NBEk arrazoia eman dio Donostiako ospitalean indarkeria obstetrikoa jasan zuen emakume bati
Emakumea erditzera behartu zuten zesarea bidez, protokoloak adierazten dituen 24 orduak itxaron gabe. Ebakuntza bitartean besoak lotuak izan zituen eta haurra jaiotzean zuzenean pediatrarengana eraman zuten.
Emakumea 38 asteko haurdunaldia zeukala iritsi zen Donostiako ospitalera 2012an, urak egin zituelako. Medikuek ordea ez zioten 24 orduz itxaroteko protokoloari kasurik egin eta zesarea bat egin zioten umea ateratzeko. Ume goiztiarra izan zen eta emakumearen baimenik gabe egin zuten ebakuntza. Nazio Batuen Erakundeak orain arrazoia eman dio emakumeari eta salatu du emakumeak indarkeria obstetrikoa —haurdun dauden emakumeek osasun profesionalengandik jasaten duten indarkeria— jasan zuela.
N.A.E-k, lehenik, lehen arretako medikuarengana jo zuen, antsietate sintomak zituela-eta. Bertan “erditze osteko estres nahasmendua” diagnostikatu zioten. NBEk salatu duenez Espainiako justiziarengana jo zuen, baina medikuak zuela azken hitza esan zioten eta biktimak salatutako kalte psikologikoa “pertzepzio kontua” zela. Hiroko Akizukik, NBEren Emakumearen Diskriminazioa Deuseztatze Batzordeko kideak, adierazi du “medikuek eta erizainek aplikatu beharreko estandar eta protokolo guztiak bete izan balituzte, zitekeena da biktima modu naturalean erditu izana, fisikoki eta mentalki traumatizatu zuen prozedura hartatik igaro beharrik gabe”.
NBEren ebazpena
Indarkeria obstetrikoa “fenomeno orokortua, sistematikoa eta osasun sisteman errotua” dela azpimarratu du Nazio Batuen Erakundeko batzordeak. 23 adituk osatzen dute, horietako 22 emakumeak dira eta Gladys Acosta du buru.
Batzordeak Espainiako Estatuari eskatu dio biktimari “osasun fisiko eta psikologikoan izandako kalteengatik ordain aproposa” ematea eta emakumeen “autonomia eta ahalmena” errespetatzea, erditze prozesuaren inguruko informazio osoa eskainiz. Erditzean tratamendu inbaditzaileak aplikatu baino lehen haurdun dagoen pertsonarengandik baimen librea, aurretikoa eta informatua jasotzea beharrezkoa dela azpimarratu du baita ere.
NBEk adierazi du estatuko agintariek prestakuntza profesionala eman behar dietela osasungintzan haurdun dauden emakumeekin lan egiten dutenei, emakumearen ugalketa-osasunaren eskubideen arloan. Eta, bestalde, antzeko trebakuntza espezializatua ere eman behar dietela langile judizialei eta legea betetzeaz arduratzen direnei.
Maiatzaren 28an hartuko dute neurria ofizialki. 1967 aurretiko mugak aitortu dizkiote Palestinari, eta bi estatuen konponbidearen alde lerratu dira. Israelek esan du erabakiak terrorismoa saritzen duela.
34.500 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.
Hegoafrikaren izenean, sei abokatu aritu dira elkarren artean ongi harilkaturiko alegatua osatzen urtarrilaren 11ko goizean, Nazioarteko Justizia Auzitegian, Israelek Gazan buruturiko erasoek genozidio izaera dutela frogatu nahian. Gazako sarraskiari buruzko datu anitz, zenbait... [+]
Bi hilabeteko erasoetan ia 20.000 palestinar hil ondoren, Israel ez dago Gazako erasoan amore emateko prest eta Zisjordania ere gero eta gogorrago kolpatzen ari da. Israeli egindako su-eten eskaerak gero eta gehiago dira, baina AEBek esan dute Israelek behar duen denbora hartuko... [+]
Energia Nuklearra Hirukoizteko Adierazpenak "energia nuklearraren funtsezko papera" aldarrikatzen du kutsadurari eta tenperatura igoerari aurre egiteko. Sinatzaileen artean daude Ameriketako Estatu Batuak, Kanada, Arabiar Emirerri Batuak, Maroko, Suedia edo Frantzia... [+]
Palestina, orain. Nazioarteko komunitatea deitzen dugun hori zer den ez dakigu. Agintariek, agindu eta izugarrikeriak egin. Eta nork ekidin halakorik. Zer balio dute hitz, arau, eskubide, arrazoi, zuzenbide eta gizatasun bezalako oinarrizko kontzeptuek horien aurrean, horien... [+]
Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).
2015ean Nazio Batuen Erakundeak (NBEk) Agenda 2030 programa jarri zuen abian, eta iragan irailean hura nola ari den betetzen aztertu zuten mundu mailako agintariek. Antonio Aretxabalak, Antonio Turielek, eta Unai Pascualek bileraren balantzea egin dute Ctxt agerkarian.
Ukrainako gerra egonda ere, Errusia eta Ukrainako Gobernuek hitzartuta zeukaten laboreen esportazioa ahalbidetuko zutela, 2022ko uztailetik. Astelehenean Vladimir Putinek erabaki du ez luzatzea, arrazoituta NBE ez zela betetzen ari adostutakoa.
Uztailaren 7an 500 egun bete dira Errusiak Ukrainaren aurkako gerra hasi zuenetik. NBEk salatu duenaren arabera, Ukrainako 9.000 zibil hil dira ordutik, horietatik 500 haurrak.
Arma nuklearrak dituzten bederatzi herrialdeek 82.900 milioi dolar gastatu zituzten iaz arma horietan, 2021ean baino %3 gehiago. Arma Nuklearren Indargabetzerako Nazioarteko Kanpainak (ICAN) argitaratutako txosteneko datuak dira. Minutuko 157.000 dolar baino gehiago.