Nagusien Etxea eraistearen aurkako protestek jarraitzen dute Getxon
Otsailaren 13an hasi zituzten Getxoko Itzulbaltzeta auzoko Ibar Nagusien Etxea eta Gaztetxea izandako eraikina eraisteko lanak. Biharamunean protesta egitera hurbildu ziren eraistearen aurkako herritarrak, eta ordutik protestek ez dute etenik izan. Asteartean, eraikina erdi eraitsirik, berriz oldartu zaie Ertzaintza protestan zirenei eta pertsona bat atxilotu dute. Eraistearen aurkako plataformak helegitea jarri du Espainiako Auzitegi Gorenean, baina Getxoko Udalak eta Bizkaiko Foru Aldundiak aurrera egin dute eraistearekin.
Astelehenean hasi zuten Getxoko Lope de Vega kaleko 12. zenbakiaren eraistea, eta dagoeneko eraikinaren zati bat obra-hondakin bilakatua badago ere, aurka dauden herritarrek ez dute amorerik eman. Astearte goizean berriz bertaratu dira hainbat pertsona protesta egitera, eta Ertzaintza beste behin oldartu zaie: bertatik bertara gertakarien berri ematen ari den Hirukak jakinarazi duenez jendea identifikatzen aritu dira "modu oldarkorrean", eta identifikatuen artean dago hedabideko kazetari bat; Naiz-ek grabatu duen bideo batean, aldiz, polizia agente bat ikus daiteke adineko pertsona bati bultzaka eta borra-kolpea ematen. Protestan ari zirenetako bat atxilotu egin dute, eta bigarren bat atxiki badute ere, identifikatu eta aske utzi dute. Isuna helaraziko diotela jakinarazi diote, Hirukak emandako informazioaren arabera.
Otsailaren 13an hasi zituzten eraiste lanak, eraikina barrutik husten hastearekin batera. Eraikina botatzeko prozedura martxan zegoela oharturik, astearte goizean eraistearen aurka protesta egitera hurbildu ziren hainbat auzokide, eta eguna amaitu orduko hamarretik gora zauritu eta atxilotu bat zenbatu zituzten. Ordutik protestek ez dute etenik izan, eta Polizia herritarrei oldartu zaien laugarren eguna da. Eraikina guztiz bota arte protestan jarraitzeko asmoa agertu dute auzokideek.
Helegitea jarrita egin arren, eraistearekin aurrera
Getxoko Udalak otsailaren 7an pasa zion Lope de Vega kaleko eraikinaren eskumena Bizkaiko Foru Aldundiari, eta asmoa da Belaunaldien Arteko Zentroa eraikitzea iraganean Ibar Nagusien Etxea eta Gaztetxea izandako eraikinaren tokian. Ibar Nagusien Etxeko kideek urteetako borroka eraman dute aurrera eraikina mantentzeko helburuarekin, eta borroka horretan bide judiziala ere hartu dute. Abuztuan lortu zuten Bizkaiko epaitegiak eraiste lanak gelditzeko agindua ematea, baina urtarrilean indarrik gabe utzi zuen agindu hori Euskal Autonomia Erkidegoko Justizia Auzitegi Nagusiaren ebazpenak. EAEko auzitegietako bidea agortuta, Espainiako Auzitegi Gorenera jo du orain eraikina mantentzearen aldeko plataformak.
Paco Rama Ibar Nagusien Etxeko presidenteak Hirukari jakinarazi dionez, Getxoko Udala eta Bizkaiko Foru Aldundia horren jakitun dira, eta halere eraistea martxan jarri dute. "Ez genuen espero hain azkar izatea, legearekiko errespetu gehiago espero genuen", adierazi du.
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Bilbotik abiatu eta Barakaldoko ITP Aero eta Getxoko Sener enpresen paretik pasako da bizikleta martxa, bi enpresa horiek "ekoizpen militarraz arduratzen direlako", antolatzaileen aburuz. Azken aldian ematen ari den armamentu gastuen hazkundea salatzeko protesta izango... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
Espainiako Estatu mailan, behera egin dute bai ezarritako babes-neurriek bai aurkeztutako eskaerek.
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Militante eta ikerlari antiarrazistak abiapuntu argia adierazten du: arrazakeriaren aurka borrokatzea ez da zeregin psikologiko edo diskurtsibo bat, baizik eta egiturak desegiteko premia.
EAEko Auzitegi Nagusiak agindu ostean eskola kirolaren aurkako epaia berehala betetzeko, Gipuzkoako Diputazioak jakinarazi du erabakia "onartu eta errespetatu" egingo duela, helegiterik ez duela aurkeztuko, eta aurrez Espainiako Auzitegi Gorenean jarritako kasazio... [+]
Almidoiarekin egindako plastiko biodegradagarrietatik sortutako mikroplastikoek saguen osasuna kaltetzen dutela ikusi dute esperimentu batean. Ikertzaileek ohartarazi dute ezinbestekoa dela bioplastikoen segurtasuna hobeto ikertzea, haien erabilera handitzen jarraitu aurretik,... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]