Navarra Sumaren osoko zuzenketak aurrekontuei Foru Legebiltzarraren ezezko betea jaso du
“Elektoralistak” direlakoan, Navarra Sumak 2023rako Nafarroako aurrekontuen proposamenen aurkako osoko zuzenketa aurkeztu zuen, jakinik ibilbiderik ez zuela. Eta ez du izan. Beste behin ere, Javier Esparzaren alderdia bakarrik geratu da legebiltzarraren osoko bilkuran. Alde batetik, gobernuan dauden PSN, Geroa Bai, eta Ahal Dugu alderdiek EH Bildurekin aldez aurretik akordio batera iritsi zirelako eta, bestetik, eskuineko koalizioaren zuzenketak edukirik ez duela argudiatu dutelako gainerako parlamentariek.
“Navarra Sumak ezetz baino ez daki esaten, baita mahai baten inguruan negoziatzen hasi baino lehen ere”, leporatu dio Elma Saiz Foru Gobernuko Ekonomia eta Ogasun kontseilariak. María Jesús Valdemoros oposizioko alderdi liderraren bozeramaileak erantzun dio hori “gezurra” dela, izan ere “ganberaren proposamenen %40an alde” bozkatu dute eta %30ean abstenitu dira; izan duten baldintza bakarra “gobernua Bildurekin ez esertzea” izan da. “Bildurekin ituna egin dute, nahi dutelako, errua guk izatea besterik ez da falta”, kritikatu du Valdemorosek.
Dena den, Navarra Sumari aurrekontuak “baikorregiak” iruditzen zaizkiola adierazi du: “Aurrekontuak gobernua sostengatzen duten alderdien batura islatzeko tresna izan dira, baina zer dute erkidego honentzako etorkizuneko eta ongizateko proiekturik?”.
Ramón Alzorriz PSNko bozeramaileak gogorarazi dio Valdemorosi Navarra Suma “ez zela joan ere egin gobernuak aurrekontuen inguruko akordio amankomunak bilatzeko deitu zuen bilerara”. “Herritarrek ez dute betorik onartzen, konponbideak nahi dituzte”. Uxue Barkos Geroa Baiko alderdiburuak gehitu du “proposamenerako unea osoko zuzenketa aurkeztu baino askoz lehenagokoa” dela, eta elkarrizketarako gune horretan Navarra Suma aurten ere ez dela egon, “aurrekonturik gabeko Nafarroa nahi duelako”.
Bestalde, Marisa de Simón Izquierda Ezkerrako bozeramaileak esan du “Navarra Sumaren osoko zuzenketak aurtengo aurrekontuen luzapena baino ez dakarrela”, hau da, proposamenik eza.
Asmo gutxikoak, baina sendoak
EH Bilduko Adolfo Araizen ustez “proposamenak eskuina zokoratzen du”, eta De Simón zein Podemoseko Mikel Builekin bat dator neurriei anbizioa falta zaielakoan. Hiruek diote “ez direla” inola ere haien alderdien aurrekontuak, baina positiboki baloratzen dituzte.
Oraindik zehaztu gabeko erreforma fiskala barne hartzen duen akordiotik, “errenta bermatua hobetzea, alokairuen prezioei eustea eta energia enpresa publiko bat sortzea” faltan botatzen dutela adierazi du Builek, “%55 gastu sozialerako bideratuko den arren”.
PSN, Geroa Bai, Izquierda Ezkerra, Ahal Dugu eta EH Bilduren batasuna ikusita, litekeena da 2022a bukatu baino lehen aurrekontuak onartzea. Iazko kontuekin alderatuta, gastua %9,28 igoko litzateke, baina aipatu beharra dago adituen arabera KPIren igoera %9 inguru izango dela urte amaierarako. Beste era batera esanda: diruak aurrekontuaren handitzearen adina balio galduko duela.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
Haurreskolara beharrean, 0-3 urte bitarteko umea zuzenean ikastetxera bidaltzea, Haur eta Lehen Hezkuntza osoa (12 urtera arte) hartzen dituen zentro berera. Hori da Nafarroako Hezkuntza Sailak Burlatako Hilarion Eslava ikastetxean martxan jarriko duen proiektu pilotua eta... [+]
Maite Nosti diputatuak kargua utzi du alderdiarekin izandako desadostasunengatik, eta horrek kide bakar batekin utzi du alderdi faxista, talde mistoan sartzera behartuz.
Astelehenean abiatu da sindikatuak deitutako greba eta apirilaren 6 arte luzatuko da. Lan-gainkarga salatu eta baldintzak hobetzeko eskatu dute, baita mediku egoiliarrei karrera profesionala aitortzea ere.
33/2013 Foru Legeari Xedapen gehigarri bat gehitu zaio datozen aldaketak gauzatu ahal izateko, eta horren bidez ahalbidetzen da “erregimen frankistaren garaipenaren gorespenezkoak gertatzen diren zati sinbolikoak erretiratzea eta kupularen barnealdeko margolanak... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Seme-alabek eskolan dituzten ratioekin kezkatuta, Arartekoari kexa helarazi zion guraso talde batek, eta orain zuzenean Parlamentuari egin diote eskaera, “legez berma dadin gure seme-alaben hezkuntzaren kalitatean oinarrizkoa den neurria, unean uneko aurrekontuez edo... [+]
Nafarroako Gobernuak ofizialki aitortu ditu gure lurraldean giza eskubideen urraketa larriak jasan zituzten Estatuaren indarkeriaren beste zazpi biktima. Horien artean, hitzez hitz “motibazio politikoko biktima gisa” aitortzen ditu Patxi Erdozain, Eneko Compains,... [+]
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Haurrak dituzten familiei egiten diete deia, bereziki. Seme-alabentzat onena nahi dugulako, etorkizunerako aukerak zabaltzea litzateke euskara ematea. "Eleaniztasunaren aldeko hautua egiteko gonbidapena da, euskara ematea batzea delako", esan du Ana Ollo Euskara... [+]
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.