NATOren eta EBren aurkako manifestazio nazionalera deitu dute
“NATO buru duen azken ofentsiba inperialistari aurre egiteko eta Euskal Herri antiinperialistaren aktibazioa aldarrikatzeko” antolatu dute deialdia Askapenak, NATOren eta Europako Batasunaren Aurkako Herri Plataformak eta Bardea Orain taldeek. Martxoaren 11n egingo dute, Bilbon, NATO eta EB ez, Euskal Herria antiinperialista! lelopean.
“Egungo testuinguruak urgentziaz eskatzen du Euskal Herri antiinperialista eta internazionalista baten aldarria”, hasi dute azalpena talde deitzaileen ordezkariek Bilbon eginiko prentsaurrekoan. Manifestazioa bide horretan “lehen pausotzat” dutela zehaztu dute. .
Krisi kapitalista garaian gaudela onartu dute deitzaileek, baina zehaztu dute ez dela koiunturala, “burgesiak” horrela azaltzen badu ere. Batetik, krisia “kapitalismoaren ezaugarri bat” delako. Bestetik, sakoneko arrazoi geopolitikoa daudela irizten diotelako: “Estatu Batuen hegemonia ekonomiko, politiko eta militarra aldatzen ari den unean gaude. Txina eta, neurri txikiagoan, Errusia beren eragin ekonomiko eta politikoa areagotzen ari dira munduan, eta horregatik ari dira potentzia atlantistak ofentsiba Ekialderantz garatzen, hain zuzen ere, beren kontrolari eusteko. Testuinguru honetan kokatu behar ditugu inperialismo atlantistaren nahiz bere erakunde kriminal NATOren eta, nola ez, Europar Batasunaren mugimenduak”.
NATO munduan eta Euskal Herrian
NATO “burgesiaren armada” dela ziurtatu dute manifestazioaren deitzaileek, eta bere jardunaren emaitzak ez direla soilik militarrak: “Langile klasearen gainesplotazioa eta prekarizazioa; lan eskubideetan aldaketak, klase borrokaren bitartez irabazitako kontzesio materialak kentzeko”. Horren adibide gisa jarri dituzte Espainiako Estatuko “alderdi sozialdemokrata guztiek onartutako” aurtengo aurrekontuak: “Herri langileen baldintza materialak okertzea babesten dute, NATOren mesedetara”.
NATOk Euskal Herrian zer eragin izan duen eta duen aletu dute eragileetako ordezkariek: Bardeako poligono militarra, Gasteizko Arakan egin ziren ariketa militarrak, gastu militar publikoa, Santurtziko portuaren erabilera gerretara armak bidaltzeko... “Eta ezin dugu inolaz ere ahaztu NATOk bere garaian emandako babes logistikoa, Euskal Herriaren askapen borrokaren kontra diseinatutako estrategian”.
Martxoaren 11n, Bilbon
Herritarren aurka hartzen diren neurri ekonomiko zein errepresiboei eta “inperialismoaren azken ofentsibari” aurre egiteko, “burgesiaren aparatu politiko guztiak suntsitzea” ezinbestekotzat jo dute prentsaurrekoan: Frantziako eta Espainiako estatuak, NATO, eta Europar Batasuna. Helburu horrekin dei egin diete euskal herritarrei inperialismoaren aurka aktibatu eta Bilboko manifestazioan parte hartzera.
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.
Moskuk erakutsi du bere disuasio ahalmena areagotu dezakeela arma nuklearrik erabili gabe eta modu horretan bere arerioen gorakadari erantzun diezaiokeela. Bide batez, errusiar erruletan jokatzen ari diren europar erakundeetan arrakalak zabaltzen ditu.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.