Ñarro eta kurduak Bidarrain Baigorriko etorkinen bestan
Bidarraitarrek antolatu dute duela guti arratsalde eta arrats bat Baigorrin zauden etorkin iheslarien alde. Pilota partida, kantaldi, afari, elkarrizketa eta elkar ezagutza, biziki memento goxo bat pasarazi dute bai etorkiner eta bai herritarrer. Arratsean kantaldi bat bazuten paratua, eta kantuen artetik etorkinen lekukotasun zonbeiten entzuteko parada izan dugu, Jackie Aguerre-en itzulpen lanari esker.
Munduko zoko guzietarik jinak dira azken denbora hotan Baigorrin aterbe aurkitu duten gazte horiek: Afganistan, Siria, Eritrea, Sudan, Iran eta Irakeko kurduak... Labur bada labur, beren balentriak dauzkute kondatu globalizazioaren madarikatuek.
Bakotxa bere ixtorioarekin. Egea itsasoan lagunak itotzen ikusi dituenarena. Iranetik azken hamasei urte hotan joan denarena, geroztik Europan herriz-herri erromes dabilana, berak daki nola. Hameka erresuma trebesatu dituenarena, artetik Bulgariako poliziak dirua, paperrak eta telefona –premiazko tresna ibiltarientzat– hartu diozkalarik. Munduaren erdia oinez, untziz, kamionez, otoz, treinez, gordexka kurritu duenarena. Eta gu zainen gainetan jartzen Maignon-en oto lerroak badirelarik.
Gauza bat da arratseko zortzi orenetako berrietan etorkinen lekukotasun buztan batzuen ikustea futbola, meteoa eta Le Pen eta Sarkozy-ren komentario delikatuen artetik. Bertze gauza bat parez-pare gazte horien entzutea, artetik Euskal Herria hameka aldiz eskertuz bere ongi-etorriarentzat. Hor zen Euskal Herriaren poxia, hobeki erraiteko. Bertze ikuspegi bat emaiten du. Beti ere, hain ziren kontent behingoan untsa hartuak izaiteaz nun dantzan ere hasi diren gure fandango eta jauzien urratsean. Soinua unibertsala da. Alabainan, gazte horietarik zonbeit doi bat berotu ziren eta kantaldiaren undarra holako kaos sinpatiko bat bihurtu zen, rap kurdoafgano baten ritmoan.
Artetik entzun ditugu Bidarraitarraren kantuak, 1819an Ñarro herritarrak paratuak:
“Omore ona nuien
hauien kantatzian
Gazte’ta alegera,
trankil bihotzian
Ontasuna franko
badut intresian
Deusik ez etxian
Orain bezain aberats
nintzan sortzian”.
Gure rapero kurduak ere hortan ziren Bidarraiko plazan arrats hartan. Pobre eta alegera, eta gerokoa gero.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.