Navarra Sumak Iruñeko haur eskoletako menutik “Hemengoak” programa kenduko du
Iruñeko Udalak 2016an Milango Hitzarmenarekin bat egin ondoren erabaki zen Iruñeko hamar haur eskoletan jasangarritasunean oinarritutako menuen programa berria abiaraztea, Joseba Asironen alkatetza garaian.
Horren ondorioz, 2019an Hemengoak elikagaien programari ekin zioten, eta orain, datorren martxoaren amaieran kendu egingo du Navarra Sumak. Jasangarritasuna eta kalitatea zeuden programa berriaren oinarrian eta honakoak ziren haren ezaugarri nagusiak: elikagaiak izango dira freskoak, tokikoak, urtarokoak eta ekologikoak. Gertuko produkzioan oinarrituta, batetik, bermatzen zen haurrek kalitatezko elikagaiekin haztea, eta bestetik, ekimena onuragarria zen gertuko ekoizle nafarrentzat.
Hasiera batean 950 menu eskaintzen ziren hamar zentrotan, baina aurten 1.350 menu ematen dira Lezkairu eta Mendebalde auzoetako haur eskolak programan ekin ondoren. Elikagaien horniketarako hamabi lote osatu ziren, hamaika Nafarroakoak eta hamabigarrena arrainena, beti ere arrain freskoan oinarrituta dagoena.
Haur Eskoletako Talde Autonomoen Batzordean Navarra Sumak adierazi zuenez, jakiak hamabi lotetan banatzeak, batetik, zaildu egiten du elikagaien kudeaketa, eta bestetik, garraioa garestitzen du. Adierazi dutenez, jakien banaketa hornitzaile bakarrarekin egiten bada, garraio gastuak asko murrizten dira, eta hori da aurrera begira planteatuko duena, Iruñeko haur eskoletako menuak hornitzaile bakarra izatea. Navarra Sumak gomendatu die ekoizleei, zerbitzuarekin jarraitu nahi izatekotan, Enpresen Aldi baterako Bateratze bat egin dezatela.
Haur eskoletako komunitatea aurka
Eskoletako talde teknikoek lan handia izan zuten programan martxan jartzeko, baina eskola komunitate osan oso ongi hartu zen, eskoletatik azpimarratzen zene, egoera aproposa baitzen aldaketa globaleko eredu bat sustatzeko, eta pedagogia, elikadura, ekoizpena eta jasangarritasuna proiektu bakarrean lotzeko.
Ondorioz, orain eskola komunitateak oso gaizki hartu du Nabarra Sumaren erabakia eta iragarri dute eginahalak egingo dituztela Hemengoak jarraitu dezan. Haur Eskoletako 239 hezitzaileetatik 219k sinatu dute testu bat eskatuz Iruñeko Udalak menuen programa manten dezan. Hamabi eskoletako zuzendaritza guztiek ere eskaera bera egin dute, eta jantoki zerbitzua erabiltzen duten 952 familietatik 668 familiek (guztietatik %70 dira) gauza bera eskatu dute.
Iruñeko Udaleko haur-eskolak, Nafarroako Nekazaritzako Teknologien eta Azpiegituren Institutua (INTIA), Nafarroako Produkzio Ekologikoaren Kontseilua (NNPEK) eta Menjadors Ecològics elkartea, sukalde ekologikoei laguntza teknikoa ematen diena, aritu dira elkarlanean Hemengoak programa aurrera ateratzeko.
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Lehengai anitzekin papera egitea dute urteroko erronka Tolosako Lanbide Heziketako Paper Eskolako ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka pilatzen den... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]
Araba, Bizkaia eta Gipuzkoako hezkuntza publikoko irakasleek urtarrilean abiaturiko greba zikloaren bigarren kolpea amaitu eta biharamunean deitu du bilera Eusko Jaurlaritzako Hezkuntza Sailak. Begoña Pedrosa sailburuak adierazi du "akordio bat lortzeko nahia"... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]