Espainiako Estatuan desberdintasun sozial esanguratsuak daudela iritzirik, egoera aztertzeko bidaia abiatu du NBEko pobrezian aditu Philip Alstonek. “Informeak irakurtzen dituenak badaki etxebizitza krisia dagoela Espainian”, adierazi du.
Muturreko pobreziari buruzko NBEko kontalari Philip Alstonek urtarrilaren 27an eman dio hasiera Espainiako Estatuan barrena egingo duen birari. Kalteberatasun, desparekotasun eta langabezia maila zein den aztertzeko xedez, hamabi egunez jardungo du bateko eta besteko autonomia-erkidegoetako egoera aztertzen. EAE da Alstonen helmugetako bat.
Bisita egin aurretik azpimarratu zuenez, babesik txikiena duen biztanleriak arazo esanguratsuak pairatzen dituela iradokitzen duten adierazleak daude. Bere hitzetan, “informeak irakurtzen dituenak badaki etxebizitza krisia dagoela Espainian”.
“Espainia Europako bosgarren ekonomia handiena da, baina hala ere, pobrezia maila ikaragarri altuak ditu”, adierazi du, eta horrek zenbait galdera planteatu beharra iradokitzen duela gehitu: zeinentzat izan da onuragarria ekonomia-hazkundea? Eta zein geratu den atzean?
NBEk azaldu duenez, krisiaren ondorioz, 2018tik %2,3 igo da pobrezia edo bazterketa sozial arriskuan dagoen herritarren ehunekoa; egun, 100 pertsonatik 26 daude arrisku egoera horretan. NBEko kontalariak oraindik Suitzan zela egindako adierazpenen arabera, finantza krisitik hamarkada bat baino gehiago igaro den honetan, "Espainiako pobrezia eta desberdintasun adierazle askok krisi aurretik baino maila askoz altuagoak dituzte”.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]