Nafarroko AHTren lanak “itxi” egin ditu Mugitu! mugimenduak
Ostegun goizean, Mugitu! mugimenduko zenbait kidek Alesbes eta Azkoien arteko AHTren obrak "itxi" dituzte, OHL enpresaren eta azpikontraten makinak eta azpiegiturak zigilatuz.
AIREF (Erantzukizun Fiskaleko Agintaritza Independentea) erakundearen organo exekutiboaren papera irudikatuz sinbolikoki Abiadura Handiko Trenaren obrak "itxi" dituzte. Horretarako, Duela egun gutxi AIREF-ek argitaratutako azterlan bat gogoan izan dute ekimena egiteko. Azterlan horretan, Espainiako Gobernuari gomendatzen diete eraikitzeko dauden AHTren zatien eraikuntza ezbaian jartzea.
Horregatik ekimena kilometro bateko luzera duen Martzillako bidezubiaren obra-eremuan egin dute. Aragoi ibaiaren gaineko ingurune hori legez babestuta dago interes ekologiko handiko lekua duelako. Eta hala, AHTren kontrako kideek obrak ixteko eta zigilatzeko agindua eman dute bertan. Ondoren, zubiaren euskarriak ainguratzeko lanak egiten ari diren zulagailuak zigilatu dituzte, baita hainbat makina eta kamioi ere. Kamioien zirkulazioa ere geldiarazi dute, eta zigilatu. Paneletan, seinaleetan, makinerian eta bestelako azpiegituretan itsasgarriak jarri dituzte, lanen itxiera adierazteko.
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]