Nafarroan despopulatze egoeran dauden 142 udalentzeko dirulaguntzak eskainiko dituzte
Nafarroako Gobernuak 500.000 euro bideratuko ditu despopulazioari aurre egiteko dirulaguntzetara. Herriek finantzatu nahi dituzten proiektuak aurkezteko epea uztailean zehar zabalduko da.
Nafarroako Lurralde Kohesiorako Departamentuak 500.000 euro bideratuko ditu despopulazio egoeran dauden herrientzako dirulaguntzetara. 142 udalek egin dezakete eskaera. Uztailean zehar zabalduko da proiektuak aurkezteko epea, eta planak 2021eko urtarrilaren 1a eta azaroaren 15a artean jarri beharko dira martxan.
Dirulaguntzetako zuzkidura 500.000 eurokoa da guztira. Udal bakoitzak duen despopulazio mailaren arabera jasoko ditu dirulaguntzak: kilometro koadro bakoitzeko zortzi biztanle edo gutxiago dituzten herriek proiektu osoaren kostuaren %80 jaso ahalko dute; kilometro koadroko zortzi eta 12,5 arteko biztanlekoek, %75; 12,5 eta 25 artekoek, %70; kilometro koadroko 25 biztanle baino gehiago dituztenek, baina 1989 eta 2019 artean %15eko populazio dentsitate jaitsiera izan dutenek, %65; eta aurreko baldintzak bete ez, baina 2007 eta 2017 artean, gutxienez, urtero biztanleriaren %1 galdu zuten herriek, %60.
Proiektuek, gehienez, 60.000 euroko laguntza jaso dezakete: 20.000 euro emango zaizkie udal edo makomunitate bakar batek bultzatutako proiektuei, 40.000 euro biren artean aurkeztutako planei eta 60.000 euro hiru udal edo mankomunitatek ezarritakoei.
Udalek hainbat arlori lotutako proiektuak aurkez ditzakete deialdira. Komertzioa eta turismoa bultzatzeko planak, ekintzailetza eta teknologia bultzatzekoak, zerbitzu digitalak ezartzekoak, eta kultura eta landa eremua zein bertako ohiturak sustatzekoak. Kontzientziazio eta sentsibilizazio kanpainak eta zerbitzu sozial gehiago ezartzeko planak ere aurkez daitezke: adin nagusikoei, gazteei, emakumeei, familiei zein bazterketa egoeran dauden kolektiboei bideratuta joan daitezke hauek.
174 udalerri despopulatze egoeran
Nafarroan 174 udalerri daude despopulatze egoeran, eta horietatik 142k betetzen dituzte finantzazioa eskatzeko baldintzak. Gainontzeko 32ak Pirinioetako Planaren barruan daude, eta laguntza berezituak jasotzen dituzte jende husteari aurre egiteko.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
'Sustraiak Erasmus' egitasmoaren bidez landa eremuan praktikak egiteko aukera eskaintzen du NUPek. Xedea da Nafarroako despopulazioari aurre egitea.
2014 eta 2020 urteen artean 350 biztanle galdu ditu Zuberoak (-%2.55). Galera handienak Maule, Barkoxe, Sohüta, Garindaine, Ligi, Mitikile, Atharratze, Bildoze, Altzai eta Montori herrietan izan dira. Haatik, zenbait herritan biztanle kopurua emeki goratzen ari da.
Azken biztanle kontaketaren arabera, Lapurdiko kostaldeko herri bakarra da Ziburu beheranzko joeran dagoena. 6.800 izatetik 6.200 biztanle izatera pasa da azken sei urteotan.
Hurrengo urtean India izango da munduko herrialderik populatuena, Txinaren aurretik; datorren azarorako, 8.000 milioi herritar izango ditu planetak; zortzi herrialdetan kontzentratuko da biztanleriaren hazkunderik handiena; baina oro har jaiotze tasa txikitzen eta biztanleria... [+]
EAEko demografiaren beheranzko joera aldatu asmoz 2030erako estrategia aurkeztu du Eusko Jaurlaritzak. Estrategiaren baitako ekimenen artetik azpimarratutakoen artean, seme-alaba bakoitzeko hilabeteroko 200 euroko diru-laguntza aipatu du lehendakariak. 2023an pasako da indarrean... [+]
Noizean behin, normalean nire arretaren oso ertzetik pasatzen den kezka bat entzun edo irakurtzen dut: populazioa zahartzen ari da. Berriki gertatu zait. Eta datu zaparrada baten bidez xehetu ohi dizkidate zahartze horren erritmoa eta geografia. Tentazioa ematen du serio jarri... [+]
Hirurehundik gora herrik 200 biztanle baino gutxiago dituzte, eta hamaika udalerritan kilometro koadroko hamar biztanle baino gutxiago bizi dira. EHUk egin duen azterketa aurkeztu du Arabako Diputazioak.
Minimo historikoetara egin du behera jaiotze-tasak Araba, Bizkaia eta Gipuzkoan, 1941etik erregistratu den zifrarik baxuena baita 2020koa. Iaz 14.721 haur jaio ziren, aurreko urtean baino 697 gutxiago (%5,1 gutxiago). Azken urteetako beheranzko joerak dirau: 2008tik 2020ra, %30... [+]
Lurralde Kohesio Departamentuak, Toki Administrazioko eta Despopulazioko Zuzendaritza Nagusiaren bidez, 1,7 milioi euroko bi laguntza-deialdi egingo ditu laster, toki-erakundeei zuzenduta, despopulazioa arintzeko ekintzak eta inbertsioak bultzatzeko. Udal-zerbitzu publikoak... [+]
Herri eta bailara ugari basamortu bihurtzen ari da Euskal Herrian. Lan eta zerbitzurik gabe, egungo merkatuak bazterturiko eremuotan nola bizi? Egoera hori irauli nahi du Udalbiltzak, eta horretarako, logika lehiakorretik at, pertsonak erdigunean jartzen dituen ekonomia... [+]
Kohesio sozial osasuntsua irudikatzen duten faktore ekonomikoen aurrean, despopulazioak eragin duen adin taldeen arteko desorekak Arabako Mendialdeko etorkizuna hipotekatu dezake.
Gaindegiak atlas interaktibo batean Euskal Herriko eskualdeen argazki sozioekonomikoa egin du. Oinarrizko zerbitzu publikoen gertutasuna askoz ahulagoa da periferiako eskualdeetan hiriburuetan baino.
Despopulazioaren atzean faktore ekonomikoak daude, batik bat; besteak beste, dauden inbertsioak ondo bideratzeko estrategia bat falta dela uste du Jose Antonio Guillen Graciak. Estatu-politikak sustatzeko presio talde bat sortu dute Espainia, Kroazia eta Greziako eragileek eta... [+]