NBEk seigarren aldiz eman dio arreta Espainiari, haurrak ez babestearren sexu abusuen eta indarkeria matxistaren aurrean
NBEk ardura agertu du, Espainiako Estatuan sexu abusuen harira abiatzen diren prozedura judizialetan aurreiritziei tokia ematen zaielako, beren seme-alabei egindako sexu abusuak salatzen dituzten emakumeen testigantzei beharko luketen garrantzia ematen ez zaielako, eta amen aurka Gurasoen Alienazio Sindromea (GAS) erabiltzen delako. Gai beraren harira, erakundeak seigarrenez eman dio arreta Espainiako Gobernuari.
NBE Nazio Batuen Erakundeak seigarrenez eman dio arreta Espainiari, iritzirik bere sistema judizialak haurrak babesgabe uzten dituela sexu abusuen eta indarkeria matxistaren aurrean. Madrilgo epaitegietara heldutako emakume baten eta haren haurraren kasuaren harira, urtarrilaren 21ean enegarren gutuna helarazi diote Espainiako Gobernuari, NBEko lau errelatorek sinatuta. Idatzian, errelatoreek beren ardura agertu dute, iritzirik haurren sexu abusuen harira Espainiako Estatuan abiatzen diren prozedura judizialetan aurreiritziei tokia ematen zaiela, beren seme-alabei egindako sexu abusuak salatzen dituzten emakumeen testigantzei beharko luketen garrantzia ematen ez zaiela, eta amen aurka Gurasoen Alienazio Sindromea (GAS) erabiltzen dela –oinarri zientifikorik ez duena eta Espainiako Botere Judizialaren Kontseilu Nagusiak ez erabiltzea aholkatzen duena–.
El Saltok jaso duenez, hala dio gutunak: "Diana Garcíaren osotasun fisiko eta psikologikoarekiko dugun kezka sakona adierazi nahi genuke, eta baita Gobernuari arreta eman ere, biktimei urratzen ari zaizkien eskubideak babesten dituzten nazioarteko estandar eta arauak badirela ohartaraziz. Hala nola, osotasun fisiko eta psikologikoa izateko oinarrizko eskubidea, torturatua ez izateko eskubide osoa, osasunerako eskubidea, haurren interes gorena, edota indarkeriarik gabe bizitzeko emakumeen eskubidea".
Diana Garcíak bere aitaren partetik sexu abusuak pairatu zituen bi urte besterik ez zituela, eta haurraren amak indarkeria matxista jasan zuen erasotzaile beraren partetik. 2019ko martxoaren 21ean Madrilgo Emakumeen aurkako Indarkeriaren arloko 3. zenbakidun Epaitegiak urrutze-agindua ezarri zion gizonari, bikotea banantze prozesuan zegoela. Alabaina, 2021eko uztailaren 23an, dibortzio sententziarekin batera, erasoak gauzatutako gizonari eman zioten haurraren zaintza eta jagoletza, eta bisita-araubidea ezarri emakumearentzat. Epai horrek eragin du NBEk seigarrenez Espainiari arreta eman izana.
Diana García haurrarena eta haren amarena ez da kasu isolatua, eta testuinguratu behar da NBEk Espainiako Gobernuari aurretik egindako bost kargu hartzeekin, zeinak seinalatzen duten Espainiako Estatuko justizia sisteman orokortutako joera patriarkalak. NBEren arabera, joerok seinalatzen dute genero aurreiritzi eta estereotipoetan oinarritutako legediaren interpretazioa egiten dela. Iazko abenduan Reel Alsalem NBEko Errelatore Bereziak jakinarazi zuenez, haurren zaintza eskubidearekin eta emakumeenganako diskriminazioarekin loturan, Espainiako Estatuan egoki bideratu ez diren 30 kasu baino gehiagoren berri izan dute. Besteren artean, tartean legoke Irune Costumero bizkaitarrarena.
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]
El Paísek 24 testigantza jaso ditu idazle eta elizgizon legorretarrak egindako sexu-abusuak berresten dituztenak. Erasoak 8-9 urtetik 17 urtera bitarteko adin txikikoei egin zizkien. 1990. hamarkadan erasoez jakitun ziren Ezkiagaren lankideak, baina zituzten ekintzak... [+]