Natura suntsitzen jarraituz gero pandemia gehiago eta hilgarriagoak emango direla ohartarazi dute zenbait adituk
Pandemiaren erantzule bakarra dago, gizakia. Hori dio Josef Settele, Sandra Díaz eta Eduardo Brondiziok kaleratutako txostenak. Gizateria arriskuan dagoela adierazi dute, Lurraren ekosistemen galera eragitearren.
Gizakien gaixotasunen %70ak animali-jatorria du, gaur egungo krisiak bezala. Gaixotasun horiek aurretik harremanik izan gabeko bi espezie harremanetan jartzearen ondorioz sortzen dira. Horri hirigintzaren inbasioa eta aire trafiko izugarria batu zaizkionean, “kaltegabeko birus asiar bat mundu mailan giza-sufrimendu sinesgaitz eta krisi ekonomiko izugarri bat” eragin du.
Hala ere, COVID-19a hasiera besterik ez dela adierazi dute: “Etorkizunean litekeena da pandemiak sarriago agertzea, bizkorrago zabaltzea, ekonomian kalte handiagoak eragitea eta jende gehiago hiltzea, gaur hartzen ditugun erabakiek izan dezaketen eraginak kalkulatzen ez baditugu”.
Gerta daitekeen errealitatea dela argi utzi nahi izan dute, eta orain erreakzionatzea ezinbestekoa dela etorkizuneko pandemiak ekiditeko. “Ekonomikoki egokia izan daiteke zenbait neurri ekologiko leuntzea, baina hori egiteak etorkizunean pandemia berriak sortzeko aukerak areagotzen ditu”.
Osasun bakarra
Osasun bakarraren kontzeptua ulertu behar dela adierazi du Peter Daszak doktoreak. Gizakien osasunak harreman zuzena du naturaren osasunarekin, eta beraz, osasun bakarra bezala ulertu behar da. Hori horrela, neurriak hartu behar dira natura errespetatzeko, horrek gizakien osasunaren alde egitea esan nahi baitu. “Ez da altruismo hutsa, guztion osasunerako funtsezko inbertsio bat da, etorkizuneko pandemiak ekiditeko”.
Daszakek jakin badaki ekosistema zaintzeko programak garestiak izan daitezkeela gobernuentzako; “Programa horiek hamarnaka bilioi dolar balioko dute. Baina pandemia bat jasaten baduzu, mendean behin bada ere, hori trilioika dolar kostatzen da. Beraz, inbertsioak eginda ere emaitza ona aterako zaizu”.
Lehengora bueltarik ez
Geroz eta gehiago dira pandemiaren osteko errealitateak aurrekoarekin zerikusirik izan behar ez duela dioten ahotsak. Nazio Batuen Erakundeko idazkari orokor Antonio Guterresek ere “hobeto berreraikitzeko” deia egin du, jasangarritasuna oinarri duten gizarteak eraikitzeko.
Positibismotik jo dute askok, eta orain egoerari buelta emateko aukera dagoela adierazi dute. Settele, Díaz eta Brondizio, txostenaren hiru idazleek, etorkizunean krisi berriak sortzea ekiditeko aukera dagoela adierazi dute, aipatutako neurriak hartuz gero.
La normalidad era el problema. pic.twitter.com/i0ASDed80l
— cristian leporati (@cleporati) March 16, 2020
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.
EAEko Lehen Hezkuntzako haurrei gainontzeko pertsona guztiei onartzen zaizkien eskubideak onartzea, horixe da Haurrak Ere Bai sarearen eskaria.
Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.
EAEko LABI ospetsuaren azken saioaren bezperan hartu gaitu, EHUn dituen bulegoetako batean. Legelaria eta Administrazio Zuzenbideko irakaslea da Iñigo Urrutia Libarona (Jatabe, Bizkaia, 1966). Gaur egun unibertsitateko Aldezlea ere bada, hots, bertako kideen babeslea... [+]
Normaltasuna berreskuratzen hasteko eta unean uneko osasun egoerari erreparatuz neguko jaiak antolatzeko prestaketa lanetan ari direla aurreratu du Eneko Goia Donostiako alkateak.
Maria Txibite lehendakariak koronabirusaren aurkako neurri murriztaileen amaiera iragarri zuen asteartean. Horrek hainbat galdera, zalantza sortu ditu herritarren artean. Horiei erantzuten ahalegindu gara.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Asteazken goizean bildu da ostera ere Labiren Aholku Batzordea, eta bileraren ostean mintzatu da Iñigo Urkullu EAEko Lehendakaria. Asteartean Gobernu kontseiluan onartutako Bizi Berri IV Plana ere aurkeztu du, eta gizarteari babeserako oinarrizko neurriak berriro ere... [+]
Araba, Bizkaia eta Gipuzkoako biztanleek lor dezakete jada Europako Covid ziurtagiria, telematikoki baina izenpe digitalaren prozedurarik gabe. Izenpe digitalarekin nola egin zitekeen (Nafarroan ere) hemen kontatu genuen; orain azalpen gehigarri bat.
LABIren azken bileraren ostean eman du berria Iñigo Urkullu lehendakariak. Joan den urteko urritik daude itxita EAEko elkarte gastronomikoak, eta larunbatetik aurrera berriz ere zabaldu ahal izango dira. Nafarroan maiatzean eman zuten zabaltzeko baimena. Horrez gain,... [+]
Hortxetan dugu uda, eta harekin, urtaro honi lotu ohi ditugun oporrak, urte osoan eman guztiaren ordaina balira bezala. Eta berriro ere jendeak joan nahi du… urrun. Munduaren beste puntako itsas-bazter, naturako mirari edota diskoteka ospetsuan egon nahi du, 2020-2021... [+]