Negu gorrian kalean lotan, konponbidea eskatu diote etxegabeek Donostiako Udalari
Sei-hamar lagun artean biltzen gauero Donostiako Plaza Berrian arkupeek eskaintzen duten aterpe hotzean tapaki eta kartoiz lagunduta lo egiteko. Duela bi hilabete baino gehiago Udalari eskatutako hitzordua urtarrilaren 24rako eman diete, konponbide baten bila: ohe batean lo egitea baino ez dute eskatzen. Jon Pagolak kontatu du Donostitik atarian.
Etxegabeetako batzuek kazetariari kontatu diote Infernua eraikinean lo egiten zutela, baina pandemiak eraginda kanpoan gelditu zirela. Hotza eta eguraldi zakarra agerikoa den garaiotan, gogorra da kanpoan bai eguna bai gaua pasa behar izatea, baina Udaletik jaso duten erantzuna izan da dena beteta dagoela, “ez dago guretzat lekurik”. Soluzioa aurkitu asmoz eta bestelako erantzun baten bila, Jon Pagolari adierazi diote urtarrilaren 24an direla Udaleko ordezkariekin biltzekoak. Halere, duela bi hilabete baino gehiago eskatutako hitzordua da aste batzuk barru egingo dutena, eta bitartean kalean dira. Gainera, dagoeneko aurreratu diete, ez dituztela guztiak hartuko.
Bitartean, kale gorrian jarraitu behar. Boluntario lana egiten duen dozena bat herritarrek, udalak utzitako hutsunea betetzen dute gauero, eta janaria eramaten diete.
Urteberri Eguna Donostiako Konstituzio Plazan. Bera John da, Nigeriako laguna. Inoiz betetzen ez diren promesen gainetik, eta agintarien hipokrisia agerian utziz, gordin gordin azaltzen digu haien errealitatea. Zabaldu mesedez!!! pic.twitter.com/PPsy7D54qe
— Agus (@Agus08414035) January 1, 2021
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.