Negu Gorriak taldea omenduko du Irungo Lakaxitak larunbat honetako Jaion! festan
Irungo Lakaxita gaztetxeak Negu Gorriak taldea omenduko du larunbat honetan ospatuko duen Jaion! festan. Urdanibia plazatik –alegia, Moskutik– abiatuko da festa eta hiria gurutzatuko du “Fight D Power_Kamioi System” kamioi musikalarekin.
Fermin eta Iñigo Muguruzak, Kaki Arkarazok, Mikel Kazalisek eta Mikel Abregok 90eko hamarkadan osatu zuten taldeak leku berezia izango du Lakaxita gaztetxearen urteroko zitan.
Gune autogestionatuak hirian duen lekua aldarrikatzen du jai honen bidez eta jada klasiko bihurtua da Irungo kaleak zeharkatzen dituen kamioi musikala. Okupazio sinboliko bat da, Lakaxitako dinamikak Irun osora zabaltzen dituen ekintza aldarrikatzaile eta jai-girokoa.
“Gerrilla musikal” gisa deskribatu dute Lakaxitako kideek Negu Gorriak: Iruni eta, orokorrean, “tokatu zaigun testuinguru historikoari” kritika soziala egiteko tresna asko eman zituen taldeak, haien esanetan.
Gaztetxea 2005. urtean okupatu zuten; Negu Gorriak berriz, 1990tik 1996ra bitartean aritu zen Euskal Herriko eta nazioarteko eszenatokietan –2001ean hiru kontzertu emateko itzuli ziren, Enrique Rodriguez Galindo Guardia Zibilak jarri zien salaketarengatik izan zuten epaiketa irabazi izana ospatzeko–.
Bi proiektuek ez dute denboran bat egin beraz, baina Lakaxitako kideek uste dute, zeharka bada ere, aizkora gurutzatuen taldeak izan duela eraginik gaztetxean: “Ez baitago horrelakorik lan komunitario erraldoi bat gabe, eta ez dagoelako azken hau masa kritikorik ez badago”.
Larunbateko jaiaren berri emateko prentsara igorri duten oharrean argi adierazi dute: “Negu Gorriak taldeak ekarpen handia egin dio guzti hau aldatu nahi dugun herri sektoreei”.
Hiri gerrillaren dantza honetaz gozatu nahi dutenek apirilaren 21an dute zita: 17:00etan abiatuko da kamioia Moskutik, bafleetatik betortzak erakusten.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]