UMPko ‘Zorro’k hartu gaitu laborariok: dena su, bainan elkor eta itsu
Confederation Paysanne sindikatuko kideei hitzordua jarria zien Pariseko egoitzan Frantziako politikari handiak. Tartean izan da Mikel Hiribarren, ELBko ordezkari konfederazioan idazkari nagusi dena. Hona kronika.
Debrintxoa! Beranta ginuen hitzorduan, Vaugirard Parisko karrika ospetsuaren hamargarren estaiarat heldu ginenean. Hortxak ahoan zagon gizona gure beha. Bostekoa luzatu diogu eta jarri gira mahain borobilean. Hiru ginen sindikataren ordezkari, UMPko lehendakariaren gomitari ihardetsi ginionak.
Hiru gizon bazituen berekin mahain inguruan. Europako aferetaz arduratzen den eskuineko Dantin deputatua baizik ez ginuen ezagutzen. Berdin munta du nor ziren besteak, nehoiz ez dugu haien bozik entzunen, hitzik ez baitiote utziko nagusiak.
“Beranta duzue. Ez duzue estakururik. Gomitatu zaituztet, entzun nahi zaituztegu. Mintza” horrela hasi da bilkura, idor idorra. Nor nundik heldu ginen erranik, agertu ditugu aipatu nahi ginituzkeen gaiak. Pasoan utzi gaitu. Segitu du beraz gure bozeramaileak behi esne koten desagertzea eta neurri orokorren behar gorria adieraziz. Bost ahopaldi ez zituen eginak, jauzi zaio gizona punpean jakinerazteko harek ere bazuela proposamena Europako laborantzaren norabidea hobeki bideratzeko, oroitaraziz berak zuela ardietsia PAC xuxenagoa, eta oraiko botere gizonek dena pikutara joaterat uzten ari zutela...
Beste orduz, gomitatzen zaituztenean beti badute jaun ala andere horiek ongi etorri hitz borobil bat, eta gero erraiten dautzute zergatik nahi zintuzten ikusi. Egungoak mokor hartu gaitu, eta uste izan dugu ordu betez solas eman beharko giniola. Ez baita nekeagorik parrekoa entzule ixil egoten denekoa baizik.
Kontrarioa da gertatu. Sar balakio! Solasean abiatu denetik, ez da sekulan gelditu. Denak badazki, denak eginak ditu, Europa eta mundua bere meneko dauzka bere hitzetan, hemen Lula eta han Obama, badaki nola jokatu behar den, orain boterean direnak alabainan ezdeus hutsak dira... Ez zaitu ordea entzuten!
Laborantza ginuen hain segur solasgai, aipatu dugu noizbehinka, tartea kausitzen ginuen aldi bakotx, eta oldar berria ematen ginion Zorro-z jauntzirik ager zadin bere solasean!
Gizon hau itxuraz zinez tiran bizi da, berea du gogoan, mundua du begi mugan. Ez du irrino edo arraileria izpirik, are gutiago bere jakitatean dudarik, bizkitartean adimenduaren seinale argiak izaten dira. Nicolas Sarkozy ginuen solaskide.
[Titulua eta sarrera ARGIAk egokituak dira, irakurleari ulertzea errazteko. ELB sindikatuaren Laborari astekariak "Dena su, bainan elkor eta itsu!" tituluarekin argitaratu du]
Ez da ezusteko handirik izan Europako hauteskundeetan, eskuin muturrak gora egin duen bitartean, berdeek orain arteko emaitzarik txarrenetakoak izan dituzte. Zentzu horretan, geroz eta gehiago nabarituko dugu trantsizio ekosozialari lotutako erabakietan ebidentzia zientifikoek... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Esnatze horretan hainbat kausa elkartzen dira, eta lurraldean sakabanatuta dauden herrien erresistentzia-ahalmenak bete-betean erantzuten die. Joan den larunbatean, aldarrikapen horien inguruan manifestazio jendetsua egin zen Gasteizen. Kalean frogatu zen berriro posible dela... [+]
Euskal Herriko Laborantza Ganbarako koordinatzailea mintzatu da Egonarria saioan. Laborantzako eredu talkaz hitz egitean eta traktoreak kalera atera direnean, beti aipatzen da ditxosozko erderazko "PAC"-a, hau da, Europako Nekazaritza Politika Bateratua. Europako... [+]
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]
"Isiltasuna oztopo eta elkartasuna lagun, egungo mundu gordina" kontatzeko erronkari lotu da Axut! antzerki konpainia.
Frantsesenia lizeoa, 70 urtez Ipar Euskal Herria barnealdeko laborarien formatzen.
Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]