NBEko Batzar Orokorrak gehiengo zabalez agindu dio Israeli okupazioa amaitzeko urtebeteko epean
181 estatu kideetatik 124k babestu dute neurria, eta hamalauk soilik bozkatu dute kontra. Ez da erabaki loteslea, eta ez da espero honen ondorioz Israelek jarrera aldatzerik.
Munduko herrialde gehienek mezua bidali diote Israeli, eta datozen hamabi hilabeteetan Palestinako lurren okupazioa amaitu dezala agindu diote. NBEko Batzar Orokorrean bozkatu da ebazpena irailaren 18an, eta gehiengo zabalak babestu du Palestinaren ordezkaritzak aurkeztutako proposamena.
124 herrialdek eman dute baiezkoa, Espainia eta Frantzia barne, eta hamalau herrialdek soilik bozkatu dute aurka, tartean daude Argentina, Txekia, Hungaria, AEBak eta Israel bera. Alemania, Erresuma Batua edo Italiak abstentziora jo dute, beste 40 herrialderekin batera.
Joan den ostegunean onartutako ebazpena ez da loteslea, eta ez dakar Israel betetzera behartzeko neurririk. Iraganean sionisten genozidioaren edo okupazioaren aurka egondako beste hainbat ebazpenekin gertatu bezala, ez da espero gauza handirik aldatzea. Israelek, AEBen babesa izanda, inpunitatea bermatua du Segurtasun Batzordean, eta badakiela erakutsi izan du maiz, jarri zaizkion marra gorriak gaindituta.
Hala ere, berritasunen bat ekarri du azken ebazpen honek. Lehen aldia da NBEren historian Palestinak proposatzen duena ebazpen bat, Batzar Orokorreko kideek bozkatu dezaten. Estatu begiralea izaten jarraitzen badu ere, eskubide eta ahalmen gehiago jaso zituen Palestinak maiatzean. Palestinako ordezkaritzak “historikotzat” jo du ebazpena onartu izana.
Mendebaldeko herrialde nagusiek ez dute Israel babestu, ez bada abstentzioaren bidez, AEBek izan ezik. Israel isolatua gelditu dela adierazi dute zenbait iturrik, New Yorken hastekoa den NBEren topaketaren aurretik. Irailaren 24an hasita, sei egunez elkartuko dira bertan herrialdeetako agintarien hitzaldiak partekatzeko.
Zer erabaki da?
Ebazpenak agintzen du “Israelek berandutu gabe amaitu dezala Palestinako Lurralde Okupatuetan duen legez kontrako presentzia, nazioartearekin duen erantzukizunaren aurka era jarraituan mantendu duen ekintza bidegabea, hamabi hilabete baino lehenago”.
Israeli agintzen dio nazioarteko legedia bete dezala, eta bere indar militarrak atera ditzala Palestinatik, berehala eten dezala kolonia berriak sortzeko jarduera oro, kolono guztiak ebakuatu ditzala okupatutako lurretatik eta Zisjordania barruan eraikitako harresia eraitsi dezala.
Ebazpenak ere agintzen du Israelek lurra itzuli behar duela, eta baita bestelako jabetzak ere. 1967an okupazioa hasi zenetik lapurtutako ondasun guztiak itzuli behar ditu, palestinarrei eta beren erakundeei lapurtutako ondare kultural guztia barne. Okupazioaren ondorioz lekualdatzera behartutako palestinar guztiei bueltatzen utzi behar diela ere agindu du Batzar Orokorrak, eta erreparazioak egin behar dituztela sionistek okupazioak eragindako kaltea konpontzeko.
Nazioarteko Justizia Auzitegiaren ildoan
NBEko Batzar Orokorrak onartu duen ebazpenak oinarri gisa dauka NJAk uztailean ateratako ebazpena. Bertan ebatzi zuten okupazioa legez kontrakoa zela eta munduko estatu guztiak zeudela behartuta Israeli “okupazioa mantentzeko laguntza ukatzera”. Munduko auzitegi nagusiak adierazi zuen Israel botere gehiegikeria egiten ari dela indar okupatzaile gisa, koloniak eraiki eta handituz, zonaldeko baliabide naturalak erabiliz, lurrak anexionatu eta kontrol iraunkorrak ezarriz eta, finean, Palestinaren autodeterminaziorako eskubidea ukatuz.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.