Nekane Balluerka ez da aurkeztuko EHUko errektore izateko
Hauteskundeak azaroan izango dira. 2016an hartu zuen kargua, Iñaki Goirizelaia ordezkatuz.
Nekane Balluerkak azaroan utziko dio EHUko errektore izateari. Izan ere, ordiziarrak Vocento taldearekin egindako elkarrizketa batean jakinarazi duenez, ez da datorren azaroko errektoretzako hauteskundeetara aurkeztuko.
Bertan dionez, COVID-19ak sortutako krisiak ez omen du eraginik izan bere erabakian, eta lau urteotan EAEko unibertsitate publikoaren buru izan ondoren, Psikologia Fakultatean eman nahi ditu eskolak berriro, Portaera Zientzien Metodologian katedraduna baita.
Balluerka 2016ko azaroan hautatu zuten errektore, Iñaki Goirizelaiaren ordez. Kargura aurkeztu zen pertsona bakarra izan zen, eta botoen %66 lortu zuen. Hori bai, 47.705 boto-emaileko erroldatik, %12,59ko parte-hartzea baino ez zen izan hauteskunde horietan, 5.866 pertsonak bakarrik eman baitzuten botoa. Zifrak are larriagoak dira ikasleen partetik izandako sostenguari erreparatuz gero: 40.352 ikasletik 1.074k baino ez zuten bozkatu Balluerkaren alde, hau da, ikasleen %2,6ak. Abstentzioa, orotara, %95ekoa izan zen.
2016ko azaroaren 24 hartan, hauteslekuak ia hutsik zeuden bitartean, ikasleek manifestazio handi batekin Leioako campusa bete zuten, errektoretzako hauteskundeak errefusatzeko. Goiz-goizetik Ertzaintzaren hainbat unitate bertaratu ziren, eta Guardia Zibilak Gasteizko campusetik Leioako manifestaziora zihoazten ikasleen autobusa geratu egin zuen. Mobilizazioan zehar, Ertzaintzak ikasle bat atxilotu zuen, eta horrez geroztik istilu gogorrak hasi ziren campusean.
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]