Interneteko espioitza giza eskubideen urraketatzat jo du NBEren ebazpen batek
NBEko Giza Eskubideen Batzordeak adierazi duenez, "inork ezin du esku-hartze ilegal edo arbitrariorik jasan bere bizitza pribatuan, ezta familian edo Interneteko zein sareaz kanpoko hartu-emanetan ere". Alemaniak eta Brasilek bultzatu dute testua, AEBek egindako espioitza masiboen harira.
nadie debe ser objeto de injerencias arbitrarias o ilegales en su vida privada, su familia, su domicilio o su correspondencia",
Alemania eta Brasilek eginiko proposamenak gainerako herrialdeen babesa jaso du eta 2013ko abenduan jarriko da martxan. Bertan biltzen diren arauak ez dira derrigorrez bete beharko baina pisu politikoa izanen dute.
Ebazpenak lehen aldiz zehazten du gobernuek eta enpresek egindako zaintza eta datu trukaketak “giza eskubideak urratzen dituztela”.
Horrez gain, eremu digitalean ere giza eskubideak babestu behar direla jasotzen du agiriak. Bestalde, agerian uzten du espioitzak eskala masiboan egiteak "eragin negatiboak” dakartzala.
AEBetako Brasilgo enbaxadore Antonio de Aguiar Patriotak adierazi duenez, “akordioak lehen aldiz jasotzen du giza eskubideak eremu guztietan gailendu behar direla eta, beraz, sarean eta saretik kanpo babestuak egon behar dute”.
Peter Wittig, Nazio Batuen Alemaniako ordezkariak honako galderak mahai-gaineratu ditu erresoluzio bileran: “Bizi pribaturako eta intimitaterako giza eskubideak babestuta al daude aro digitalean? Teknologiak guztia ahalbidetzen badu posible ote da muga horiek errespetatzea?”
Brasil eta Alemaniak azaro hasieran aurkeztu zuten NBEko Batzar Nagusian nazioartean sareko pribatutasuna babesteko proiektua. Dokumentuak mundu mailako espioitza elektronikoaren amaiera eta Interneteko askatasunaren hedapena eskatzen zituen, besteak beste.
AEBtako Inteligentzia Agentzien espioitza kasuen eskandaluaren erdian etorri da erabakia, mundu osoko herritarrek eta Angela Merkel edo Dilma Rousseff bezalako agintariek zaintzak jasan dituztela jakin ostean.
Edward Snowden AEBetako Inteligentzia NSA segurtasun agentziako langile ohiak ezagutarazi zituen Washingtonek mundu mailako 35 lider zelatatu zituela gutxienez. Eta norbanako eta enpresak espiatu dituztela.
AEBetako Segurtasun Agentzia Nazionalaren (NSA) espioitza programak azaleratu ostean, Edward Snowdenek Hong Kongeko familia batzuengan bilatu zuen babesa. Familia horiek gobernuak deportatzeko arriskuan daude orain.
AEBetako epaitegi federal batek asteazken honetan NSAko agente ohi bat salatu du, ustez herrialdeko defentsa-alorreko informazioa lapurtu duelakoan.
AEBetako NSA Segurtasun Agentziak Dilma Rousseff Brasilgo presidenteari eta bere gobernuko kideen beste 29 telefonotan egindako entzuketen berri eman du Wikileaksek, joan den larunbatean filtratutako dokumentuan.
Jacques Chirac, Nicolas Sarkozy eta François Hollande zelatapean. AEBetako inteligentzia zerbitzuek Frantziako azken hiru presidenteak zelatatu dituzte Wikileaksek lortu eta Libération eta Mediapart hedabideek asteazkenean argitaratutako informazioaren arabera.
Telefono konpainia britainiarrak onartu du bere sareak eta gainontzeko konpainienak ezkutuko mekanismoak dituztela, agentzia sekretuek sarean gauzatzen diren elkarrizketak entzun ahal izateko.
The Guardian eta The Washington Post egunkariei eman diete Informazio publikoa Pulitzer sari nagusia, AEBetako espioitza masiboei buruz argitaratu duten informazioagatik. Edward Snowden, CIAko analista ohiak emandako dokumentuei emandako trataeragatik saritu dituzte.
“Obama lehendakariak atzerrira bidaiatzen duenean, bere kolaboratzaileak arduratzen dira maletan liburu labur batzuk sartzeaz, baita atzerriko liderrentzat opariak ere; eta diplomaziarekin baino akanpadarekin harreman handiagoa duen zerbait: kanpin denda bat”.
AEBtako Inteligentzia Agentziak (NSA) mundu osoko 100.000 ordenagailuri eraginen dien softwarea ezarri du, The New York Times egunkariak argitaratu duenez.
Alan Rusbridger The Guardian egunkariko editoreak gaur argitaratu duenez, Erresuma Batuko Gobernuak eskatu zion Snowden aferarekin lotutako datuak suntsitzeko.
Edward Snowden CIAko langile ohiari urtebeterako babesa eman dio Errusiak. Hilabete zeraman Moskuko aireportuko iragaite-gunean, babes eskaera onartu zain. AEBetako Gobernuak, sekretuak azaleratzeagatik Snowden jazartzen ari da, eta erabakiaren ostean adierazi du... [+]
Edward Snowden, AEBetako NSA agentziaren espioitza kasuak filtratu dituen CIAko langile ohiak Errusian babesa eskatu du herrialde horretako migrazio alorreko agintariek baieztatu dutenez.
Edward Snowden, AEBetako NSA agentziaren eta Britania Handiaren espioitza kasuak filtratu dituen CIAko langile ohia, herritarren gaineko kontrolaz eta aurre egiteko moduez mintzo da Dier Spiegelek plazaratutako elkarrizketan.