Nekane Murga Osasun sailburuak Osakidetzako iruzurra ezagun zuela adierazi du lekuko batek
Kardiologia epaimahaiko kide batek orain urte batzuk Murgarekin izandako elkarrizketa baten berri eman du. Egun Osasun sailburu denak ondorengoa esan zion: “Azterketarik ez edukitzeko, oso ondo egin duzu”.
Martxan da Osakidetzako oposaketetako iruzurrari buruzko ikerketa judiziala, eta El Diario.es-ek sumarioko grabaketa bat egin du publiko. Grabaketan iazko Osakidetzako oposaketetan kardiologia saileko epaimahaikide izan zen Izaskun Obietak 2018ko ekainean Osakidetzaren aurrean egindako adierazpenak jasotzen dira, eta bertan Nekane Murga aipatzen du, egun Eusko Jaurlaritzako Osasun sailburu dena. Obietaren hitzetan, Murgak ezagun du aspalditik Osakidetzako iruzurra, bera oposaketetara aurkeztu zenean ondokoa adierazi baitzion: “Azterketarik ez edukitzeko, oso ondo egin duzu”. Deklaraziook EBBko arduradun ohi Belen Greaves-ek hartu zizkion, salaketen ondorioz zabaldutako barne espedientearen harira.
Fiskalaren arabera iruzur zantzuak zituzten arloetako bat da Kardiologia ere, eta iazko oposaketetan arlo horretako epaimahaikide izan ziren bi pertsonak lekuko gisa deklaratu dute epailearen aurrean. Fiskalaren aurretik ere igaro ziren, iruzurraren gaineko beren susmoak adieraziz. Izan ere, arlo horretako plaza libreak haina azterketa ezin hobe aurkeztu ziren. Azterketaren emaitzak jaso aurretik ere baziren susmoak ordea: aurkeztu ziren guztiek gainditu zuten lehen azterketa prestatu zuen Angel Loma-Osorio medikuak epaimahaiari jakinarazi zion “arrazoi sendoak” zituela epaimahaiko zenbait kidek azterketak filtratuko zituztela pentsatzeko. Obietak kezka horrekin bat egin zuen, eta Fiskalak txostenean jaso duenez, dimititzea ere pentsatu zuen.
Obietak 2018ko ekaineko adierazpenetan azaldu zuenez, Murgak bere garaian egindako iruzkin hura iruzurraren zantzua da. Alabaina, pertsona zehatz batzuen kontua izatetik harago, Osakidetzan vox populi den kontua dela jakinarazi zuen. Adierazpenok egin zituenean Planifikazio, Ordenazio eta Osasun Ebaluazioko zuzendaria zen Murga. Gerora hartu zuen Osasun sailburu kargua, iruzur salaketen harira Jon Darponek dimisioa eman eta gero.
Erradiodiagnostikoko teknikari espezialistaren eta farmaziako laguntzailearen deialdietan hainbat galdera baliogabetu dira. Horiekin batera, joskintzako ofizialaren eta teknikari informatikoen azterketetan arazoak azaldu dira.
Arabako Auzitegiak atzera bota du LABen errekurtsoa. Hala ere, sindikatuak “aukerak” ikusten ditu epaiketa baterako.
Sindikatua pozik agertu da epaileak ikerketa sei hilabetez luzatzea onartu duelako, baina autoari ebazpena jarriko dio "autoa hobetzeko eta defentsen ekintzak baliogabetzea eragozteko".
3.535 lanpostuko eskaintza egiteko asmoa adierazi du Gotzone Sagardui Osasun sailburuak. ELA sindikatuak, ordea, kritikatu du behin-behineko langileak 24.600 direla eta ez dela “arazoa konponduko”. 9.000 langilek gutxienez zortzi urte daramate aldi baterako... [+]
LAB sindikatuak irailaren 1ean egin zuen eskaera auto bidez. Instrukzio auzitegiak Darpón eta Mugika aztertzea errefusatu du, baina hainbat espezialitatetako beste bederatzi kide ikertuko ditu. Auzia 2022ko urtarrilaren 29ra arte luzatuko da.
Osakidetzako 2018ko oposizioetan atzeman dituzten irregulartasunen sokari tiraka, azterketara aurkeztu ziren beste 30 mediku eta epaimahaikide jardun zuten bi bokal inputatzeko eskatu du ESK sindikatuak. Hainbat froga aurkeztu dituzte eta leporatu diete erantzunak aurrez eskatu... [+]
Anestesista espezialitaterako lan eskaintza publikoan azterketen filtrazioengatik “onurak” jaso zituztela, susmoa du sindikatuak. Datozen egunetan 24 lagunek epaitegietan beren lekukotza emango dute Osakidetzako 2016-2017ko lan eskaintza publikoan jazotako iruzur... [+]
Irailaren 1etik 7ra 16 lagun epaile aurretik igaroko dira lekuko gisa, 2018ko Osakidetzako oposizioetan izandako ustezko irregulartasunak ikertzeko abiaturiko auziaren barruan.
Epaileak ikerketapean zegoen Neurokirurgia arloko presidentea inputatu du, eta hogeita lau lekuko deklaratzera deitu.
Ituarte EAJ alderdiarekin Santurtziko alkate izatera iritsi zen. Ondoren, Osakidetzan aritu zen lanean, arduradun ekonomiko bezala. Bere anaiak 2018ko oposaketan, anestesia arloan, azterketa praktiko perfektua egin zuen 100 puntu lortuz. 2019ko urtarrilan, Osakidetzako bere... [+]
Aurtengo martxoan dimititu zuen Jon Darpon Eusko Jaurlaritzako Osasun sailburuak, Osakidetzako oposizioetan detektatutako irregulartasunak medio. Ondoren, enpresa pribatura pasa zen. Orain, Darpon "fitxatu" zuen enpresak eta haren ingurukoek jasotako diru publikoa... [+]
Gasteizko Santiago ospitalean, 2016tik “gastuen bikoizketa” egon dela jakinarazi du sindikatuak, ikerketa batean oinarrituta.
Marta Machok, Osakidetzako oposizioen iruzurra salatu zuenetariko batek, jakinarazi du formula berriak zaharrak baino kontrol gehiago eman diezaiekeela zerbitzu-buruei.
Alderdi Popularraren abstentzioa salbu, gainerako talde politikoek babestu dute EH Bilduk mahai gainean jarritako proposamena.