baina, izan, da nekazari mahastizaina. Eta da, izan, emakume nekazari mahastizaina. Eta mahatsaren orpotik mama goxoa nola, halaxe aletu ditu Ana Iriarte Bañezek lanbidearen... ez... [+]
Asteleheneko goizeko 10:00etatik hasita 24 orduz itxi nahi dute muga. Nekazariek salatu dute martxotik ez dela aurrerapausurik eman beren eskaeren inguruan.
Ikusi ditugu alimaleko traktoredun nekazariak, bideak, zubiak, mugak blokeatzen, eta bihotzak “krak!” egin zigun elkartasunez, geu ere laborari haurrak garelako eta anaiak, oraino, etxaldeak aitzina eramaten tematzen direlako. Manifestariak entzun ditugu normak... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Ostegun goizean, traktoreekin elkarretaratzea egin dute kanpoaldean, eta saioa hasi denean hainbat nekazari ateraino hurbildu dira. Tirabirak izan ondoren, Foruzaingoak atea ixtea lortu eta manifestariek ezin izan dute barrura sartu.
Indiako Poliziak bonba negar-eragileak jaurti dizkiete New Delhira bidean diren milaka nekazariei, gobernuak egin dien eskaintzari uko egin ondoren.
Arto zelaietan aise eta trebeki mugitzen den traktorea hiriko pasealekuetan agertzeak irudi-txoke bat ekartzen du, lekuz kanpo dagoen gailuak bere dotorezia eta indarra galtzen du hirian, orpo altuko zapatek mendialdean paseoan ikustean galtzen duten bezalaxe. Traktorearen... [+]
Aste osoan Frantziako Estatuko laborariak egiten ari diren mobilizazioen testuinguruan egin dute ekintza, merkatu librearen baldintzek Ipar Euskal Herriko laborariei duin bizitzeko ezartzen dizkieten zailtasunak salatzeko. 6:00etatik ari dira blokeatzen Baionako portua.