Nekane Txapartegi Nievek lortu du 1999an bere aurka hasitako epaiketa politikoa eta jazarpena ixtea
Gaur, otsailak 14, izan da Auzitegi Nazionalaren Zigor arloko Aretoan, bere abokatu Iñigo Iruinekin batera. 1999an 18/98 makroepaiketaren barruan atxilotua eta torturatua izan zen, eta gaur eman dio amaiera epaiketa politiko hari: Suitzan bi karnet faltsu edukitzeagatik sei hilabeteko zigorra ezarri diote baina ez du kartzelara joan beharko. Hitza hartu duenean torturaren salaketa egin du, eta bere aurkako jazarpen politikoari itxiera eman diola adierazi. Aurrerantzean, bere aurkako estradizio eta atxiloketa agindurik gabe libre ibili ahal izango du, eta horrek aukera irekiko du bere alabak ere paperak lortu ditzan. Bere hurrengo asmoa “denak ni bezala aske eta libre izan arte borrokan jarraitzea eta torturaren aurkako salaketa ahal den leku guztietara eramatea” dela adierazi dio ARGIAri, epaitegitik irten berritan.
“Gustura etorri gara, bost minutukoa izan da baina aukera izan dut esateko zergatik nengoen hor: hasieran nire aurka aurkeztutako salaketak atzera bota dituztelako eta jazarpen politikoari, errepresioari itxiera emateko aukera delako”, azaldu du Txapartegik.
Epaileak galdera bakarra egin dio: karnet faltsuak izateagatik ezarritako sei hilabeteko kondena onartzen al duen. “Erantzun diot nire abokatuak egindako akordioa onartzen dudala, jazarpen eta errepresio ziklo honi itxiera emateko. Baina lehen ere torturapean behartutako autoinkulpazioetan oinarritu zutela nire kondena, horregatik ihes egin nuela Suitzara, berriro torturatua ez izateko eta paper faltsuak erabili behar izan nituela nire burua eta alaba babesteko”.
1999an 18/98 makrosumarioaren barruan atxilotua eta torturatua izan ostean, kartzela zigorrari ihes egiteko Suitzara jo zuen 2007an. Geroztik Espainiako Estatuek egin dituen estradizio eta atxilotze agindu ugarien ostean, gaur jaso duen kondena bakarra Suitzan bi karnet faltsu edukitzea da, eta ez du kartzelara joan beharko. “1999an hasitako epaiketa politikoari amaiera eman diogu” ospatu du Txapartegik. Bere familia eta lagunak auzitegiko areto barruan egon dira, eta txalo zaparrada eskaini diote amaieran.
“Denak aske eta libre izan arte”
“Zoritxarrez, nire alaba oraindik ezin da munduan zehar libre ibili, paperik ez daukalako. Baina orain lasai egin ditzakegu Suitza eta Euskal Herriaren arteko joan-etorriak. Orain arte, nahiz eta espetxean ez egon, ezin ginen Suitzatik atera. Gaurkoarekin, bahiketa politiko horri amaiera eman diogu”. Txapartegi pozik agertu da gaurko lorpenak bidea erraztu dezakeelako bere alabak Suitzako herritartasuna lortu dezan.
Bere egungo helburua hauxe dela adierazi du: “Denak ni bezala aske eta libre izan arte borrokan jarraitzea eta torturaren aurkako salaketa ahal den leku guztietara eramatea, tortura aparatua desagerrarazi eta torturaren aitortza politiko kolektiboa lortu arte. Nirea posible izanak berresten du borrokan jarraitu behar dugula beste guztiak etxeratzea lortzeko”.
Gaur arratsaldean Bergaran izango da, Bi arnas filmaren emanaldian
“Minean eta garaipenean”, bietan familiaz eta lagunez inguratuta sentitu dela adierazi du, eta gaurko eguna elkarrekin ospatuko dute etxeratzean.
Arratsaldeko 19:00etan, berriz, Bergarako Seminarixoan izango da, Bi arnas filmaren emanaldian. Iratxe Sorzabal presoaren eta bere amaren arteko harremana azaltzen duen filmean Nekane Txapartegik bere torturaren salaketa egiten du. Filma ikusi ostean, elkarrizketan arituko dira filmaren ekoizle Kima Arzuaga eta Nekane Txapartegi.
Nekane Txapartegi Nieveren auziak epaitegietan izan duen bilakaera bikain jaso du Ramon Solak Naiz hedabidean. Hemen irakur daiteke.
Hemen irakur daiteke 2022ko maiatzean, 15 urteko erbestealdiaren ostean, etxera itzuli zenean ARGIAk egin zion elkarrizketa: "Ni ez naiz gordeko ezta ixilduko ere"
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon"... [+]
Lizarrako Udalaren jarrera autoritarioa salatzeko sortu zuten Beef D'Alda abestia, eta horren harira auzipetu dituzte. Adierazpen askatasuna aldarrikatzeaz gain, otsailaren 8rako egitarau bat antolatzen ari dela jakinarazi du musika taldeak.
Mendebaldeko Saharako giza-eskubideen egoeraren azterketa egiteko bidaia egin dute Euskal Fondoko eta Eusko Legebiltzarreko kide batzuek. Hegazkinetik ezin izan dute jaitsi ere egin. Legebiltzarkideek Marokoren jarrera “lotsagarria eta onartezina” dela adierazi dute.
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]
.png)
Milaka gazte bildu dura Gazte Koordinadora Solizalistak (GKS) urtarrilaren 25ean Bilbon eta Iruñean antolatu dituen mobilizazioetan, "Euskal Herrian agenda belizista eta faxismoa normalizatu ez daitezen". Jendetza bildu da bi hiriburuetan gerra inperialistaren... [+]
Epaitegietan hamar urte bete ditu auziak, eta azkenean EAEko Auzitegi Nagusiak ebatzi du beste epaitegi txikiagoek ikusten ez zutena: ez zela baserri zaharra "eraberritu", baizik eta askoz ere eraikin handiagoa altxatu zela eta behar zuen lekutik urrunago. Legez kanpo... [+]
Euskal Herria Baterak apirilaren 11an Donostiako Kursaalen egingo den ekitaldiaren berri eman du. Ekitaldia Aberri Eguna ospatu baino egun batzuk lehenago eginen da. Agerraldian Mireia Epelde, Xabier Euzkitze eta Carlos Etchepare bozeramaileek hartu dute parte, eta Manex Fuchs... [+]
“Behin batean gertatu zen eta ordutik aurrera egunero gertatzen da […] ez dezagun ikus hemen gertatzen dena. Halaxen da mundua, eta gaur egunean inor ez da profeta bere mendean”.
Beste zerbaitez hitz egin zidaten behin eta ordudanik, ezin dut ezer bestela... [+]
Parte Zaharrean Bizi auzo elkarteak irregulartasunak salatu ditu Parte Zaharreko lizentzia askoren harira, baita salatu ere "onuraduna" ostalaritza dela "beti". Azalpenak eta ardurak eskatu dituzte.
Ostegun honetan 30 urte bete dira ETAk Gregorio Ordoñez PPko Donostiako zinegotzia hil zuela. Hainbat arrazoirengatik euskal gizartean zirrara berezia sortu zuen atentatua izan zen. PPko eta PSOEko zinegotzien aurkako atentatuen atea ireki zuen.