Nekane Txapartegik ez du epaitegian deklaratu Espainia-Suitza estatuen arteko jokoan ez sartzeko
Nekane Txapartegi maiatzaren 22an deklaratzera deitua zuen Espainiako Auzitegiak. 200 lagun elkartu ziren Bernako auzitegi aurrean elkartasunez. Bideokonferentziaz ere ez deklaratzea erabaki zuen, "Estatu Espainiar eta Suitzarraren arteko joko horretan ez sartzeko". Nazioartean elkartasuna pizten doa eta hurrengo aste-hilabeteetan bi estatuek erabakiko dutenaren zain egon beharko du euskal errefuxiatu politikoak. Hala Bedi irratian egindako elkarrizketan adierazi duenez, "Kausa berri honek balioko du tortura sexista eta euskal gatazka internazionalizatzeko".
2017an Suitzan aske gelditu ostean orain Espainiako Auzitegiak berriz deklaratzera deitu izanaz, hau esan du Txapartegik Hala Bedi irratiak aste honetan publiko egin duen elkarrizketan:
"Ez nau harritzen, ongi ezagutzen dugulako estatu españolaren mendeku gosea. Suitzan jendeak ez du ulertzen nola den posible, lehen saiakeran estatu españolak ez baitzuen lortu eta abisua argia izan zelako: torturak zeudela eta ez zela extradiziorik egongo. Bukaeran soluzio juridiko bat eman bazioten ere, guk pentsatzen dugu soluzio juridiko hori etorri zela egon zen presio eta kanpainagatik, alegia, nolabait behartu genituela konponbide bat ematera.
Orain berriz lotsagabeki datoz, eta hemengo jendeak galdetzen du 'baina hauek ez dute ikasten?'. Horren atzean dagoen mentalitate kolonizatzaile inkisidorea ezagutzen dugu. Uste dut beren estrategian behar dituztela horrelako figurak, sorginak-edo, beraien aparato errepresibo guztia legitimatzeko eta martxan jarraitu ahal izateko. Oraindik ere legedi antiterrorista indarrean baitago. Nola da posible, borroka armaturik ez badago? zergatik daude legedi berezi horiek erabiltzeko prest? Lehen nahi ninduten, ez dute lortu, eta orain saiatuko dira eta nire inguruan konstrukto bat eraikiko dute. Baina horrela ohituta daude, urte hauetan guztietan horrela egin dute, terrorismo izenpean nazioarteko legedia nahi duten bezala puskatuz, Europatik ere babes osoa izan dutelako".
Suitzari egin zion asilo eskaera premiazkoa zela azpimarratu du Txapartegik: "Free Nekane kanpainak tortura sistematikoak bistaratu zituen, oraindik ez dira bi urte askatu nindutela eta gaia oso present dago. Beraz, orain berriz badatoz, Suitzako gobernuak posizionatu egin beharko du torturaren gaiarekin. Kausa honek erakusten du arrazoiak bazirela eskatu nuen asilo politikorako, jazarpen politikoa dagoela. Berriro ere epai politiko bat izango da. Aukera emango digu tortura sexista eta euskal gatazka internazionalizatzeko".
Bernan maiatzaren 22a
Bilgune Feministak sare sozialetan zabaldutako argazkietan ikus daiteke maiatzaren 22an Bernako auzitegi aurrean Suitzako ezkerreko mugimenduek deituta egin zuten elkarretaratzea:
Lora Irratiak bideoan hartu du:
Rund 200 Menschen haben Nekane heute Vormittag zum Einvernahmezentrum in Bern begleitet. Eine von uns! Sexualisierte Folter ist ein Asylgrund!#freenekane pic.twitter.com/XX21UvqL6y
— Radio LoRa (@lora_radio) 2019(e)ko maiatzaren 22(a)
Nazioartean elkartasunezko lehen mezuak
Kordobatik "Ni una menos" asanbladak bideo bidez adierazi du bere elkartasuna.
Euskal Herriko Bilgune Feministako kideak ere Suitzara joan ziren eta bideoz mezua zabaldu zuten.
Gaur, Nekane berriro ere arrisku egoeran da! Beste behin ere, jazarpen politikoaren adierazle eta justizia patriarkalak tortura sexista babesten jarraitzen duenaren adibide argia dugu.
Hemen Suitzatik bidalitako mezua: pic.twitter.com/a0aiQNY8aI
— Bilgune Feminista (@ehbfeminista) 2019(e)ko maiatzaren 22(a)
CONAICOP Herri Komunikazioaren Kontseilu Nazional eta Internazionalak elkartasuna adierazi dio Txapartegiri eta Suitzako Gobernuari eskatu dio asilo politiko edo humanitario izendapena ematea Txapartegiri.
Orain arteko auzia preskribatuta
Txapartegi 1999ko martxoaren 9an atxilotu zuten eta torturatu. Torturapean egindako deklarazio horiek soilik izanik bere aurkako froga bakar, 18/98ko makro epaiketaren barruan izan zen epaitua, eta 11 urteko kartzela zigorra ezarri zion Baltasar Garzón epaileak, 2007ko abenduan.
Txapartegik kondena onartzen ez zuenez, Suitzara jo zuen eta bertan bizi da alabarekin. 2015ean Espainiako Ministroen Kontseiluak extradizio eskaera egin zuen eta 2016ko apirilaren 6an Suitzako Gobernuak kartzelatu egin zuen. Free Nekane kanpaina abiatu zuten ezkerreko erakunde anitzek Suitzan eta indar izugarria hartu zuen extradizioaren aurkako eskaerak. 2017ko irailaren 15ean libre geratu zen: izan ere, Auzitegi Gorenak otsailean bere aurkako zigorra murriztu egin zuen 3 urte eta 6 hilabetetara, eta kondena preskribatutzat eman zuen.
ARGIAren 2627 zenbakian egindako elkarrizketan kontatua du xehe hau guztia.
Nafarroan torturatutako ia mila pertsonaren errealitatea eraldatzen hasi berri dela azaldu du antolakuntzak. Nafarroako torturaren biktimen lehen aitortza ofiziala aurtengo apirilean egin zen, eta oraingoa antzeko prozesuetatik igaro diren beste torturatuekin eta gaian aditu... [+]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
“Gaur eguerdiko albistegian, zuen hiriburuko alkatea ikusiko duzue, torturatu gintuen gorputz militarrari hiriko plaza nagusia eskaintzen. Gaur eguerdiko albistegian, gure lagun eta senideak hil zituen egitura ikusiko duzue gure kaleetan desfilatzen. Eta guk, beste egun... [+]
Orain 180 urte sortu zenetik lehen aldiz, kuarteletik kanpo eta Gasteizko erdigunean ospatu du Guardia Zibilak bere patroiaren eta hispanitatearen eguna. Bertan izan dira Gasteizko alkate Maider Etxebarria, Espainiako Gobernuko ordezkari Marisol Garmendia, Gasteizko gotzaina eta... [+]
Felix Bolaños Espainiako Justizia ministroak esan du gardentasuna dagoela segurtasun nazionalaren menpe, eta behin eta berriz hala nabarmendu du, Mikel Zabalzaren heriotzaren inguruko auzia ez desklasifikatzeko. Auziaren eta segurtasun nazionalaren arteko lotura, baina,... [+]
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.
Israelek Gazan atxiloturiko zortzi osasun-langileren eta beste zazpi lekukoren testigantzetan oinarritzen da Human Rights Watch gobernuz kanpoko erakundearen txostena. Nazioarteko Zigor Auzitegiak egoera aztertzea nahi du GKEk. Gazako Osasun Ministerioaren datuen arabera,... [+]
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Presoak lotuak dituzte etengabe, pixoihalak jantzita eta jipoiak jasotzen. Hamaseko kideak diren susmopean ehunka pertsona bahituak dituzte sionistek, The Guardianen iturrien arabera.
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Tarteka bizitzak ekarrarazten dizkizu ahaztuta nahiko zenituzkeen oroitzapenak. Xafan-ekin geratu naiz gaur kafea hartzeko, Xabier Mendigurenen Oso latza izan da liburuari buruzko solasaldia dugulako gero, eta konturatu naiz inoiz ez diodala ezer galdetu aztnugal hitzarekin... [+]