Nekane eta Izaro Zinkunegi: “Espainiako Auzitegi Nazionalak jomugan du prentsa askatasuna”
Espainiako Auzitegi Nazionalean deklaratu beharko dute Nekane Zinkunegi eta Izaro Zinkunegi errezildarrek eta Iraitz Salegi bergararrak urriaren 7an. Izan ere, Eloy Velasco epaileak Topatu.info webgunean Gazte Danbada ekimenari buruz informatzeagatik auzipetu ditu gazteak.
Nekane Zingunegi Uztarria Komunikazio Taldeko kolaboratzaile ohia da, eta berak zein bere ahizpak, Izaro Zinkunegik, beraien ikuspuntua azaldu diote Uztarria.com-i.
Asteartean joan behar duzue epailearen aurrera, baina noiz jaso zenuten jakinarazpena?
Abuztuaren amaieran. Abokatuari jakinarazi zioten, eta bera jarri zen gurekin kontaktuan. Hau jakin bezain laster, Euskal Herrian deklaratzeko eskaera egin genuen, baina pasa den astean ezezkoa jaso genuen eta datorren asteartean joan beharko dugu Madrilera.
Zer leporatu dizuete?
‘Terrorismoari gorazarre’ egitea, Gazte Danbadako ekitaldi politikoaren inguruan informatzeagatik. Hain justu, 2013an, Gazte Danbada jaialdian egindako ekitaldi politikoan, espetxean hil zen Xabier Lopez Peña preso politikoa izan zuten gogoan. Honen harira, hainbat kide auzipetu zituzten. Martxoan, berriz, Topatu.info-ko atari digitalean zeuden ekitaldi horretako bideoak kentzeko agindua jaso genuen, bestela, webgunea itxiko zutela mehatxatuz. Agindua prentsa askatasunaren aurkako eraso bat iruditu arren, bideoak ezabatu genituen, webgunea ixteak ekarriko lituzkeen kalteak kontuan hartuz. Orain, berriz, proiektuko hiru kide auzi berean sartu gaitu Eloy Velasco epaileak delitu bera leporatuta, informazio hori zabaltzean, guk ere ‘terrorismoa goratu’ dugulakoan.
Nola jaso duzue albistea?
Albistea ezustekoa izan da, egia esan, bideoak kendu ostean auzia bere horretan geratzea espero baikenuen. Hala ere, ez da harritzekoa, Espainiako Auzitegi Nazionalaren orain arteko jarduna kontuan izanda, prentsa eta adierazpen askatasunaren aurkako beste eraso bat egin izana. Nolanahi ere, badu irakurketa positibo bat erasoak: herri mugimenduaren bozgorailu den eta azken urteotan erreferente bilakatu den komunikazio egitasmo indartsua da Topatu, eta horrek egonezina eragiten die Espainiako Gobernuari zein auzitegiei.
Lehen ere deklaratu behar izan zuten Gazte Danbadako ekitaldi politikoan parte hartu zuten batzuek, ezta?
Hala da. 2013ko martxoaren 29tik apirilaren 1a bitartean, Urduñako (Bizkaia) Gazte Danbada jaialdian egindako ekitaldi politikoan, espetxean hil zen Xabier Lopez Peña preso politikoa izan zuten gogoan. Horren harira, bertan parte hartu zuten Ernai gazte antolakundeko hainbat kide eta Periko Solabarria auzipetu zituzten lehenik. Eraso horren hurrengo kate-begia izan da gurea.
Kazetari lana egiteagatik inputatu zaituztete. Zer duzue esateko horren aurrean?
Bai, larriena da ez dela lehenengo kasua, beste hainbat hedabide eta kazetari izan baitira horregatik jazarriak. Nabarmentzekoa da Topatuk herri mugimenduaren bozgorailu lana egiten duela, eta horren baitan kokatzen da Gazte Danbadako jarraipena ere. Gure ustez, 7.000 gazte inguru lau egunez Urduñan biltzeak nahikoa interes informatibo badu. Horregatik, ekitaldi politikoaz harago, jarraipen osoa egin genien bertako ekintzei: hitzaldiak, tailerrak, kontzertuak... Halaber, gogorarazi nahi dugu Topatuk eraso duten kazetari lan horrengatik berarengatik jaso duela 2014ko Interneteko Argia saria.
Herritarrek babesa erakutsi dizuete?
Bai, handia. Komunikabide moduan, sare sozialen bidez sekulako elkartasuna adierazi digute norbanako, eragile eta hedabideek. Eta maila pertsonalean ere handia izaten ari da egunotan ingurukoengandik jasotzen ari garen babesa.
Lehen ere itxi zituzten Gazte Sarea eta beste hainbat hedabide. Nola ikusten duzue prentsa askatasuna, gaur egun?
Hala da, Gaztesarea.net ere gazte proiektu komunikatibo bat zen, eta arrazoi berarengatik egin zuten haren aurka. Beste hainbat komunikabide ere badaude terrorismoa goratzea leporatuta itxi dituztenak. Espainiako Auzitegi Nazionalak jomugan du prentsa askatasuna. Neurri berean, ezinbestekoak dira herri izaerako hedabideak. Beraz, prentsa eta adierazpen askatasuna zentsuraz moztu nahi badituzte ere, Topatuk lanean jarraituko du. Eta atzo Twitter bidez babesa adierazi zigun kide batek zioen bezala: "Etorkizunean adierazpen askatasuna ametsa izan ez dadin, oraina kontatzen jarraituko dugu!".
[Artikulu honen jatorrizko bertsioa Azpeitiko Uztarrian argitaratu da eta hedabide horren CC-by-sa lizentzia baliatuz ekarri dugu ARGIAra]
Asteazken goizean fiskala eta defentsa elkartu dira eta akordio bat erdietsi dute. Joseba eta Eñaut Alvarez aita-semeak 2023ko San Sebastian bezperan Donostiako Plaza Berrian Etxera zioen oihal handi bat teilatutik alderik alde jartzen saiatu ziren. Bertan poliziekin... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
Sare sozialetan ustezko mezu xenofoboak, gorrotozkoak eta indarkeria bultzatzen dituztenak zabaltzea egotzi diote. Osasunari ere 20.000 euroko isuna ezarri dio Indarkeriaren Aurkako Batzordeak Sadarren jokatutako Bartzelonaren aurkako Ligako partidan ikusleen egonaldia... [+]
Larreundiko Auzo Elkartea mural bat margotzen hasi zenean "gelditzeko agindua" jaso zuen. Izan ere, udalbatzan onartuta dago Palestina eta Israelen arteko auzian hirian ez dutela posizionamendurik onartuko eta "bakea" irudikatuko dela soilik.
2.700 euroko isuna ere ezarri dio Espainiako Auzitegi Nazionalak. Otsailean atxilotu eta inkomunikatu zuten, Twitterreko zenbait argitalpeni lotuta. Manifestazio bat izango da larunbat honetan Iturmendin, errepresioaren kontra eta adierazpen askatasunaren defentsan.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]
Grafitigileak identifikatzea da Gasteizko Udalaren helburua. Horretarako, grafologiaz baliatzen den Orion Analistas enpresa kontratatu du.
“Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan... [+]